2013-05-25

Yahoo Blog...吐血...噴血...我投降...

一直以來道聽途說Yahoo Blog有各種問題,例如發表Blog文只有自己看到,
打好的Blog文遺失,最恐佈莫過於早前有些Blog友整個Blog變為空白,
所有文章消失,雖然後來修復了,但還真是驚心動魄心臟病發...
總之就是有各種奇難雜症...


我算是幸運地沒有遇上各種有關發表Blog文的問題,一直用得暢順,
唯一比較麻煩,是收不到Blog友留言的提示Email,這方面嘛,
影響不算太大,只要在Blog的左邊有顯示出來還是可以追查。


但直到昨晚,本來完成了的一篇遊記,儲存後...
竟然只餘下一半...? 後半篇連照片消失了???

即時粗口橫飛,亦心感不妙...只好一邊粗口橫飛一邊重打餘下半篇...
亦另存檔案以免再發生問題要重打...


結果還是一樣...
不論儲存草稿還是正式發佈,有一半文章連照片都消失...



滿腦子問號,追查下發現其他Blogger出現相同問題,結果...
原來就是因為這個原因...以下內容來自<[2013年3月11日更新] 問題修復報告>...

「目前Yahoo!BLOG 每篇文章字數已設有上限,
其限制為16000個「字元」。
所有文字、符號、空白位置、
插入的圖片或變更字體呈現方式(如:字型大∕小∕粗∕斜體等)
時所使用到的html語法,
皆包含在16000字元統計數量中。」


原來Yahoo Blog不知道什麼時候開始設定上限16000「字元」,什麼意思呢?
各位在寫Blog後在儲存或發表前,不妨按[HTML編輯器]
便可以看到該Blog文的真正字元及當中包含的語法。
換句話說,圖片愈多,連結網址愈多,甚至改變字體大小顏色等等,都會增加字元...
如果只是幾張照片幾段文字,是沒有多大影響啦,包含的字元不會很多,
但對於我這種要寫詳細遊記又要貼一堆照片或網頁Link的Blogger來說,
這個字元安排真是想哭了!!!
儲存或發表時又沒有提示超出字元,好歹也給人家提示啊!!!
提示也沒有然後就直接劈掉人家半篇Blog文...


我舉個例子,看這篇[Day 3(4) : 大正浪漫 - 銀山溫泉(山形縣) ~ 昭和館之夕食],
這已經是一篇文字不多照片也只是十多張的簡單遊記,
不過一如以往為了看舒服一點,每個篇幅我一定會隔兩行,
另外還有一點點整色整水啦,例如文字顏色啦,圖案啦網頁連結等等,
這個看起來簡單的遊記使用了多少字元呢?
答案是「11717」。

這麼簡單的Blog文便已經破萬字元...
現在上限是16000...



難道要我把遊記再斬件??
現在一天行程已經斬成4-5篇,要劈到10篇嗎?!?!



結果我投降...新Blog文只好再重新整理HTML語法...嘔血...
把多餘不影響外觀的字元劈掉...修理那堆HTML語法真的吐血...減壽...
終於新一篇遊記在不影響外觀及相關連結的情況下...劈掉多餘HTML語法...
不過...舊Blog文我完全不敢動!!!
各位...HTML語法超多的舊Blog文不要做任何編輯動作!!!
因為已發表的舊Blog文應該不受影響!!
不過最好還是盡快Back Up吧...



不知道各位除了在Yahoo寫Blog,還有在什麼地方寫Blog?
等下Yahoo Blog有什麼東瓜豆腐三長兩短都有地方落腳...
暫時在新浪開了Blog,微博就不想用了,
因為沒找到類似文章分類功能,看得很辛苦...


Yahoo Blog還是會繼續寫啦,只是我覺得還是找個後備地方比較好...


從現在開始,所有Blog文都要Count字元才敢發文...
這篇純文字只是調節文字的Blog文,純文字有「1173」,
字元有「2670」...


吐血...噴血...

18 則留言:

  1. 喔,原來係咁﹗真係o徒晒你咁好心機打咁多隻字喇 真係好嘔血喎... ><
    [版主回覆05/27/2013 22:58:19]好彩...只係重打半篇...不過為左唔影響本身遊風格~執番好D HTML語法執到嘔...
    不過執左一篇之後就唔洗執咁.. 

    回覆刪除
  2. 這絕對是 Yahoo Blog 最黑暗的時刻!然而,“It’s Better To Night A Candle Than To Curse the Darkness” ,懇請各位朋友、blog友及有心人運用Yahoo服務部的email及hotline 852-28955768盡量反應與爭取! United We Stand!!

    Please see the whole blog @
    http://blog.yahoo.com/rickiekwong.blog/articles/1169924/index
    [版主回覆05/27/2013 23:09:18]唉~雖然yahoo blog係免費~但佢整得出黎都真係最好負責任到尾~
    搞到我地宜家半天吊..

    回覆刪除
  3. By the way, how can you check 純文字 and 字元? Do you use MS Words to check?
    [版主回覆05/27/2013 23:13:28]MS Words CHECK 字元啦~HAHA...

    回覆刪除
  4. 哇, 我覺得你都算係圖多字較少,咁都超/。\太唔合理
    [版主回覆05/27/2013 23:14:57]結果果篇本來要出的blog要重新執番好D HTML語法...否則出唔到..

    回覆刪除
  5. 我上星期試過只有寫沒有圖,以前的文章圖都不知不覺地唔見哂。當時真係火都黎!!再加十句粗口
    [版主回覆05/27/2013 23:18:31]以前的文章圖都不知不覺地唔見哂 --> 呢個堅好驚wo!
    所以我從來都唔敢用yahoo / eflick upload相....

    回覆刪除
  6. 我依家慣左打到咁上下就發表 to 自己 only, 加 d 字又再發表
    完成一篇就 back up 俾自己
    所以之前我個 blog 無晒我都未驚過
    [廁紙回覆05/28/2013 00:02:51]我少左兩篇 blog, 不過自己有 copy, 吾打算copy 返上去啦
    間吾時, 都會見有 blogger 的舊 blog, d相全部 load 吾到
    [版主回覆05/27/2013 23:27:39]yahoo轉新前(11年年中)~有人整左個program~所以一次過back up晒所有11年年中前所有舊文~但之後果d我無back up(宜家會back up) =__=
    上次無晒blog文果單~好多blogger中招~有少部分blogger修復完後有d零星blog文唔見左..

    回覆刪除

  7. [版主回覆05/27/2013 23:31:54]Orz

    回覆刪除
  8. 殷師奶 HeBi Yuen2013年5月27日 凌晨1:42

    我攞掃把幫你打呀苦.....再粗口爛舌罵個夠
    唔好動氣,佢一直都腎腎地,睇下邊個中招囉~~只嘆唔好彩........
    [版主回覆05/27/2013 23:32:55]我都諗自己都好彩啦一直個blog都無咩事發生~點知呢次YAHOO SET上限~結果全人類中招=__=
    (如果你過左佢上限的話...)

    回覆刪除
  9. 咁多限制,趕客呀
    [版主回覆05/27/2013 23:36:02]我覺得佢不如摺左個YAHOO BLOG佢 =__="

    回覆刪除
  10. 你再將篇文砍件真係好花時間架WOR.....我通常會係note 或者microsoft word 打好save 埋先放上網....試過打打下文斷線要由頭打過個刻真係想講粗口呢=3=
    [版主回覆05/27/2013 23:38:35]舊文不受影響~但係我已經唔敢去編輯佢...
    新出的文重新執左一次語法...應該之後唔會太大影響...
    之前我無back up宜家要開始back up番...

    回覆刪除
  11. 驚心動魄
    我呢排都唔敢打blog呀
    [版主回覆05/27/2013 23:41:43]唔敢打不至於...不過一定會back up html果頁...

    回覆刪除
  12. 16000個字元真的"很多"呢…閒閒地不同字型顏色,再加連結圖片話咁快用晒啦…
    單是回應時顯示不到都想死,blog文被cut更悽悽呢…
    幸好我習慣用note寫blog文,不見過cut字這悲慘的場面~
    [版主回覆05/30/2013 19:37:12]對! 就係你所講~搞下花臣已經爆字元 =口=
    宜家儲存前先back up.... 

    回覆刪除
  13. *♡Amami✿幸子♡*2013年5月28日 下午5:25

    16000字元對於許多來說都不夠呢;pp
    我試過成篇post冇左,雖然我打既內容好少,但都好心痛/___\
    [版主回覆05/30/2013 19:36:16]所以宜家開始我會back up了..

    回覆刪除
  14. 沒辦法﹐yahoo是免費的.我之前試過好多次upload相有問題﹐有一半up唔到﹐變左死圖﹐要up幾次﹐但次序會亂哂。我另外有用wretch.cc做back up. http://www.wretch.cc/blog/giogio2013
    你睇下我呢個惦不惦? 不過佢好似同yahoo.com.tw有關係的...
    [版主回覆05/30/2013 19:35:37]yahoo佢一係乾脆delete blog service 佢~一係就搞分收錢同唔收錢~
    宜家佢既然免費就唔該負責任負到底=_____="
    佢咁樣令到用家好困擾=___="
    我寧願佢玩收錢制=___="
    你呢個好多台灣人用~我會試下~_~

    回覆刪除
  15. 打完冇咗一大截,我之前真係勁唔開心。仲以為係自己電腦壞咗。真係寧願佢收錢,但服務好啲!
    [版主回覆06/02/2013 13:51:49]宜家我已經每篇back up左先save blog...廢事乃野...

    回覆刪除
  16. 依家我只係post到相咋
    如果打埋字啲相會全部睇唔到
    試咗幾次都係咁
    yahoo blog真係越嚟越難搞
    [版主回覆06/02/2013 13:49:29]wa! 你果個blog問題係直情係個blog有error!!
    你真係要同yahoo果邊講!!
    而16000字呢個limited係yahoo新規定=__=

    回覆刪除
  17. 電占 豆豆 幸の旅日 World ^^2013年6月3日 晚上9:04

    據說6月4日內 cancel 限制了
    [版主回覆06/04/2013 20:22:26]6月4日內 cancel --> 好有深層意思...HAHA...

    回覆刪除
  18. 我都係好似你咁....激到我嘔血>.<
    我想向你請教, 你所指160000『字元』, 我去到(HTML編輯器), 但我唔識點睇我編BLOG用咗幾多字元, 請問在那一個位置見到呢, 多謝指教^^
    [己姻媽媽回覆06/05/2013 12:47:45]thanks ^^
    [版主回覆06/04/2013 20:22:45]6月4日 cancel限制了!
    另我其實只係copy去年word度check字數咋~~haha
    順便BACK UP嘛

    回覆刪除