2015-06-08

單拖關東初夏遊

不是我單拖啦!! 是可愛老公啦!!
這次即將是他首次單拖遊,他一早患了不偶爾離開香港會死的病,
雖然3月尾4月頭已經出走了11天,但一次又怎可能有足夠的治療呢,
我因為正忙著一些事情而未能陪同,又不忍心他已經病入膏肓,
所以主動提出不如他自己出走幾天吧,他現在滿滿的罪惡感呢(笑),
其實我又真的沒所謂。


♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥


詳情如下 :
Hong Kong Express
機票價格 - $2,888 (去程回程分開購買)
去程寄倉行李 - N/A
回程寄倉行李 - 20Kg
 

---------------------------------------------------------
Departing Flight : 2015-06-30
23:50 (香港國際機場) - 05:05 (羽田國際機場)
Flight :UO624
---------------------------------------------------------
Returning Flight : 2015-07-05
06:20 (羽田國際機場) - 09:50 (香港國際機場)
Flight : UO625
---------------------------------------------------------


好吧,機票價錢以廉航來說一點都不便宜,
不過事出突然,貴了那一千幾百就算了,
而且他又堅持踏著7月1日的凌晨時份,
另外7月4日當晚會讓他試住First Cabin(羽田空港),不再訓機場。


行程我幫他稍為規劃,日數也只不過4天Full Day,
應該不會去太遠的地方,而且關東近郊有興趣的地方很多都去過,
所以也不知道還去什麼地方,另外他不懂坐車!!
直到現在他仍然分不清"特急"和"新幹線",
分不清東京Metro地鐵都營地鐵...之類啦...真的有點替他擔心...
雖然我未能同行,不過他也有重要任務,.
7月頭這種大減價日子當然要採購啦,嘿嘿。
不過到了年底他那個不偶爾離開香港會死的病應該又會病發呢。


至於我搞什麼東南西北連旅行都擱置?
細節要等7月中至下旬才確定,到時候再說囉。







65 則留言:

  1. 乜"特急"和"新幹線"是有分別的嗎?

    回覆刪除
    回覆
    1. 新幹線的軌道會盡量起得直D少D彎位~條路軌已經唔同~~~
      唔....剛想到(笑)~~品川去熱海~坐東海道新幹線同坐東海道本線特急的分別?

      刪除
    2. 多謝解釋,我淨係知價錢差好遠,但速度又唔係快好多,雖然我乜叉特急、準急、新幹線、都營、Metro、京王、東武、西武 ... 都搭過,但我都唔係好知邊間打邊間,可能我只顧在車上睇女 .... XD

      刪除
    3. 乜都好,新幹線條路軌闊啲,同平時乜急乜武乜營鉄路,不能共用。

      刪除
    4. 但秋田新幹線慢到嘔泡。

      刪除
    5. 原來秋田同山形真係叫迷你新幹線。
      http://zh.wikipedia.org/wiki/%E6%96%B0%E5%B9%B9%E7%B7%9A

      刪除
    6. 夠唔夠快真係要睇型號~坐E5東京上青森就堅係好快~~~
      東京去金澤就更加唔洗講~新幹線D軌道要重新起過~特急無得行

      刪除
  2. 一個男人單拖當然去歌舞技丁見識o下啦XD
    另外恭定你喜先 XDD

    回覆刪除
    回覆
    1. 我同佢講不如入無料案內所見識下XDDDDDDD

      刪除
    2. 我6月尾都單拖去沖繩,可惜個度沒有無料案內所XD

      刪除
    3. 美國村五光十色,可能有。

      刪除
    4. 香港人唔識日文應該只能望門輕嘆?XD

      刪除
    5. 現在普通話都可以

      刪除
  3. 哈哈,你係咪喜事呢?

    回覆刪除
    回覆
    1. 哈哈~不過我唔信果D咩未夠3個月唔可以講的傳言XDDD

      刪除
    2. 粗身大細就唔好飛來飛去。

      刪除
    3. 我表姐好堅~兩胎分別37及39歲高齡照飛旅行

      刪除
    4. 我開頭都係諗,但冇理由可愛老公會掉低粗身大細嗰個,自己走去飛,所以我覺得係另又其事。

      刪除
    5. 其實我本人係呢方面又無MUD所謂XD

      刪除
    6. 我老公當日都試過掉低粗身大細o既我,自己走去飛,哈哈 ~

      刪除
    7. 懷孕有蜜月期,過左胃口差精神體力回復正常個肚又未大膨脹果段時間其實真係無所謂,大肚=/=病人嘛

      刪除
  4. 時間同我差不多,今次我是JETSTAR入UO回。

    回覆刪除
    回覆
    1. 我幫佢買時個腦只係LOAD到幾間傳統公司~UO同香草...完全唔記得JETSTAR..

      刪除
    2. 仲有輝哥嗰幾日都好似去咗東京

      刪除
    3. 我其實都打算果幾日將自己肉體搬去日本。

      刪除
    4. JETSTAR去程要在機入面留十幾鐘......點解佢唔SET晏幾個鐘飛架....

      刪除
    5. 唔明,我張JETSTAR是直飛成田新線,1340-1900。

      現在通常唔坐overnight.

      刪除
    6. 我八掛去官網用7月1去search下有咩時間~佢show左一班香港21:25 - 成田09:05 (10小時40分鐘)
      但6月30同7月2就係你個時間

      刪除
    7. Jetstar 應該不是日日有機,你可能search左大阪stop over.

      刪除
    8. 我再望~你對~原來佢係經大阪再去東京....

      刪除
    9. 意頭說話遲啲先講。

      我七一返嚟呀,大小姐。大家前後腳呀。

      我都諗過住first cabin, 但最後揀咗去程搭下晝機到成田,平咗嘅錢夠住一晚酒店。

      唔叫老公搭凌晨機返?玩盡佢拖住喼返工!

      刪除
    10. 話說我尋晚/今朝midnight到羽田,本想坐幾個鐘等五時半開車。

      最後都求其殺間jalan當日宿,飛的去酒店算。

      刪除
    11. Fai : 去程揀凌晨5點到步呢班印象中貴下午機幾舊水,但下午果班出到東京應該要食晚餐,計落其實差不多XD

      回程凌晨果班貴一倍有突,仲貴過住first cabin+朝早機呢個配搭一截,即刻番工太顛,佢d假舊年都多到放唔晒(雖然上年旅行已經出走29日),唔咁顛了XD

      刪除
    12. コーさん :你果班midnight機我老公都唔敢試XD
      不過如果單拖配first cabin又好似ok,因為呢個班次夠平

      刪除
    13. Yes. 我早幾個月買,$65+Tax。所以是是但但。

      刪除
  5. 我都估你地攪出人命架,不過見你上面留言又否認
    點都好啦......恭喜恭喜^^

    回覆刪除
  6. 您可愛老公未認識您之前,一次旅行都未去過,與您婚後每一年幾趙旅行,便患了那個不偶爾離開香港便不舒服呢的情況,真搞笑! 我猜想願來每一次旅行,最興奮的就是您可愛老公,您不時透露他最喜愛日本美食呢,回來香港也時時見您們尋找美味的日本美食,但是點說都是日本當地食物,不論大型商場的日本餐廳或是橫街小店,最引我們特意挑選一個假期去品嘗一番 :D Mrs HO

    回覆刪除
    回覆
    1. 你記性真好~~佢25歲人先第一次坐飛機旅行! 真係算好遲XD
      而且呢兩年自從佢上左公司高位後~真係好忙壓力好大~每年3月8月10月公司都打仗(廣交會/落新單/地獄式無限開會)~我真係驚佢壓力爆煲~加上我份工好悠生活又好悠~所以反而係我有D唔好意思佢咁辛苦我咁得閒~4月頭去完旅行佢同我講真係成個人都鬆晒(3月打完仗)~所以我明白佢極需要旅行休息~咁放佢幾日去食野兼重點買野(YEN咁平!)!都一舉幾得啦

      刪除
  7. 謝謝您的回覆! 許多照片,看見您可愛老公都是笑臉迎人,他應該懂得把工作的承擔化為努力工作的動力呢 :D 還有,您份工作幾悠閒都好,總是付出了朝九晚五的時間,為家庭經濟付出了力,已值得稱讚呢:D Mrs HO

    回覆刪除
    回覆
    1. 有時見佢好辛苦~番到家無咩笑容~我就會大力拍佢膊頭"放心! 好快又去旅行" HAHA~
      我份工主要真係FOR屋企日常開支~旅行洗費就真係要靠佢~HAHA

      刪除
  8. 東京個鐵路圖又加左新野,我13年個張鐵路圖大雜燴都係勉強夠用,淨係玩東京市就玩山手線沿途,係出入羽田冇山手線搭...


    我5月尾個轉都係搭你老公段航班,機場過夜都好快過,食下野叉下電咁又夠鐘check in, (重點係個叉電好慢,等叉緊電已經夠鐘)

    入到禁區最後衝刺(我戰到去閘口附近間書店都仲放低銀兩)

    是有喜嗎?恭喜賀喜!

    回覆刪除
    回覆
    1. 留言去左垃圾筒撈番你個留言上黎^^″
      我每次都會去官網印路線圖,因為好多時地鐵方便過坐山手線,當然有得上網後就直情去Yahoo search路線連地圖都可以唔望.

      機場過夜自己試左兩次,後生仔女就無咩問題,不過宜家yen平,first cabin最平果隻只要5300(不過幫佢揀左6300大d果隻),有得沖涼又有大浴場大行李又有人看管又正式有張床訓下又有得充電,玩得過架

      刪除
    2. 我本來懷疑係吾係未發出留言就關左網頁......

      我plan行程會將附近景點一齊去,原本想買地下鐵同都營個合作pass ,但轉車轉到嘔加車費平得1,200yen, 結果用ic card俾$算..

      一個人去住first cabin當然沒所謂,但2個人條數好和味,本來想book機場附近酒店,但訓得幾個鐘就起身check in, 所以都係留宿機場算了

      刪除
    3. 地下鐵同都營果張pass~如果可以的話~~~用得最爽當然3 days果張XD
      500 yen一日~盡量集中坐某d線省時間~不過老公呢次單拖就唔會再買~
      因為預計某d地方會逗留好耐唔會坐好多車~~~~
      兩個人住first cabin可能真係有d卡拉~因為個價錢夠住蒲田附近d酒店~~~
      不過如果老公住完覺得唔錯而佢又唔加價yen又繼續低迷的話~~~~有機會再坐呢d時間會試下

      刪除
  9. 咁老公的單拖遊咪冇得寫遊記囉 ?
    等你的好消息 ^^

    回覆刪除
    回覆
    1. 佢有影相的話咪黎個一篇過放閃囉XD

      刪除
  10. 恭喜恭喜。
    睇了你既blog幾年,相片好靚。因為照片吸引,我七月去鳥羽,也訂了你住過的潮路亭。
    你的廉航經驗很有參考價值,我都訂左Hong Kong Express聖誕去福岡,不過要成$3500。

    回覆刪除
    回覆
    1. 多謝留言^~^
      鳥羽呢個地方某程度雖然真無mud野好做,不過住過咁多間溫泉酒店呢間直到宜家都幾好印象:P
      聖誕就無計,安慰自己如果以前聖誕都好難3500就有機票XD

      刪除
    2. 咁又係,舊年聖誕CX大阪買左$6000幾>_<

      刪除
    3. 大阪呢幾年實在太多人去,結果有廉航的情況下機票仍然不及東京平:(

      刪除
  11. 想請教下你有無坐過捷星丫~因我十月想去大阪, 捷星比HK EXPERSS 平5舊左右 , 但又未坐過吾知好吾好,

    PS :捷星晚上9點幾機, 零晨2點左右到大阪, 都吾知重有無車去市區呢

    回覆刪除
    回覆
    1. 捷星在廉航界玩左咁多年應該唔差掛(未坐過),平5舊緊係試下新野啦,
      凌晨兩點好似無公交出市區,哈...

      刪除
    2. 日本好多早班車都係5點幾開第一班車,2點幾落機,攞行李,梳洗下,叉下電好快到5點

      謝告知jet star去程時間,除了peach,玩到儘有多個選擇

      刪除
  12. 謝謝2位意見, 不過如HITOMI 所說第一日就攪到咁, 真係個人會散的哈哈
    今日開始找資料CHECK 酒店 發現京都10月11日東橫單人房已全FULL 了, 因個2日有個春日祭 , 早3個月都FULL ,現在頭痕緊點算哈哈

    回覆刪除
    回覆
    1. 凌晨機到步最玩一日已經係我極限,機上都叫可以訓晒成個凌晨時份(雖然訓不到),
      東橫會員可以6個月前訂房,台灣人最鐘意用,上樂天jalan啦

      刪除
  13. 嘻嘻, 叫你老公今次盡情咁玩啦~~~ 下次再去玩應該多一個人喇! ^^

    回覆刪除
    回覆
    1. 佢呢次淨係做咕呢都應該好忙,哈哈

      刪除
  14. 老公單拖, 有料喎....你係咪攪出人命, 嘻嘻?
    佢係咪有個水蛇春list係手幫你入貨

    回覆刪除