2015-10-25

Jetstar之廉航不爽初體驗分享 - 香港 <> 關西大阪



*..*..*..*..*..*..*..*..*

Jetstar之廉航不爽初體驗分享 - 香港 <> 關西大阪

*..*..*..*..*..*..*..*..*


上一回合說到如果習慣了坐「Hong Kong Express 」...
第一次坐「Jetstar」真的會讓人很不爽啊!!
現在分享一下...


1. 時間來回沒有Delay。


2. 可愛老公來回也坐在緊急通道,座位自然很闊,
至於其他普通座位,憑目測,
Hong Kong Express的點心號系列再窄一點點。

排名 : HK Express (非點心號) > HK Express (點心號) > Jetstar


3. 去程行李沒有磅重。


4. 回程行李,亦是這次最不爽的地方,
被罰超重5Kgs,¥7,500,但!!
並非因為被罰¥7,500而不爽,因為是我看漏條文所以心服口服,
不爽是當中的過程。


出發前看了行李的條文,Jetstar按每Kg罰款¥1,500/Kg計算,
HK Express以0-5Kgs罰款¥1,700(曾試過一次,超重5Kgs),
所以已經可以想像以每Kg計算的Jetstar行李會較嚴,
HK Express則很寬鬆,試過超2Kgs也不罰錢, 
但我看漏了重要的一條...直到罰錢一刻才知道...
首先,每人可以帶一件手提行李及一個Handbag,總重量7Kgs,
如果習慣坐HK Express又沒有細心看Jetstar條文便知道乃野了...
因為HK Express的7Kgs只計手提行李不計Handbag...


買了25Kgs,最後行李分佈如下 :
A. 寄倉行李 = 25Kgs
B. 手提行李 = 7Kgs
C. Handbag = 5Kgs


在酒店分配重量滿有信心沒問題便去Check In,
結果職員把寄倉行李磅好並立即運上行李輸送帶送走,
然後才要求把手提行李及Handbag磅重,
那一刻才知道手提行李及Handbag「總重量」不能超過7Kgs,
職員說要不就罰7Kgs並把手提行李寄倉,
要不就罰5Kgs但要抽走2Kgs東西手拿上機並把手提行李寄倉...


 笑點是罰款我們願意付,絕不會一哭二鬧三上吊,
因為理虧確實在我方,心服口服,
但他們老早把25Kgs寄倉行李運走,
根本無法整理行李,有一個沒有使用的旅行袋在寄倉行李裡面...
結果他要拿Handbag之餘,在沒有其他旅行袋情況下,
手拿數件臭衫等等的2Kgs零碎行李...
幸好Handbag裡面還有一個更細小的迷你Handbag...
可以放很零碎的小東西...


如果HK Express要磅所有行李,
他們不會磅完寄倉行李拿拿臨送上輸送帶然後才再磅手提行李囉...
而是在沒有特別爭議下才會送走寄倉行李囉...


可能有人覺得大不了罰7Kgs就可以不用這麼狼狽啦?
Hey!!
明明超重5Kgs幹什麼因為他們處理手法有問題而硬食7Kgs??
我不說這處理手法是對還是錯,但我覺得有問題囉,
理應在沒有爭議下才運走行李囉,
如果寄倉行李還沒有送上輸送帶,
起碼可以拿回那未用過的旅行袋,一次過袋好Handbag和零碎行李!!
而不是拿Handbag之餘再手拿幾件臭衫囉...
當然我們不否認如果能重新整理行李,
他會把一堆購物紙袋鞋盒等等全部拿走,起碼可以再減掉2Kgs...
因為他以為可以使用的重量綽綽有餘所以才留下...
平日我們多數會掉這些多餘的包裝...


5. 真正上機時的行李管制一樣的嚴格,
話說他在免稅店買了一點東西,除了精選少量美食,
還希望要一個大袋子嘛,於是當時臨上機的行李 :


A. Handbag
B. 迷你Handbag
C. 免稅店袋子


然後上機時被職員攔截並要求3變2上機,
剛剛被罰¥7,500還不能整理行李兼要狼狽過關已經氣上心頭,
他一手把迷你Handbag塞入免稅店袋子就算了。
事後我笑說,他們沒有拿磅逐個磅已經要偷笑囉。


總結 :

這一篇文並非要叫人不要坐Jetstar或唱衰它,只是想提醒一下,
如果習慣了「HK Express 」的寬鬆仁慈,
便要留心較嚴的「Jetstar」。
 坐Jetstar特別是回程時最好不要心存僥倖,
不要以為Check In超重一點點一定有機會整理行李,
過關在免稅店不要買太兇狠,他們嚴格執行只可以有2件行李上機,
他說眼見所有超過2件行李的乘客無一倖免被攔截。


還會不會再坐第2次?
當然會,我們不抗拒嚴格執行條文的航空公司,
而且知道玩法下次就不會再中招啦。


  ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚


~*本遊記簡易Index(可快速查閱本遊記其他文章)*~


26 則留言:

  1. 好彩唔係要除對鞋出黎過磅 . haha ...
    有你既經驗 , 農曆年幫襯Jetstar都可以諗點應對 . THX

    回覆刪除
    回覆
    1. 應對就係唔好諗住有人情講lol
      老公有嘗試要求可唔可以照罰5kgs錢~但7kgs果隻行李寄走~等佢唔洗咁呢hea~
      因為佢覺得是jetstar老早運走晒佢d寄倉行李做法有問題在先~
      但jetstar死都唔肯

      刪除
  2. Handbag都要磅就真係辣咗D-_-#
    我上次由成田飛札幌都冇磅手提行李,同埋個位我覺得比點心機闊D,感覺同港航機差唔多。

    回覆刪除
    回覆
    1. 有fb page友表示佢得一個背包回港所以都無磅手提行李~~
      所以估計應該專係對我老公呢類超多回程行李的人嚴格執行...

      刪除
  3. 國泰而家都係咁,叔仔一行四人星期四由關西回港,他們的寄倉行李 just made,結果CX用目測兼人肉磅重佢地手提行李,每人限一件,結果佢地手提行李為咗啖氣情願喺機場郵局寄返黎。

    回覆刪除
    回覆
    1. 國泰如果佢根條文執正做只能說你吹佢唔脹...雖然,好少可聽到傳統公司會渣正做,不過宜家的國泰又真係好難講

      刪除
  4. 凡事計到太盡, 緣份亦必早盡......

    回覆刪除
    回覆
    1. 我純粹覺得佢未ko所有行李就拿拿臨運走的處理方法有問題,被罰錢我又唔覺有咩野ge,因為就算最終有我全部執,我地都一定超重,btw, 廉航自己計盡乘客計盡係無可厚非人之常情啦

      刪除
    2. 下次咪鬼搭佢啦~ 平都無用.
      不過唔係你講出來都唔知咁鬼麻煩.

      刪除
    3. 但係樓上話國泰宜家都渣正做wo XD
      咁坐mud XD 新開的埃塞俄比亞(不過好似暫時只飛東京)?XD

      刪除
    4. 鬼咩, 個個走水貨, 隻機點塞得落呀. 一陣上到去 cabin 又投訴話無位比人放行李, 我覺得依家係啲乘客搞出來的. 點都好, 睇運氣啦, 其實如非旺季去當然唔駛捱 CX.

      刪除
    5. 所以我唔抗拒嚴格執行的航空公司,因為d人過晒火

      刪除
  5. 我九月尾就親身體驗過Jestar。我行李都超重,個地勤有俾我哋抽番部分出嚟,但依然都超過30kg。 好似你咁講,被罰錢應該因為係自己唔啱,但不爽嘅係個地勤嘅態度,全程黑面嘅,語氣都不太友善。 以為係個別例子啦,點知連空姐都係咁,叫乘客扣安全帶嘅態度好差,同行朋友話唔會有下次。

    回覆刪除
    回覆
    1. 你唔講我都唔記得講~~~老公有講過佢地全程西面~~~重點係我老公由頭到尾都無同佢地嘈過(雖然CHECK in完佢即刻打電話俾我爆粗鬧爆佢地XD)~~佢話罰~咪俾錢囉~~~~但係佢地面口好西~~~

      刪除
  6. 日本三間LCC都是將handbag+hand carry 合計,limit 7kg (jetstar) or 10kg(peach, vanilla)。只是UO奇怪地分開了所謂handbag重量。

    日本地勤一定嚴,每件都會check weight,件數都一定是2。

    Jetstar好處是你可根據行李,前一天online再加quota,買了20kg可再俾錢買到25kg, etc. UO你就唔洗諗。

    當然我每次買到最大算數。

    上次都話寄郵政回港啦,door-to-door service,又不是貴好多。

    回覆刪除
    回覆
    1. 昨日出左呢篇~立即有網友告知peach都係咁計~然後上網睇埋vanilla都係~先至驚覺原來hkexpress先係奇特果間lol~~~~ 不過有fb page友表示佢坐jetstar回程無寄倉行李~得一個背包(相信size不大)上機~地勤無磅佢~我估嚴都係針對d多行李ge人架啦~~~

      jetstar呢鋪係我自己睇漏條款先至俾人罰5 kgs~~呢次有經驗知點玩下次就唔會俾佢罰到 :p

      刪除
  7. HK EXPRESS不算寬鬆了,就是因為太多人不守手提行李的條款,講真手袋都5KG?!如果剩相機、電腦又計不計在內? 如果計就沒話說,因為呢D一定加埋5KG而係必定跟身既~
    如果不計,咁手袋5KG他們捉又沒辦法。 HK EXP都捉架,因為D人太過份,一個人三至四袋上機,有D人仲要CHECK IN收埋,上機先拎留出來!於是塞爆行李箱!但開始嚴捉,好左少少~

    回覆刪除
    回覆
    1. 如果果3間日本廉航~相機電腦全部計入7kg架~~hkexpress如果你塞到落handbag就真係唔計的~~

      hkexpress最初啟航2個幾月後坐佢第一次~~果時佢地係鬆得好緊要架~~不過未過多幾個月再坐~~已經明顯地嚴左~不過都算係鬆~~今年坐左佢來回3次(計埋老公單拖)~最近兩次是7月頭同8月頭~~其實相對上都算鬆~7月頭果次超重2kgs都唔捉罰錢~廉航黎講真係算好鬆好鬆~手提只要你上機時唔太過份~眼見d人handcarry+兩袋手信都唔捉~~如果坐jetstar~~一定俾人攔~~

      刪除
  8. 上星期坐hkexpress回來時, 我都怕超重 , 好彩行李剛剛20KG 多少少 , 不用罰$$

    回覆刪除
    回覆
    1. 現在睇緊你個銀山之行參考緊, 本來有朋友一齊去, 不過呢個日聽佢口氣好似有D想宿沙, 所以要諗定PLAN B 單拖遊,不會原來銀山好多溫泉酒店也要2人先可以BOOK , 所以呢次有D麻煩.........

      刪除
    2. Hkexpress老公試過超2kgs都無罰,所以都幾鬆,不過當然佢都留左少少handcarry位,我地唔會特登挑戰佢地底線ge

      刪除
    3. 你朋友直情縮沙唔去日本?
      我印象中銀山有些無咁出名較細間的接受單人住者,銀山溫泉得十幾間坐宿,去銀山官網逐間問定!btw, 即日來回其實唔係唔得,不過留埋夜晚睇夜景完美些

      刪除
  9. 而家好多時為咗唔想同啲地勤糾纏同拎餐死,已經減少買嘢。以前最癲試過28kg一隻喼,好彩同行朋友always零手信,可以用埋佢quota。單拖遊我就一早稱定行李,再決定到機場買幾多嘢。

    調轉諗,太多人唔理硬闖,無辦法之下惟有對個個客都嚴。

    回覆刪除
    回覆
    1. 老公呢兩轉大件又重果些ORDER晒去機場~~所以都唔會拎餐死了~~~單唔單拖我地都一定問酒店借磅~
      用淨重量唔抵(雖然從未試過XD)

      我覺得嚴係好架~~~個個都守規矩係好事~大家公平囉~~~所以我唔會因為呢單野而唔坐JETSTAR

      刪除
    2. 我淘咗個手揪電子磅,好方便

      刪除
    3. 電子磅磅handcarry比較有危機lol
      (磅輕野無咁準)

      刪除