2015-08-03

單拖東京二回合回歸

~*戰利品一覽*~


轉眼間可愛老公的單拖東京購物團第二回合又完成了,
這次其中一個重要任務不用我多說,看照片就猜到,
首先我不是My Melody Fans(我沒有對某些角色人物有特定喜好),
但「Graco」Crossover這模樣的BB車我和他齊齊敗給它,算你狠...
上次6月尾單拖已經想買,但當時資料顯示出貨日是6月下旬,
我們不敢博,所以第二回合一定要把它訂回來,
如何抬回來? 要他連同其他行李由市區抬去機場這麼陰公我不會啦,
稍後戰利品篇再說。


論"件數"不及上次多(幫人代購的東西沒有在照片出現),
但論份量這次不是說笑,BB車連外箱就不用說了,
除床蟎蟲吸塵機及嬰兒背帶都非常大盒,前者亦有點重量,
這次連「Panasonic」電解水機都抬回來,價錢比香港便宜三千多元...
差價幾乎等於機票加兩晚酒店...還未計吸塵機、BB車等等物品的差價...
自己飛一轉花的錢比在香港花的還要少,
與其別人賺不如他飛一轉享受廉價購物樂吃好的輕鬆玩幾天。



 ♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥


又到了分享Hong Kong Express(香港快運)的時間(笑),
第一次被罰超重更加要分享,呵呵...
首先去程準時回程早了25分鐘到港,已經說到厭囉,
至於回程,當初買了20Kgs,大家看到這次規模份量,
都知道沒可能7Kgs Handcarry及20Kgs寄倉可以完成啦,
根據罰則,0-5Kgs是¥1,700,
最終寄倉25.8Kgs(事前刻意堆砌這個重量),被罰¥1,700(約$107),
不過如果事前買行李,20Kgs是$225,25Kgs是$300,
現在只不過多付$32而已,另外可能因為已被罰錢,
幾乎肯定超重的Handcarry便沒有磅重了。


由於他開始忙於公司的事情及產期愈來愈接近。
本年度不會再去日本了。



59 則留言:

  1. 今次的戰利品更加豐富呀~~ 不過喺日本買平咁多, 要托要運都好, 點都值得~~

    回覆刪除
    回覆
    1. 佢有得玩又可以平價買到心水野~~bb展都可以唔洗去了

      刪除
  2. 平咁多......真係自己飛一轉仲開心
    最緊要買到心頭好

    回覆刪除
    回覆
    1. 我現家直頭覺得响香港入舖頭買嘢等於幫人交舖租,價錢完全唔好理。

      刪除
    2. 所以果些thankful week呀減價週之我地係完全買唔到野,寧願去日本網站ship些衣物番黎,生活必需品先在香港買啦

      刪除
  3. 愈看您們的戰利品愈替您們感到高興呀! Mrs HO

    回覆刪除
  4. Hitomi 你好,睇了你的blog好耐但第一次留言,想請教網購送去日本酒店的問題,你之前通常會喺到達酒店前幾多日喺amazon.jp買野?我16/8到東京,想而家喺amazon買,但驚一兩日後已經送到酒店,自己又有一段時間先到,擔心酒店唔肯幫忙keep咁耐(但係而家減緊價,驚遲些買又無晒貨)....
    謝謝你!

    回覆刪除
    回覆
    1. 你個留言跌左去垃圾筒^^”
      1. 酒店一般都唔肯太早幫客人keep件倒是真,通常是check in前三兩日,我遇過一間只肯check in前一日
      2. Amazon佢shipping method有幾種
      如果賣家是amazon自己,用standard shipping佢真係可以今日order後日就到,臨confirm俾錢時仍會show件野幾時到,早得濟的我會遲些才order, 而有時有些product可以指定日子(唔洗煩),
      如果賣家同ship貨是其他賣家就好難講,order完可能要立即email同對方溝通遲些出貨

      刪除
    2. 謝謝你的回覆!! 想再問下如果我order了貨,使唔使email酒店通知聲佢?

      Thanks Hitomi !!

      刪除
    3. 話說我地從來都唔通知酒店:p
      人未到行李先到對佢地黎講好平常

      刪除
  5. 回覆
    1. 本身穿lolita 已經好多人望。媽媽靚囡囡靚車車靚。

      刪除
    2. 好幾次著Lolita 入迪士尼都比人當左CM XD

      刪除
    3. 穿lolita入Disneyland印象中有兩次,d人真係圍影的Orz

      刪除
  6. 好壯觀~你老公好利害,一個男人都可以買到BB野...

    回覆刪除
    回覆
    1. 出發前搵親友去香港d百貨公司惡補過bb買mud product, :-P

      刪除
  7. 若然出來的是仔,連 BB 車都用唔到 XDD

    回覆刪除
    回覆
    1. 商品介紹話男女兼用XDDDD
      btw, 有照結構超聲波就會照埋生殖器官,同埋照男生女的機會會大過照女生男,因為有時醫生會睇錯左臍帶係男B的生殖器官XD B女就比較少睇錯

      刪除
    2. 會唔會追多個?XDD

      刪除
    3. 小公主幾時出世?

      刪除
  8. 但點睇都唔只係得25.8kg咁少喎?等解說

    回覆刪除
    回覆
    1. 架bb連外箱車其實只係佔7kgs, 無各位想像咁重磅,不過就好q大盒,水機就2kg, 吸塵機就本體重1.8kg, 清走晒入面的包裝塞其他野

      刪除
  9. 都話要買定30kg啦,不聽老人言,........ XD

    回覆刪除
    回覆
    1. 你覺得真係可以再拎多5kg野?我地無車仔wo XD

      刪除
    2. 你老公有強壯的臂彎XD

      刪除
    3. 你寄部份去機場ABC,機場拎,有車仔,我有時太多會這樣。

      刪除
    4. 我本來真係想寄一箱3大pack尿片過去,但有問題解決不到,因佢是清晨機,宅急便counter未開....而由first cabin去坐shuttle bus果段路要坐扶手電梯,沿路無車可推(佢話兩次都見不到)...如果佢有大車推兼有大電梯(由staff帶去坐車,first cabin專用班次),我想塞到30...

      刪除
    5. 咁你屈就下住東橫羽田,寄部份過去,酒店門口免費車4am送你去國際線,落車有機場手推車。

      尿片咁輕,你又唔趕,郵局寄船返香港啦,四星期。

      刪除
    6. 東橫羽田不是不想試,而係佢房間全爆..:(東橫入面有無車仔借由房推出門口?如果無都係搞唔掂)
      尿片運船當然計過數>>唔跟人走係真係無著數,3包7kg 船運3000yen, 同香港買接近...所以要跟人走...

      刪除
    7. 有,東横可問佢借車仔。可能你今次太急,訂唔到。

      昨天由東横成田走,那邊簡直是水貨散貨場。

      刪除
    8. 淨係有車借呢下已經下次要住東橫羽田lol 我老公係帶定尼龍繩去綁再抽走,否則一個行李箱2個旅行袋一架bb車真係走唔到lol

      刪除
  10. 架BB 車真係好搶眼, 好似仲有HELLO KITTY 款係黑色ge~

    回覆刪除
    回覆
    1. Hello kitty車我見過呀,不過果部外觀設計輸幾條街XD

      刪除
  11. 請問你的吸塵繭在那裡買, 幾 $ ?, thanks

    回覆刪除
    回覆
    1. ths you for your information. 我之前在 大阪 big camera 見到, 但價錢比 amazon 貴好多, 但在 amazon 睇到日文我就头暈! >.< 另外想問 amazon 只寄去東京?

      刪除
    2. 單拖第一回時我地見到yodobashi同bic camera賣19xxx, 嚇左一跳,貴amazon勁多,所以第二回再去就乾脆在amazon買寄酒店,仲好,唔洗搬,amazon寄日本全國啦,放心(有趣的是在amazon賣呢部野的賣家正是bic camera)

      刪除
    3. 謝謝! 又想問下咁如果我去日本, 通常要幾耐之前訂? 可有指定送貨日期選擇?

      刪除
    4. 如果你exactly買呢部機,而amazon自己仲未有stock的話,另一個賣家就會是bic cam(佢最平),bic cam出貨超快,今晚order佢聽日送貨後日到貨,你自己預時間吧,如果賣家是amazon自己,有時可以指定,就算無得指定,佢在你付款前都會show delivery date(通常隔日送貨),你嫌早就遲d先訂,

      刪除
    5. 請問你用咗部吸塵機未呀?(如已用,感覺如何?)可否給我你所選的牌子及型號?謝謝

      刪除
    6. 用左~牌子是IRIS OHYAMA IC-FDC1-P~包抵用~將會有詳細BLOG文

      刪除
    7. 牌子 : iris , 好似得一個 model, made in china, 是嗎?

      刪除
    8. 佢個網我的確只見一個MODEL~made in china

      刪除
  12. 剛剛在日本玩完兩星期,無論食、買都比香港平好多。七、八月很多鋪頭減價,衣服鞋襪又平又靚,簡直令人失控呀。相對而言,香港物價真係幾貴,而且貨色不值那個價錢。

    回覆刪除
    回覆
    1. 香港就算咩野THANKFUL week~~一拍埋同日本比的確d野依然係買唔落手...所以在香港除左必需品~我真係會等到去日本先買或者網購SHIP番黎好過

      刪除
  13. 我朋友都極力推介我買這款 BB 車,但粉紅色 Melody 太屬目,不敢用,黑色 Kitty 又太普通(因紅色部份及貓頭標志都太少),而且我都不喜歡黑色的,所以遲遲未決定,到上星期才買了另一款紅色的。如果有緣在街上見到你推著這架 Melody 粉紅色 bb 車,我一定會過來打招呼的,哈哈 ~

    回覆刪除
    回覆
    1. 最先是search到hello kitty~但我都覺得太普通~搵多兩搵見到架 Melody簡直不得了~雖則唔係為左引來目光但真係好難抗拒XD 如果是生仔就唔洗諗生女就真係忍不住XD
      有緣見到一定SAY HI~~~這架車得水貨應該用的人都不太多

      刪除