2014-05-07

Day 3(4) 金沢庶民廚房 - 近江町市場



  **************************

Date : 2014-02-08
Day 3(4) 金沢庶民廚房 - 近江町市場
 
**************************


雖然已經是下午茶時間,但我們還沒吃午餐,
所以下一站是已經有300年歷史的金沢超級景點「近江町市場」,
下車點是武蔵ヶ辻武蔵ヶ辻是大站,大部分巴士幾乎必經。


 ~~~~~~~~~~~~~~~~~~~~~~~~~~~~~~~~~~~~~~~~~~~~~~
交通劵利用 : 城下町周遊巴士1日自由乘車券
橋場町 -- (北陸鉄道) -- 武蔵ヶ辻
~~~~~~~~~~~~~~~~~~~~~~~~~~~~~~~~~~~~~~~~~~~~~~


近江町市場」既是金沢一般市民的街市,亦是熱門旅遊景點,
沒想到幾乎每走一步都聽到廣東話或普通話,
很多人拿著旅遊書指指點點,為了找特定食店?
旅遊書這東西嘛,從第二次自由行開始已經沒有帶出門了。
 photo IMG_9401P01_zps123b2b19.jpg


近江町市場」不但是海鮮市場,亦有大量即食食品,享受掃街樂趣!!
 可愛老公以前在香港甚少吃鰻魚,自從受到名古屋三食鰻魚飯衝擊(Blog),
現在成為喜愛美食之一,這裡每串¥500。
 photo IMG_9405P01_zpse608d5a1.jpg

 
在這種海鮮市場怎能不吃新鮮海膽(¥500)?
 photo IMG_9426P10_zps043e0885.jpg

 
買了幾件炸物,不過是冷的,因為這種已炸好的食物,
一般家庭主婦會買回家再自行翻熱,很受日本家庭歡迎,
雖然冷的,但仍然很脆,如果酒店有微波爐,個人很推薦買!!
 photo IMG_9420P06_zpsadaf5eb4.jpg

 
這個[加能蟹]純粹拍照我們沒買啦,前一天已經吃了,
大家可以看到這款是"足折",價格大幅度下滑,
以這個大小估算非"足折"應該¥25,000或以上。
 photo IMG_9410P01_zps64413af2.jpg

 
♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚♪•♫˚♪•♫˚♪• ♫˚
 
 
不能只顧自己吃,一老兩嫩已經冷得沒有多大反應,找餐廳!!
本來想吃「井ノ弥」,但那條長長人龍...估計最少排一個小時,
各位已經飢寒交迫,所以去一間不用排隊的餐廳就算了。
 
 
這間的海鮮丼在Tabelog排名很高,又不用排隊,
就選這間,剛好又可以安排獨立個室給我們。
 photo IMG_9419P05_zps7aa82bab.jpg

 
不過發生了一些事情不吐不快呢。
餐廳給我們英韓中Menu, 跟我在Tabelog看到的Menu不同樣子,
這款明顯為遊客而設,日文Menu我們的確看不懂,
可愛老公的日語程度是破爛級,但寧願看不懂亂點,
我們仍然會叫餐廳給我們日文Menu,
因為根據經驗,中文Menu的選擇有機會比日文Menu少,
於是問餐廳有沒有其他Menu? 它們回答只有這個Menu。
既然店員說只有這個Menu,好吧,
點了4個三文魚子海膽丼(¥3,150@)及一個海鮮丼(¥2,625)。
  photo IMG_9417P01_zps3d6777e2.jpg
 
 
妹子上洗手間回來,給她在一張沒有客人的桌上看到另一個Menu,
Tabelog就是看到這個Menu...店員不是說沒有其他Menu??
這個Menu亦多了一些選擇,即時有一種被欺騙的感覺,
要你管我看不看懂日文?
我說要其他Menu,就應該要拿出來,看不看懂是我們的事,
現在卻給我們自己找到另一個Menu,讓我感到非常不爽。
 photo IMG_9418P01_zps24d4e40f.jpg


只要好吃,Menu的事情就算了,但當我看到這個三文魚子海膽丼...
可愛老公「咦...? 呢個恐怕會令你地失望。」
我們點這個為的是Menu上那張照片佈滿了接近一半的海膽,
我知道我明白,照片和實物有時難免差距,但這個差距是不是太過份?
妹子們看到這盤東西亦說失望,因為她們不喜歡吃三文魚子...
現在海膽實際上連1/3都沒有...
在日本吃這麼多次東西我沒有試過照片和實物有這麼嚴重的差距!!
我拿著Menu說「老公,唔該你同佢地講到底點解,叫佢地換過一碗。」
他「下...我唔係唔想講...但係我真係唔識點樣用日文同人地理論...」
我「洗咩同佢理論,拎住Menu指住張圖再指住盤野,
一眼就知道發生咩事啦!!」
可能有人會覺得奇怪為何我自己不跟餐廳理論,
因為自己知自己事,我的脾氣耐性不怎麼好,明白?
大妹及二妹「算啦,做遊客就預左要俾人當水魚架啦。」
我「做遊客亦唔係奉旨要做水魚。」老爸也叫我算數。
全部人都表示算數的時候,我還能說什麼呢?
說回正題,以¥3,150吃這碗東西明顯偏貴,真想大呼還我海膽!!
海膽亦沒有想中出色,上次在青森吃的三色丼定食絕對比它新鮮好吃!!
人家滿滿三文魚子,海膽和帆立貝才¥1,700(Blog)!!
 photo IMG_9416P03_zps6e515a52.jpg

 
可愛老公的海鮮丼,滿瀉的海鮮丼可以說是「近江町市場」名物之一,
以觀賞及拍照角度的確相當震撼,不過味覺上沒有震撼,
這盤海鮮夾雜了不少廉價部位...
好吧,我們也不知道要求高了還是受上面事件影響,
也許,這個海鮮丼只不過¥2,625我們的確不應寄予期望,
當然一定不是差,只是真的普普通通囉。
 photo IMG_9411P02_zpsd97cc203.jpg


Total : ¥15,225
這個下午茶真的不太值,還我海膽呀!!
 

♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚♪•♫˚♪•♫˚♪• ♫˚ 
 
 
吃完不太爽的下午茶,碰巧遇上街市的Promotion活動,
由「近江町市場」一些店鋪贊助食材,即場煮食,免費派發!!
 photo IMG_9424P08_zps570d982f.jpg


他們真的不惜工本,細心看照片上方那一大團肉,
一點也不手軟不斷大量傾倒各種食材到大鍋子!!
大鍋子滿滿的新鮮肉類蔬菜,當然我們也馬上去排隊啦!!
 photo IMG_9425P09_zps9dfbe93e.jpg

 
一半食材一半湯水,真的美味得讓人一邊喝一邊大呼好吃!!
食材太豐富我想已經完全不用添加調味料了,
加上冷得讓人發瘋的天氣,這杯超重料湯水立即讓各位精神抖擻!! \( ̄▽ ̄)/
 photo IMG_9423P07_zps4d1bdf66.jpg

 
離開「近江町市場」前又看到「Mister Donut」!! \( ̄▽ ̄)/
這分店款色超多擺放方式實在太強橫!! 選擇困難症!! \( ̄▽ ̄)/
由於太飽,所以買回酒店晚上宵夜!!
 photo IMG_9431P11_zps020ad496.jpg


 ~~~~~~~~~~~~~~~~~~~~~~~~~~~~~~~~~~~~~~~~~~~~~~
交通劵利用 : 城下町周遊巴士1日自由乘車券
武蔵ヶ辻 -- (北陸鉄道) -- 金沢東口前
~~~~~~~~~~~~~~~~~~~~~~~~~~~~~~~~~~~~~~~~~~~~~~

 
回到車站,外面依然下雪,所以這天行程完結,
幸好Day 1的HK Express提早到達,當晚可以趕上看「兼六園」點燈,
不然等到這天的話便可能要取消了。
於是去車站「金沢百番街」閒逛及買一點土產。
 photo IMG_9437P14_zps6abab8e9.jpg

 
其中一盒自留的土產"紙ふうせん",買了細盒包裝(¥1,260),
粉粉嫩嫩的顏色很可愛,外層可食用,
裡面是類似軟糖,味道普通吧。
 photo IMG_9434P12_zps70ac0725.jpg

 
如果想買一些派同事派街坊之類的土產,
個人推薦這款[金城煎餅],原因是價錢便宜卻不失禮,
我買了一盒20枚只需要¥1,100,重點是煎餅上印上金沢景點的濃縮景,
有同事表示印花很精美呢,而且又大大塊,
味道還可以,派同事派街坊的省錢佳品!!
 photo IMG_9435P13_zpse58a39db.jpg


之後我們回酒店休息及洗澡,再去吃晚飯囉。

 
  待續...


**************************


下一篇 - Day 3(5) 金沢氣氛居酒屋 - 台場 (金沢駅前店)


♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚♪•♫˚♪•♫˚♪• ♫˚♪• ♫˚♪• ♫˚♪•♫˚♪•


~*本遊記之第一篇旅程*~

~*本遊記簡易Index(可快速查閱本遊記其他文章)*~


42 則留言:

  1. 近江町市場已經變質, N年前去還好, 現在主打遊客生意.
    其實我估店方並非有心呃你, 你問人有冇另一個 menu, 佢地就會覺得 "無另一個外語 Menu"
    除非你講明"日本語のメニューはありますか?( Do you have a Japanese menu? )" 咁佢就一定會比你.

    另外 2月冬天根本無咩地方有海胆產, 無得同 5月的青森作比較.
    不過你見到相片又的確難免去比較.... >_<

    回覆刪除
    回覆
    1. 問menu果度我明你講mud~~我記得當時同屋企人講"佢地係咪唔明我地講mud"? 我覺得間餐廳~應該張所有menu拎晒出黎~因為日文menu同遊客版menu根本就不是完全一樣=___=
      如果佢係一樣~我都尚可理解呢~但明明有d款有有d無 =___="
      2月海胆只係唔係當造姐XD 都係長期有得食架啦XD
      街市見到多到你唔恨XD
      得叫佢張相又整到鋪滿一半~

      刪除
    2. 我只可以講 3150 係明昆價..........

      刪除
    3. 其實遊客價,明昆價都經常見,我係築地都試過。
      佢地硬要我睇中英menu(全部放最貴菜式),我就只望住牆上日文落單叫了人氣菜式算了(因為食過)。

      刪除
    4. 最衰我地又坐左入去D個室~完全望唔到出面環境(當時都幾FULL~如果我地坐出面就應該可以見到其他MENU或者牆上牌仔~~我D屋企人又抱住去旅行就息事寧人心態~~我又唔係又潑婦罵街=__="
      我只係想佢換過碗黎=___="
      日本食左咁多餐真係未試過咁貨不對辦=__________="

      刪除
    5. 所以就算唔識日文,都要識得落 order 點菜,我都係自己學返嚟.

      刪除
    6. 我記得,當年上日文堂,第一堂せんせい問大家為何學日本語。我同老婆係班中最大年紀,其他同學應該二十出頭。有D話想識打RPG,有D話聽日文歌方便D。

      我當時答,想識睇日文餐牌落單!

      刪除
    7. 我老公努力學緊睇menu~佢聽力會比睇字理想(動漫人嘛)XD
      不過唔識的時候~我地會點menu最貴的東西XD~

      刪除
    8. 話說回來,如果你單CASE倒轉發生,其實都無得投訴。

      如果佢地淨係俾日文menu,你又睇得明うにいくら丼(無相),佢俾幾多海胆,你都無得參考。

      刪除
    9. 如果無相 --> 我最後只能一路食一路對住老公ee 哦哦俾幾千yen得果一pat 仔海膽云云XDD

      刪除
    10. 雖然大家唔係好熟落,希望你唔好怪我,唔知點解我忽然感覺到有一道氣...
      根住就醒起依兩句對白:
      「行快D啦,陣間趕唔到車俾你家姐鬧死呀。」
      「快D衝呀!! 陣間趕唔到車家姐會發顛架!!」

      我閃~~~

      刪除
    11. 我不嬲都話我俾人誤解 ╮(╯3╰)╭

      刪除
    12. 我睇咗郭太寫文半年左右,呢D都成日見。XD

      我又閃~~~

      刪除
    13. 所以我懷疑屋企人都係想息事寧人...........

      再閃~~~

      刪除
    14. 我只係比較樂意做醜人去爭取合理權益╮(╯3╰)╭

      刪除
  2. 咁樣比人呃真係唔甘心,不過旅行就是咁逆來順受!!無龍人始終差少少~~
    難得街上免費送上熱辣辣既食物都算是安慰

    回覆刪除
    回覆
    1. 主要係我D屋企人息事寧人怕麻煩=__="
      最好笑係事後上網搵料見D台灣人狂推呢間..........

      不過果杯湯真係好鬼好飲~同免費無關XD

      刪除
    2. 大推應該都唔係近年啦,以前佢好出名架,我都食過兩次.

      刪除
    3. 如果事前知道俾台灣推得咁勁~我唔會去~台灣果班人~係又推唔係又推
      有fb page友跟我提起"雷神"~呢單又係另一個笑話

      刪除
    4. 雷神?我唔知喎,有冇 reference

      刪除
    5. 你上網Search下雷神朱古力/巧克力~前排背包客棧唔記得關東定關西討論區~
      推到嚇死人~第一頁十幾個thread 佔左1/3 thread都是講雷神朱古力/斷貨/邊度有得買.........
      (呢排d thread終於正常番)

      刪除
    6. 哈哈,我以為係”地雷之神”,即係明燈 blogger 添!

      刪除
    7. 我最初以為雷神係壯陽藥之類........你都知D人鐘意去日本買大量的孽...

      刪除
  3. 我有去井ノ弥食,不過嘛嘛地,魚生有筋的....

    回覆刪除
    回覆
    1. 井ノ弥我見到排果條隊(all HK &台灣)~已經嚇走左我

      刪除
  4. 可能見你地係外人先比英文menu
    不過我去過2間會先問我日文menu大丈夫!?

    回覆刪除
    回覆
    1. 佢俾中英MENU我沒問題~但問佢地拎其他MENU卻說沒有=__=

      刪除
  5. Mrs Kwok, This experience was a funny case. I could see your family has a very close relationship that you can express your views freely and your two sisters and your father are the people to calm you down and comfort your hard and unsatisfactory feeling about the food. The above situation could be occurred in many families. I think it is OK that you express your views, including happy or not matters, to your family. Anyway, I have learnt from your experience. Thanks for your sincere sharing! Mrs Ho

    回覆刪除
    回覆
    1. 多得我媽生前對有關培養家庭感情的努力~我地細個開始~每逢各人生日/各種大小節慶都一定慶祝~
      從而培養一種習慣~ :D
      所以就算現在大家分開住~所以我地關係都好好~食飯時好嘈吵XDD 3個女人嘛XDD
      每星期都總有一日一齊食飯~什麼生日聖誕之類大節日都會自動自覺主動聯絡食飯 :D

      刪除
    2. 你三姊妹既是好姊妹,又是好朋友,更是三位靚女子,可以互訴心事,十分美好呀!!! Mrs Ho

      刪除
    3. 所以我真係好感激我媽當年咁辛苦生3件出黎~:DDD
      本來當年有第4件不過我地3個極力阻止XD

      刪除
  6. 我上次去近江町市場可能已經晏咗所以覺得冇乜食, 最後去咗嗰間 Mister Donut 食.

    回覆刪除
    回覆
    1. 近江町市場去掃街我覺得開心過入鋪頭食

      刪除
  7. 除了魚生之外....樣樣都好好味咁!!!!!

    回覆刪除
  8. WA!海膽好吸引呀~有機會一定要去~~~~

    回覆刪除
  9. 原來近江町都係呃遊客, 我上次去金沢都唔記得去....hahaha
    不過日本食過咁多次海膽, 最最最好食又抵食既, 只有函館, 可惜函館有點遠, 還是未的起心肝再去

    回覆刪除
    回覆
    1. 暫時我都未的得起心肝去北海道~唔知點解仲未培養到想去的感情XDD
      北海道產海膽我堅信正得多~

      刪除
  10. Menu 果張就海膽與三文魚籽各半 , 實際就海膽得三份之一 ,
    直情係違反商品說明條例啦 . XD
    如果發佢爛渣 , 有可能俾人擺上網話係 "怪獸旅客" ,
    唔發爛渣條氣又唔順 , 真係好難取得平衡點 . >_< !!

    回覆刪除
    回覆
    1. 在言語不通的情況下應該好難發爛渣XD
      最多只能用非常生氣的表情指住碗野海膽果PART再指住MENU XD
      不過問題太過明顯倒不怕俾人話怪獸旅客XD

      刪除