2014-12-02

日本北九州自由行回歸

~*戰利品一覽*~


回家後生病中...幸好只是狂打噴嚏及咳過不停...不至於臥病在床...


出發之時手上的日元是0.0677,買的東西鋪滿大半客廳...
拿回來很辛苦...收拾也很辛苦...下次還是少買吃的...
重看上面那張戰利品全家幅照片之時發現放漏幾件東西!! 真遺憾...


由於家中一些上班頹服已經穿了3-5年不等,
部分已相當殘舊,加上上次樓上的仆街新移民茄汁事件(Blog),
能穿上班的頹服已所餘無幾,所以除了買Lolita外,
還添置了上班衣服,重點是日本牌子但卻是花園街價錢!!
相信未來幾年應該不用再買上班衣服!!


可惜在九州買Lolita不是太好買,一來不能退稅,
二來擺賣的款式都較冷門...買Lolita還是在東京比較開心...


旅行出發之前,查了天氣預告有兩天下雨,
而偏偏這兩天卻是重頭戲的黑川溫泉由布院溫泉
如果在市區,下雨尚可以去百貨公司逛街,
但這兩個地方是徹底的戶外活動...結果...
 雨是沒怎麼下,換來的是灰暗的陰天,
從來覺得藍天白雲是最好最美,但這次徹底扭轉這種想法,
原來陰天和紅葉才是真正絕配!!


陰天下的效果...Canon鏡皇光圈全開無需任何後製功夫...


可愛老公最滿意這次旅行的照片...終於拍到他想拍的東西...
拍攝之時我完全不明白他常蹲在某些角落到底拍什麼,
我只在附近呆等...原來是這麼一回事...




由於這個遊記應該要半年後才能出街,簡單說一下感想 : 

1. 開始感受到...我們年紀大了!! 感到身體較以前快疲倦,
看來明年11天的櫻花之旅,要想一想對策。

2. 「九年庵」 - 九州非常有名的賞楓景點,但個人覺得中伏,絕不推薦。

3. 「御船山樂園」 - 日照時份景色一般,
黃昏夜晚的夜楓祭倒是很美,不過多人程度有京都清水寺」級數...

4. 「熊本城」及周邊銀杏十分美麗,熊本市廣植銀杏樹,秋天非常值得去。

5. 秋天的黑川溫泉絕對是人間仙景,遊客又少,溫泉酒店環境一流。

 6. 在由布院(湯布院)住宿的溫泉酒店又是另一人間仙景,
第一次住7字頭的溫泉酒店...當然手上日元是0.0677所以才敢住...
反而由布院主街道的紅葉差不多掉光了,不過主街道的確非常好逛。

7. 「金鱗湖」又是一個地雷...幸好不是刻意去... 

8. 福岡現時很多地方還沒開始退稅(例如藥房),
不太好買,藥房賣的東西又比東京大阪貴...
可能福岡相對上不算太多藥房...所以眼見多以"標準價格"定價...
但在東京大阪倒是可以發現定價比"標準價格"低的藥房...


最後又要說一下Hong Kong Express(香港快運)
我們與它真的太有緣(笑),而且明明超重了3.6Kgs也不罰錢,
真是不要怪我幫它說好話(再笑)。
  

♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚♪•♫˚♪•♫˚♪• ♫˚♪• ♫˚♪• ♫˚♪•♫˚♪•


 下一篇...我要再寫Hong Kong Express嗎(笑)?




58 則留言:

  1. 真係滿載而歸,買左好多野
    我plan自由行一日吾可以超過3個景點,會死人的...-o-

    回覆刪除
    回覆
    1. 超重了3.6Kgs也不罰錢,你一定係HKExpress既VIP XDD

      刪除
    2. 九州好難沖到2個以上,下下都咁遠

      刪除
    3. 九州D景點都真係好分散...而且幾個主要紅葉點都要駁巴士...

      刪除
  2. D相好~~~靚~~~♡
    可惜我1月中就去喇,好多風景應該冬天會唔同~ 但都mark左先^^

    回覆刪除
  3. Welcomr back.

    邊到買到日本品牌, 花園街價錢的衫呀, 質料ok 嘛

    回覆刪除
    回覆
    1. 放心! 質料同款式唔OK的真係100 YEN都唔買~XD
      日本品牌花園街價錢緊係入OUTLET(福岡果個) XD
      D衫有些是SOGO / 一田都有賣的日本牌子 :D

      刪除
  4. WA好多熊本熊呀, 有冇見到本尊呀?
    寫熊本篇果時麻煩POST多幾張熊本熊吖XD
    可以嘅話快少少出添吖XDDD

    回覆刪除
  5. 收獲超豐富!
    上次我是3月尾至4月頭去金麟湖天氣差有點中伏,但朋友早上去打霧xd 又唔錯喎。
    去由布院又是全日下雨,乜mood 冇哂⋯⋯

    回覆刪除
    回覆
    1. YEN低的大衝擊!
      我去由布院果日藍天白雲~行到湖果度就無MUD太陽~
      我都見有D人話最靚係清早...但清早好多地方都好靚..........~_~"

      刪除
  6. 腳疲倦的話推介你著爽健壓力襪,著住瞓第朝雙腿元氣滿滿,當然日本買比香港抵好多~

    回覆刪除
    回覆
    1. 我覺得我地精神上疲倦以致成個人都快疲倦(老公要咩住重裝甲就消耗更加快)~
      可能影相影得太多......結果最後兩日都無點影相..
      下次可能都真係要減少影相...汗...

      刪除
    2. 攞住影相器材真係疲倦啦,玩左兩三日後袋多枝水都唔願@@“,
      影少啲相用肉眼望真啲仲好,試問有幾何會成日攞啲相黎睇?!(個人意見:))
      不過累還累,我諗你地影嘅時候都係另一種享受黎嘅~

      刪除
    3. 唔袋水架,我地係狂禁野飲,為左減輕重量我地換過晒d鏡頭,拎一支勁鏡好過拎住幾支渣鏡...又換晒碳纖腳架,影相果時真係忘形架,肉眼享受完就會忍不住影,影完就散左,番屋企睇番就好下回味(唔,我地真係會間中禁舊相睇),不過年紀漸長體力不如以前,唯有中間加番少少shopping平衡下,特別係市區,因為市區無咩好影XD

      刪除
    4. 嘩你地咁“儲心積累“去影,影時開心,影後又有得回味,咁累啲都冇所謂啦,
      變態啲講~去旅行唔夠累好似仲嘥左個假~哈

      刪除
    5. 我地頭果兩日影唔到MUD野滿意照片~~果日真係會有個感覺"今日好似無去過D MUD野地方咁GE"?
      或者"點解諗唔起有做過咩野"XDD

      刪除
  7. 嘩!!!!真係好犀利呀,買左咁多野,不過對0.06xxx真係抵到無朋友,唔買對唔住自己呀!!!

    我1月中既名古屋之旅要cancel喇,我老公返新工去唔到,唉...真係好唔開心呀...我plan左好耐好耐架喇...嗚嗚...

    回覆刪除
    回覆
    1. 去到outlet 真係價錢都唔洗點望見arm就買~真係太平啦!!
      返新工恐怕真係頭半年就唔郁得住>.<
      但番新工前完全無幾日空出黎要緊接上班嗎? >.<

      刪除
    2. 我地14/1出發,新工要10/1返,所以去唔到,我地之前買HK Express $110機票,損失都唔算太慘重,但一心諗住去到,而家就比較失望囉...機票只可以退離境稅...

      刪除
    3. 原來機票都買晒~咁真係比較可惜~~錢好少事~不過唔多唔少影響心情..

      刪除
    4. 我地改左1月頭出發喇,只係去京都同大阪,只去5日,不過我已經好心滿意足,有得出發已經好開心!可以去完就即刻返新工,再比錢買過新package,但我都好滿意,嘻嘻~

      刪除
    5. 替你興奮!!不過12月先買會係幾銀?!5日唔好去遠,輕鬆市內行下,去一日京都,半日奈良俾鹿玩下啦,哈哈

      刪除
    6. 我而家個package搭cx 全包2人$9500呀,之前$5900 8日全包,真係貴左好多呀~~~我住一晚京都,其餘就係大阪行下食下算喇,都唔走得遠,嘻嘻!!

      刪除
    7. 所以要買多D野補番數XD
      你去時好多地方都大減價中呢!!

      刪除
    8. 哈哈~~~~係呀,1月做big sales,我已經諗住帶2個大喼去,到時去到再買個好大既紅白藍物體既袋,我要滿載而歸,因為2月就新年,我打算係大阪買埋拜年既物品,所以我應該會爆kg返,kaka~~~同埋自己加老公同阿女要勁入衫褲鞋襪...諗起都驚,唔知點拎...哈哈!!!

      刪除
    9. 去禁區狂買手信拜年~~如果係我會第一時間勁掃ROYCE XD
      大方得體又受歡迎又好食XD

      刪除
    10. 哈哈~~~係呀,入到去禁區狂買,royce個個都話好好食,但我無食過呀,我諗應該都會買少少,仲有其他又買下生果又買下,我都唔知買下買下會唔會碌爆卡添,hehe!!

      刪除
    11. Royce不但好食,而且價錢係香港一半樓下!反而咁耐以黎我都未買過生果添

      刪除
  8. 望住你旅記大概,搞到我流緊口水(我個東京短trip要下年年中才出發...)

    係吾係你坐班機吾full,所以吾洗罰錢??

    題外,日本捷星會開香港-大阪線, 大阪應該長期有優惠出

    回覆刪除
    回覆
    1. 你好似好忙wo! 又唔覺你出下文~
      我坐果班就係因為太full A_A
      詳看新BLOG 文XD
      大阪宜家真係幾個航點中機票最貴! 希望可能緩和下啦

      刪除
    2. 我吾多影相,有都係用手提影(仲要係4s),好少專登食d咩,行到邊食到邊個款....

      但會係咁買野(係gu 掃衫,藥妝店,試過abc mart買吾到鞋走左去配眼鏡,喪買零食行超市)

      刪除
    3. 日本配眼鏡要用幾多時間?等我下次都考慮下去配!!

      刪除
    4. 我香港副眼鏡吾岩度數,即場再驗,英文簡單ok的。

      副眼鏡係jins佩,不是複雜case即日有得攞,大約2,3個鐘左右。可以攞自己副眼鏡直接叫店員跟住佩都得,如果複雜case大約1星期先有,店員會問仲佩吾佩。

      jins心斋橋分店9點先關門,佩完去血拼後再攞,正!

      刪除
    5. 哇!唔得!俾你講講我覺得我一定要去換眼鏡!我副鏡已帶左6-7年仲要係老土款,帶到個樣又蠢又惡,我好有衝動去日本換左佢呀!

      刪除
    6. http://s82.photobucket.com/user/waiwriting/media/96746F67-F901-49CB-8083-01DD0C0E6766.jpg.html

      http://s82.photobucket.com/user/waiwriting/media/0FA99BC9-4F5F-4E3C-AF62-F55796925997.jpg.html

      副鏡係JINS 佩,個柜內面係猫猫,當時匯訊好似7.6X左右,計返港幣600有找

      刪除
    7. thx photo!!! 我見到猫猫啊XD 正XD
      咁我真係會忍到下年去配XDDD

      刪除
  9. 嘩,抽咁多嘢返嚟,戥你攰。抖下啦。

    實在我以前去完日本返嚟病嘅機會差唔多係一半一半,所以都慢慢減行程同買嘢嘞。

    回覆刪除
    回覆
    1. 我去完旅行極少病QAQ
      不過最尾果日落大雨我又著短褲連絲襪都無著仲淋過雨,給果乃野T.T
      我一日頂多都係2景點架咋...

      刪除
  10. 你好呀,我有睇開你個blog ga,請問你係搭咩去黑川溫泉?

    回覆刪除
    回覆
    1. Hello, 我係熊本出發的,坐九州橫斷巴士就可以到黑川温泉,一日有4班車,別府/由布院出發亦可,純粹調番轉

      刪除
    2. 巴士要唔要BOOK? THX ^^

      刪除
    3. 我去果日係閒日非假日~~成間大巴熊本上車得5個人~~中途上車數埋都係幾丁友~
      唔約都無所謂~不過我自己就有book~既然都去硬咁book左安心d ge
      不過黑川走果下book左就安全d~因為都坐滿一半

      刪除
  11. 紅葉濕濕地先有質感,半年咁耐,快d就~~引屎人
    真係好紅呀))))

    回覆刪除
    回覆
    1. 說得對!仲有顏色問題,陰天下顏色實d同埋影出黎效果比較日系!:)

      刪除
  12. o的紅葉相好有 feel,超靚呀 !!!!!

    回覆刪除