2015-08-16

香港人有時真係好難頂...同情空中服務員...

某天跟可愛老公聊天單拖旅行的趣事,
他說起了在二回合回程時遇到在航班上的小事。
航空公司是我經常掛在口邊的 : Hong Kong Express(香港快運)


話說他在飛機上安頓期間,聽到身後較遠位置有一位中年男士在吵鬧,
事緣該位中年男士為了霸靚位(機倉頭頂上行李格)擺放他那"價值連城"的壺
一早排隊登機跑去霸位,
一位空姐正要移動那"價值連城"的壺釋放更多行李空間,
大家都知道日本回程的航班各位都滿載而歸,
 機倉頭頂上的行李格何其緊張...該中年男士對該位空姐吵鬧說 :
「你咪掂我個壺呀!! 我個壺好貴架!!」
「我特登早D排隊就係想霸個靚位擺我個壺!!」
「個壺爛左你要賠呀!!」
個壺爛左你負責呀!!
至於後續如何就不清楚了,因為該位中年男士坐在較後的位置...
他既然要護著他那"價值連城"的壺回香港,就不要坐廉航啦...
去坐傳統公司的First Class不就好嘛....
 在廉航上吵鬧霸位放東西又罵別人的行李阻他的行李算什麼道理...


然後可愛老公旁邊坐了一名港女(可愛老公按 : 我無話佢係港女喎),
空姐也是正在移動機倉頭頂上的行李格,
港女立即喝道「我個蛋糕唔壓得架喎!!」 
無言...


如果飛機上人人一個"價值連城"的壺,
人人一個不能壓的蛋糕,怎麼辦?


香港人有時真係好難頂...

26 則留言:

  1. 香港人好多都好無理﹗>_<

    回覆刪除
    回覆
    1. 之前有什麼調查訪問空中服務員,話香港人最難頂我信架

      刪除
  2. 香港已經地少人多,如果過於自我中心的人愈來愈多,活在這裡便更難受了。
    我一有長假便去日本,而且盡量揀鄉郊,或多或少都是想避開一下這類人。

    回覆刪除
    回覆
    1. 我諗除左4月果次去得比較多遊客區地方,之前點都會去些鄉郊,都係想清靜下,香港已經夠嘈夠迫,坐車時又間唔中聽到人爭位鬧交,都幾煩,我大住個肚都廢事同班有氣有力ge人爭位(但行慢兩步又會俾人撞lol...)

      刪除
    2. 當年我大住個肚排頭位等小巴都俾個男人打尖,我指摘佢,佢仲惡人先告狀全程車係咁鬧我,我嬲到死。而家諗返,真係唔應該同無文化既人計較,費事動胎氣。果次之後,我惟有搭的士出入囉。

      刪除
    3. 先唔理係咪大肚不過男人老狗打尖真係好樣衰...
      我宜家坐鐵寧願快手搵個位挨埋一邊算~~佢地咁需要坐就由佢地爭~唯獨巴士我真係會叫人讓位~巴士太危險

      刪除
  3. 有次見過.......CALL到咪都爆final call,那接駁巴開走了,先見到2名港女衝出嚟,唯有再等接駁巴
    我唔係哩班機都睇一睇錶(好無聊),哩班機一定無可能準時飛,唔準時飛是人為,而不是廉航
    希望以上和以下既情況不會出現我們身上.......呀門^^

    回覆刪除
    回覆
    1. 這次坐 HK Express 由 KIX 回港,一點起飛,12:50機長開 Mic話要等兩位乘客,所以未能關上機門。到1:05,兩個較高級的港人地勤,步入機倉,同空姐 confirm 嗰兩位 no show 既位係咪冇人坐,之後在 walky 講了一句 unload seat no. XX XX baggage, 唔夠半分鐘,已聽到閂機肚門聲,再同空姐簽文件,之後閂機門,等起飛。不過,最後都等多三個字,架機先後推,去跑道。

      刪除
    2. 我會覺得出奇點解check in左最後唔上機....

      刪除
    3. 我估佢地買到忘了時間,又諗住ㄧ定等埋先起飛。

      刪除
    4. 一句講哂,自私自大,惟我獨尊。

      刪除
    5. 關西個禁區我印象中其實都唔係好多野買姐........咁都買到可以忘了時間....

      刪除
  4. 嘻~
    鄕廣淫內心心裡以為自己高人一等
    所以霸氣不輸蟲,(好聽d就同化左)
    係日本遇到唔守規舉/大聲說話/冇禮貌/⋯⋯港人佔一半,半斤八両

    回覆刪除
    回覆
    1. 講霸氣香港人點會輸蟲XD
      由以前到現在都一樣,不過宜家比較團結一致焦點落在強國人不文明行為上而已XD

      刪除
  5. 以前坐飛機, 大家都比較禮讓, 依家啲人愈來愈自我中心, 我都遇過俾人"霸"咗行李格一大半, 我們幾乎冇位擺, 不過因為我們物品不多, 就費事同人計較...空姐遇上這些問題都幾慘~

    回覆刪除
    回覆
    1. 最初hkexpress對手提好寬鬆,不過太多人濫用變左愈來愈緊大家無癮,老公上次遇過有人咩住行山長大背包,在登機時俾人截住左lol

      刪除
  6. 廉航好多時都係咁, D人不停霸位, 我見過有人會霸到人地頭頂既位黎擺自己野....仲要唔係前後座咁簡單, 係隔好多好多行.....

    回覆刪除
    回覆
    1. 霸位都未算大問題,但當個空姐為左騰出空間而壓到自己的行李就唔好鬧個空姐囉...
      重點係d人留難前線,前提係明明自己無理...

      刪除
  7. Hi Hitomi, 想請教HKExpress手提行李每人7kg是否只可以一件,定還是可以2至3件計埋唔過7kg就ok?
    另外希望你駝B順順利利呢!

    回覆刪除
    回覆
    1. 先多謝你的祝福~~手提行李只可以一件~(7kg)~但HANDBAG唔當一件~
      入閘後如果唔過份一袋半袋手信OK~~但如果太多老公見過有人在登機前俾人截住

      刪除
  8. 都唔淨係廉航啦,香港地周圍都係呢啲歪理。聽過比較經典嘅係屋企樓下無免費報紙派都要投訴。

    無㗎嘞,去旅行當自己又盲又聾,自閉啲就會開心啲。一落機去鄉下都係好辦法。

    回覆刪除
    回覆
    1. 如果中年男士/港女坐first class~我估應該可以滿足佢地要求XD?
      明知坐廉航就唔好妄想可以前後左右無人壓佢地D行李啦.....

      刪除
    2. 唔駛 First, Business 77W 頭頂一人一格任你擺.
      不過講真, 搭過幾次, storage 都係空氣多過實物.

      刪除
    3. 我無銀兩坐Business我估 First點都有得獨佔咋~~

      刪除
    4. 我只記得 First 自己個衣櫃已經放得入 hand carry + 掛大褸,冇留意頭頂。

      利申:冇咁有米自己買

      刪除