2017-04-28

1,888,888

2013年9月建立此Blog,23.5個月後即2015年8月12日跳去「888,888」(Blog),
事隔20.5個月,跳去「1,888,888」,好意頭呀。


一直覺得神奇,這種遊記式Blog網上有好多,
我不寫什麼十大必買手信十大必去景點十大必食甜點之類題材,
也甚少有詳盡交通攻略,到底各位是如何從茫茫Blog海中找到這裡?_? 
還有多少位是從Yahoo年代跟到現在呢(Facebook偶爾有人向我相認XD)? 


各位能讓這個很平凡沒什麼強大資訊的遊記Blog有如此瀏覽量,
某程度是推動本人寫Blog的熱情,雖然,寫Blog這麼久沒什麼錢落袋,
老實說,除了有電視台找過我幾次做訪問和節目外,
(不過太高調我全部推掉,要我上電視我真心淆底),
還有兩次免費飯和一個有錢袋的廣告(本人正好是相關用家我才肯接受這廣告去發文),
就沒有"著數"落袋了,因為我想維持這個版面的整潔,
希望各位會繼續喜歡這個簡潔又沒什麼廣告的Blog。


38 則留言:

  1. 恭喜恭喜,好意頭喎一路發發發發.......^_^我找到你blog,是在網上搜尋日本東北就入到來,我都喜歡版面簡潔,有時太多廣告睇到眼花花﹗

    回覆刪除
    回覆
    1. 當我Click入黎驚見1,888,886~幾鬼驚有人click左我個發發發發 A_A
      如果要我挑選最喜歡的遊北~日本東北冬季應該要入三甲

      刪除
    2. 我都好中意東北呀, 有景, 有食,有温泉,重點係交通方便好多。 反而港人好中意的北海道, 除非你只去札幌小樽, 否則, 真係怕怕, d 交通超吾店, 一日先得3 班車, 仲要閒閒地3-4 個鐘一程。 touchwood 有咩依郁即時改程, 都吾係你想改就改到

      刪除
    3. 我年底會去跨年~所以我掙扎緊上日本東北定北海道....但我想睇雪...
      日本東北我驚唔夠雪....舊年有幾個BLOG友在日本東北跨年~山形縣除左銀山其他地方居然無雪...

      刪除
  2. 我呀, 我呀, 我係 yahoo 年代跟到依家架

    記得2012 年, 第一次衝出東京去東北, 咁岩你又去東北喎, 就追住睇囉。 同埋同你有交流嘛, 人人留言你都會覆, 咁其他人先會有心機追落去架嘛

    如果你都叫交通玫略吾詳盡, 咁我寫果 d.....

    有心機自由行的人, 睇左小小 hints, 就會自己再去官網求正架嘛。 始終睇你 blog , 到自己去, 都相隔一段時期, 路線呀, pass 呀, 都未必一樣啦

    重點, 你從來吾寫廣告 blog, 人地先會覺得你真心 share, 先會信呀。 有廣告 blog 果 d , 我 scan 下算架啦, 吾會用心睇架。 試過踩屎, 無下次, 吾想去諗佢邊 blog 係真心 share. 邊 blog 係廣告 blog 呀

    記得你都提過,寫 blog 又養吾到家嘅, 最多咪 free dinner, free 樂園 ticket, 自己又吾係俾吾起, 何必晒時間丫

    回覆刪除
    回覆
    1. Btw, 我向好多朋友同事宣傳你個 blog 架

      刪除
    2. 我絕對記得你係yahoo人~最記得你地果時旅行堅持要帶幾支鏡頭幾部相機~我諗宜家你地都唔會咁做了~愈去得多就無當年咁執著~

      你睇下台灣果D交通攻略勁到~~所以我宜家都係簡略寫下俾自己下次做參考算啦…不過認真~台灣的blog我就真係scan兩眼就算~佢地d廣告同版面花到…睇得好辛苦~在台灣~寫blog出名果d都真係仲可以搵到下食~香港? 真係唔多值錢~舉個例~曾經有公關公司搵我寫廣告文~著數係咩呢? 一個價值大概$200的東西(雖然呢樣野我剛好需要買)~但係寫呢d文又要起draft又要俾佢批~麻麻煩煩~我唔玩了~我自己俾錢買算數~

      刪除
    3. 我老公仲係堅持 2-3 部相機, 2-3 支鏡嘅, 亦試過好幾次, 去到大站就揾locker 放低部分鏡同相機, 咁, 拎黎做咩呢?? 串又串過, 話又話過, 我依家都費事出聲啦, 我只係聲明, 我吾會幫手拎。

      我自己呢, 年頭新買左部 sony A5100 呀。 我老公好不屑呢 d 機仔, 事實, 當然無大機咁靚嘅。 但我年頭呢 3 轉抛夫遊, 好需要呢 d 機仔架, 靚過手機, 又輕過大機, 價錢又 ok, 同小朋友影亦都靚, 性價比都好高架

      刪除
    4. 我老公仲係堅持 2-3 部相機, 2-3 支鏡嘅, 亦試過好幾次, 去到大站就揾locker 放低部分鏡同相機, 咁, 拎黎做咩呢?? 串又串過, 話又話過, 我依家都費事出聲啦, 我只係聲明, 我吾會幫手拎。

      我自己呢, 年頭新買左部 sony A5100 呀。 我老公好不屑呢 d 機仔, 事實, 當然無大機咁靚嘅。 但我年頭呢 3 轉抛夫遊, 好需要呢 d 機仔架, 靚過手機, 又輕過大機, 價錢又 ok, 同小朋友影亦都靚, 性價比都好高架

      刪除
    5. O no! 我以為去左咁多次旅行會好似睇化放pair添...佢似乎驚在香港有人偷野所以帶埋d寶貝走...
      (我老公睇到呢個留言佢話完全唔明呢個行為XDDD)
      講真自從呀女出世後~我地間中出街都係帶機仔咋~在家幫呀女影相都已經唔願我拎部大機出黎啦...係旅行都仲勉強keep到用大機...

      刪除
  3. 好意頭,今年運程不錯!!!
    以為抽雙人日本機票答謝粉C XXDD

    回覆刪除
    回覆
    1. 有人贊助俾我我送出去有咩所謂~可惜無XD

      刪除
  4. 發發發好意頭!
    我寫blog都係為咗自己做記錄,特別係有人冇記性,成日問有冇買過啲乜,個樣係點,有冇去過啲乜地方,唔駛吓吓開電腦搵。

    回覆刪除
    回覆
    1. 我間中都會在自己BLOG搵料~~所以唔係淨係分享咁簡單架!

      刪除
    2. 我嗰個老人痴呆都係咁,見到電視介紹日本,就會問呢度嗰度係唔係去過架。咁我就會上blog搵返比佢睇,嗱,係某年某月去過架XD

      刪除
    3. 我果件又係去完都唔知自己去過邊~因為佢淨係去玩同影相~唔參與任何前期Planing...=__="
      成日都問「我地聽日去邊」=__="

      刪除
  5. 我係偶然search東北遊記,見到竟然有人穿lolita行山寺,就咁開始睇你既遊記,不過唔記得係唔係yahoo年代!

    回覆刪除
    回覆
    1. 雪東北係yahoo年代~我發覺好多有睇雪東北遊記~路過的人一定係覺得呢條女痴痴地線穿lolita爬雪山XDD

      刪除
    2. 我好欣賞你果種 " 吾理他人的目光 " 架 , 又影響吾到人嘅, 之不過, 條路自己選 , pk 吾好喊之嘛。

      期待你的 lolita 親子裝呀

      刪除
    3. 穿Lolita練番來的厚面皮~~不過我本從厚面皮架啦~~十幾年前都係我向老公率先行動上示好跟住佢先敢示好:p

      刪除
    4. 同道中人呀, 我依家成日串我老公 " 吾係當日我追你, 吾係當日我迫你娶我, 你何來依家咁幸福 "

      時代吾同啦, 幸福係要自己爭取架

      刪除
    5. 結婚都係我開口先~我問老公如果唔係我媽cancer我開口結婚~問佢打算幾時結~佢話會等到30先結…比真實時間遲左6年…回望番大家都覺得早d結婚係好d~可以早d計劃人生

      刪除
    6. 我老公大我兩年,年紀太近, 就出現左 " 女嘅想結婚, 男嘅未 ready "

      我有時都問老公, 如果吾係我心急係 30 前想嫁 ( 最終都係 31 先嫁得出 ) 吾係我開口先, 你會吾會咁早結婚? 佢答, 未必會咁早, 但亦都無後悔。

      當日吾係結左婚, 吾係租緊樓而迫住買樓, 我諗今日我地仲係無樓而結吾成婚, 繼而可能女的吾想無了期咁等, 等又吾係, 分手又吾係。 ( 我叔仔依家就係咁, 睇見佢女朋友, 都幾無奈 )

      刪除
    7. 我係調轉我大老公三年幾,可想而知...好彩佢性格比較穩重,不過佢結婚時得24歲其實男人黎講都算細,哈哈,佢媽係完全唔想佢咁早結婚,我地係訂晒酒席先同佢屋企講,擺明鑑硬黎lol,

      如果要我拍成十幾年拖對方都不為所動沒有結婚打算,我應該會發顛日日同對方鬧交(我同老公拍左7年)

      刪除
    8. 最幣係, 個男嘅拖得你十年八載, 男人 40 都仲大把 market, 女人 3x , 放棄現有果位, 又未必仲有 chance, 留低, 又無了期咁等。 由其依家係, 屋都無間, 想結都無得結, 真係法律上夫妻, 但各自返娘家住咩

      我老公都話,如果當時我地買樓, 叔仔跟手都買( 當年都仲負擔到,但佢女朋友吾肯買居屋 ) 佢地應該結左婚, 條路 ( 叔仔女朋友 ) 自己選, 仲未嫁得出, 吾好喊囉

      刪除
    9. 我妹就係Exactly遇到你講的問題~男的4字頭女的3x~雖然男有樓自己又有公司係老闆~拍左6-7年拖到今時今日都未結婚~話年底年底講足幾年…

      你叔仔條女似乎係d麻煩野wo~~吾肯買居屋咁串? 宜家望番轉頭~我諗你叔仔同條女暗瓦底一路咬毛巾一路喊啦…
      我都佩服老公舊年年底仲敢拍板買樓~個個都話佢接火棒買得貴~但今時今日唔夠半年~估價已經再多八九十…普通人點追?

      刪除
    10. 我想講, 我當年都好串, 我都曾經講過 " 邊有人咁傻仔,用自由市場價買居屋架 " 但好彩, 我醒覺得快。 ( 感恩 ) 間屋裝修得靚靚地, 屋外係點, 又有咩所謂呢 .

      上年你地話買左樓, 我真心恭喜架。 以依家政府一而再嘅收緊措施, 就算樓價跌, 呢幾年買樓的業主都仲供得起, 早年平買的, 更加無問題啦, 咁,會跌得去邊呀。 同埋 97 年的時候, 香港仲大把地啫, 依家, 個個新盤都大西北咁濟啦, 地都無, 何來供應充足, 點會跌呢。

      我 d 正職包租公, 包租婆 ( 個個幾層樓收租 ) , 副業跟我做同事的達人話, 只要負擔到, 就幾多錢, 幾火棒都買。因為幾廿年長線睇, 點都會賺嘅。 我只感慨, 我認識佢地太遲, 醒覺太遲, 否則一 grad 果時就應該買第一層, 咁我依家都可以做包租婆啦

      刪除
    11. 居屋話晒都平過私樓~都唔算傻丫XD
      同一個銀碼就算買同區~買私樓要買細一截~
      如果要在私樓市場~買番我宜家果種尺數的3房單位~我諗要補多百五至二百萬先買到...
      其實我媽當年已經好醒~明明生緊cancer病到cc下~點死點拆都死到3間樓出黎俾我地幾姊妹~
      去到2009年年尾~我媽極力慫恿我地~賣居屋轉買私樓~只要補多三四十萬(當年私樓樓價超低)~
      可惜~無我媽果種勇氣去博~唔敢行呢步~我未在我媽身上學到呢方面的野佢就已經走鬼左~

      刪除
    12. 我無父母幹, 要靠自己, 仲要我媽的買樓理念超有問題, 我果時都係先斬後奏,幾乎收樓先敢同我媽講喳。如果聽我媽點, 我相信今日我應該離左婚 ( 果時為左租樓問題, 成日同老公嘈, 嘈得多就自然散架啦 )

      我醒覺得快, 我媽成世人咪買過自己間公屋咁大把, 點解我吾聽我 d 包租公包租婆同事講, 聽我媽老點呢

      我身邊都仲有好幾位呢個市況都仲買得起樓的親友, 就係聽父母點 或者睇吾通 " 無得話貴, 有需要就要市價買 " 攪到捱貴租 / 無樓而結吾成婚 / 迫住同奶奶住

      刪除
    13. 你媽的case同我妹的前夫屋企人一樣~佢地住左幾十年公屋~
      成日話驚樓價跌唔好買樓/供樓好大壓力/仲咩咁細個就俾自己咁大負擔(佢地24歲結婚)balabala…
      但我媽覺得一定要有樓~於是我媽呀前夫一齊睇樓仲拍板俾晒訂同男家~
      當時係2009年~間居屋兩房只係138萬(補埋地價)~
      結果男家局住俾錢~每邊出左75萬(離婚時我妹俾左80佢趕佢走)~
      如果唔係我媽先斬後奏~我妹結婚果幾年咪要同男家住埋同一間公屋囉~間公屋得2房~
      已經住左前夫兩老+佢呀麻+一隻狗~佢地後生要訓地板呀!
      所以有d人永遠都唔會買到野

      刪除
    14. 我老公表妹咪同奶奶迫在間公屋囉。。。。 阿表妹揾到, 亦好慳家, 我地估佢起碼有幾百萬 cash 在手, 但就嫌樓貴, 成日話加息架啦, 加息就會跌, 跌先買。到真係跌, 你咪又等佢再跌多 d , 或者到時又驚再跌 , 即係永遠都吾洗買。 真心講句, 睇佢在奶奶家忍得幾耐囉

      Btw, 你妹前夫收返 80 肯走, 都算順灘喎, 理論上, 離婚果時層樓都升左吾少嘛

      刪除
    15. 宜家借銀行錢要過壓力測試~加一厘半厘邊會影響到大局丫~仲有我睇過一篇數據分析~同十年前比較~原來宜家租樓人士的比例係比十年前多左~即係呢十間期間好多人睇錯市落錯車但又上唔番/唔敢再上~租樓的人愈來愈咁有樓放租果班人仲邊會驚你加息斷供…你表妹…太天真...

      話說當年雖然兩家人都有出錢~不過佢地照做按揭按一半~餘下的錢用黎俾雜費/裝修/結婚/札下袋~
      佢地離婚時樓未供完~仲有個賤男3年黎無俾過家用~供樓無出過錢~屋企雜費零付出~仲問番我妹借錢仲有借無還正仆街~所以唔係賤男順灘而係拎番應得的:p

      刪除
  6. 我都好似係 search 東北遊記而開始睇你個 blog 的,你知以往東北一向唔算係熱門旅遊點,資料唔多,尤其七、八年前坊間的旅遊書只得兩本

    回覆刪除
    回覆
    1. 又係東北遊記XDDD
      當年坊間旅遊書~都係每個縣介紹幾個地方~~BTW~現階段我都只係去左D大路景點

      刪除
  7. 我去大阪時search 遊記,見到梅田個篇藥妝,再睇下其他遊記,睇睇下就追到依家🤣

    回覆刪除
    回覆
    1. 我知邊篇了~因為我好少可會特登寫藥妝XD

      刪除
  8. Yahoo!年代嘅我又舉手! 直頭同大家一齊經歷你結婚生仔添啦。

    繼續努力! 恭喜恭喜!

    回覆刪除
    回覆
    1. 咦! 原來輝哥留的腳毛追到去咁耐之前!

      刪除