2016-10-23

帶嬰兒(7個月)去日本旅行之小經驗

小金魚去日本正值7個月大,剛轉固體的嬰兒都是十分麻煩,
我的個案最為惡劣,因為小金魚是母乳及奶粉混合,
 每天三餐母乳、一餐奶粉及一餐固體,
她已經不肯埋身食,我一天要泵5次奶,
 有經驗的媽媽們可以想像單是洗奶樽洗奶泵已經洗到你想死,
為了節省各種時間及讓旅程稍為方便,得出以下小經驗。
 photo L1016737P03_zpsh9fckku0.jpg
 
 
 1. 奶粉格一個及已預先分好的奶粉,一份一餐
可能有人問為何不帶一罐? 一罐我都嫌浪費位置啦!!
7天旅行安全計只要每天兩包啊,半罐都用不到,
裝幼粉是那些很便宜的三文治袋,帶奶粉格亦方便開奶。
   photo L1016740P02_zpsfyqkylqx.jpg>
 
 
  2. Playtex即棄奶袋
 為了不想洗奶樽,每次開奶都會用即棄奶袋。
   photo IMG_5981P01_zpsjgobnufb.jpg
 
 
當然沒有帶走一整盒,也是按食用餐數拿數量。
 photo IMG_5986P01_zps9xu5jlis.jpg
 
 
  把奶袋套落奶樽,奶袋容量是225ml,
經實際測試,一個奶袋套落奶樽後最多只能開180ml,
 再多便會不夠位,幸好小金魚食量剛好一餐180ml,
另外最好用奶粉格的細口倒奶粉,因為套了奶袋後奶樽口太細。
   photo L1016281P01_zps84dbbjb9.jpg
 
 
 奶袋用完即棄,無需再消毒奶樽。
  另外隨著奶袋的奶減少,奶袋會自動壓縮,
所以這款奶袋的另一好處就是減少BB飲奶入風的機會。 photo L1016284P02_zpsjmz9ewyd.jpg
 
 
  3. 即棄儲奶袋
 由於本人母乳不足,平日會用雙泵泵奶及直接泵入奶樽,
然後直接用奶樽餵,沒有存貨日日清,
至於旅行就全部直接泵入儲奶袋,有需要才倒進奶樽餵食,減少洗奶樽次數。
   photo L1016742P03_zpsh2xqctr9.jpg
 
 
 4. Medela快速清潔棉
  這款清潔棉無需用水和清潔液,直接抹在物件上清潔,
無味無酒精無漂白,行程會帶幾件小玩具,可以方便每天清潔。
 photo IMG_5983P04_zpsqcgxokaa.jpg
 
 
 5. 即棄口水肩
  小金魚一日食一餐固體,一餐用一個,用完即棄。
 不過現在小金魚已經一日三餐固體,下次還是要帶可使用多次的口水肩了。
   photo L1016744P05_zps9ltxk6ci.jpg
 
 
  6. 即食食品
很多愛心媽媽連去旅行都會帶米和炆燒杯再去超市買食物每日新鮮煲粥,
我沒那麼偉大啦,即食食品解決固體就算啦,
在日本,如果旅行頭幾天是住近郊地區,就算有一定的生活機能商店,
 嬰兒食品不見得十分易買,安全起見還是準備數天的固體,
出發前已收到十多包米糊試用裝,可愛老公早前在日本又買了即食食品,
 不過各位事前還是要測試一下自己的小Baby是否願意食那些即食食品。
 photo L1016741P04_zpsskq8kjai.jpg
 
 
 7. 嬰兒零食
這個不用多說,用來安撫小Baby萬試萬靈,
幸好小金魚來回兩程在飛機上尚算乖巧,沒有大哭大叫大吵。
   photo L1016743P04_zpsnyt5jqon.jpg
 
 
 7. 奶咀
 飛機升降會做成不適,有理無理都先塞奶咀,
 我自己真的很怕打擾別人。
 
 
 8. 善用宅急便
  自從2012年旅行首次試用,一試愛上,
 首先我們大人去程已經各人一件大行李,還要推BB車,
 我們又不是自駕,整個行程又要轉幾次酒店,想起都覺得麻煩,
 所以用宅急便把大行李寄來寄去這些小錢絕對值得花,
 試過一次最重的行李大約30Kgs,只不過大約¥1,700,
好過自己抬餐死啊...另外預先把行李直接寄到機場亦可!!
 回程時可以輕鬆一點。
 
 
9. 留意車站去酒店的上落設施
訂酒店的房除了不能太細和必定要近車站外,
還要留意該車站上地面附近到底有沒有升降機之類,
 行李+BB車行樓梯你真的會想死,我們試過去溫泉酒店遇上這情況,
 那個車站叫那古船形,鄉郊車站,幸好大行李已用宅急便寄走,
 只要抬一件行李及BB車,東京的情況會比較好,
 我住的酒店附近佈滿百貨公司,百貨公司一般都會連接車站,上落很輕鬆。
 
 
10. 沖涼問題
網上有家長分享帶吹氣浴盆去旅行,因為BB用花灑會哭,我沒有帶!! 
小金魚第一次用花灑的確有大哭,
 但之後已經沒有哭,就算大哭也只是三幾分鐘嘛,哭幾次又不會死。
 
 
 11. 兩公婆分工合作
 為了節省時間,我的泵奶時間與小金魚開餐時間是一樣的,
 所以可愛老公會負責換片餵佞的工作,幸好他只要在家都會幫忙,
 所以他早已是熟手技工,現在去育嬰室也常見到其他爸爸們換片餵奶呢。
 
 
 

7 則留言:

  1. 我好多遊日小知識都係跟你學架~ 自從用過宅急便, 盡量都用錢解決問題, 吾會自己搬啦, 回想當年搬兩個大喼坐仙后座號, 真係傻仔到爆。

    又自從上次 last day 住機場酒店, 我諗我以後會特登换酒店都要 last day 住機場呀, 實在太方便又輕鬆, 貴 d 都抵。

    Btw, 三年前係日本試過搭的士, 發現吾係真係貴得咁誇張, 有時都費事晒力行, 晒時間, 又用錢解決。

    好似我前日在札幌落雪, 吾想雪地搬行李, 10 mins 的路程, 670 yen 就解決左啦, 你帶住 bb, 下次都試下, 包你返吾到轉頭呀~

    回覆刪除
    回覆
    1. 所以點解你會好少見到日本人會帶住大行李在新幹線/長途車走來走去,佢地太習慣用宅急便,人未到酒店行李先到。

      我黎緊11月同12月的旅行又係last晚住機場酒店,上次試完實在爽,唔洗晨早起身,就算坐下午機,最多咪去機場附近景點行下,完全唔洗煩要搵地方lock行李(寄存市區酒店最終都要番酒店拎走又係麻煩)

      我都有試過幾次坐的士,其中一次係福岡回港,果日落雨落狗c咁,結果要飛的去機場,兩個人連埋全部行李,兩千yen有找!!!

      刪除
    2. 我依家睇見屋企堆晒 d 行李, 又好多衫要洗 ( 洗吾係問題, 乾先煩 ) , 頭都暈。

      跟住就會諗, 都係吾好飛住啦, 又要 plan 行程, 玩果個星期又 chur 到盡, 要休息下。但可能我下個月 AL, 又失機無神飛左都未定 ~ :-p

      刪除
    3. 機場酒店貴, 但都吾易 book, 我上次名古屋返 hk, 我初頭 book 吾到架, 係臨飛前幾日先執死雞到無咁方便, 但都叫機場酒店的東横 inn 喳

      刪除
    4. 旅行番黎基本上都係我執番D行李~你都知D男人啦....平日都已經喜歡將D野隨便放...
      宜家就好D...有工人幫拖..


      機場間東横 inn 應該平WO! 我老公住過一次~不過FULL得勁快!如果臨飛前一兩月好難BOOK~
      不過成田機場原來無一間酒店Exactly在航廈樓上(果間膠囊酒店除外)~無論點都要坐酒店shuttle去航廈 =__="
      無羽田咁爽~羽田機場果間真係一出lobby行幾分鐘就check in~
      不過成田果堆酒店勝在平設施又好~~12000 yen-15000yen已經有大房~酒店有大浴場有室內泳池有gym room! 當渡假酒店都得lol 所以我暫時book左尾兩晚都住機場(所謂的)酒店lol

      刪除
    5. 咁成田剩係 aeon 都夠食夠逛, 如果岩季節, 又可以去成東摘士多啤梨添呀。 我講左好多年話想去呢兩度, 最終都未去過呀 ~

      刪除
    6. 成田上有AEON下有OUTLET~~成田本身仲有新勝山果條兩邊都是日式建築邊行邊影相的表參道行~
      其實淨係呢幾度地方最少要2日時間!

      刪除