2017-04-06

東京、埼玉縣、千葉縣。親子花見自由行回歸

 ~*戰利品一覽*~


這幾年不斷去日本,去Outlet十次以上,旅程完結總買到滿載而歸的情況下,
這次已經不知道買什麼了…感覺上有點厭倦...


有Blog友(係你呀廁紙)曾經說之前N次旅行買太多衣服雜物,買到厭了,
最近轉戰家品,剛好本人就快搬屋,所以這次也加入家居雜貨軍團,
但新居仍然裝修中,只買一些一定用得到的家品,
而且帶著小金魚很難悠閒地看家品…
其實可愛老公想買電飯煲,沒有特別目標下終於開始考慮買這種家電...
不過家中的電飯煲只用了一年太浪費啦,還是再等等吧,
或者下次去日本,連洗潔精都買回香港也說不定...(¯▽¯;)


這次花見之旅,卻沒有賞櫻,根據2015年賞櫻經驗,
東京滿開的景點人潮十分恐怖,我們不想推著嬰兒車去人擠人車擠車…
而且這次的旅行標籤是「花見」,從一開始我們的重點行程都不是單純賞櫻,
櫻花滿開已經看過兩次,所以更想看其他東西,幸好計劃要看的東西看到了,
難得這次在沒有家人陪同及幫忙照顧小金魚的情況下,
仍然可以拍了不少照片,去了幾間不錯的餐廳,可喜可賀!!



待續...


 
*..*..*..*..*..*..*..*..*
  

 下一篇 - Day 1(1) 關東花見。親子自由行 - 香港 ~ 東京 (香港航空)


 ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚
  
 
~*本遊記簡易Index(可快速查閱本遊記其他文章)*~

18 則留言:

  1. 單利品比過往少>_<請問右邊個兩合豆絞?是甚麼?

    回覆刪除
    回覆
    1. 買到有d厭,想停下,果兩盒係花生粒煎餅,花生係千葉特產

      刪除
  2. 去日本買嘢之餘,我仲有舖網購癮,都堆埋好多未着過嘅新衫。所以呢幾次都無乜再買衫褲。家品呢樣呢,我諗我要買到層樓先有得諗嘞T_T

    回覆刪除
    回覆
    1. 有一期我都成日買野然後寄酒店,近呢兩次無了
      大劉個仔話去少d旅行就可以有首期買樓XD

      刪除
  3. 最重要係可以同小金魚影到唔少靚相,呢樣最難能可貴
    我見到馬車鐘:D

    回覆刪除
    回覆
    1. 呢次意外地同呀女影左唔少相,你都知呢d年紀小朋友係完全唔受控制講彩數...
      馬車鐘係放女房XD

      刪除
  4. 轉戰買兩包米、欖橄油、香草調味料⋯⋯

    回覆刪除
    回覆
    1. 唔得...因為我家星期一至五都有人黎食飯,兩包米一個月都唔夠食呀

      刪除
    2. 反而我相反,作客去食飯。

      刪除
    3. 因為我屋企有工人煮飯~所以我會叫老豆呀妹齊齊黎食(大家住同一棟大廈)

      刪除
  5. 一睇你 blog, 就見到我個名, 既驚又喜呀。。。。。我 d 旅行 blog, 好似仲停留係 2013 喳, 當上人妻後, 好 X 忙呀, 都幾懷念以前做女時, 家務完全吾洗理, 放工就可以打 blog 的日子

    我除左家品, 真係連洗潔精, 洗碗粉, 洗廁所東東都搬過返黎呀。 反而岩岩同同事抛夫棄子呢轉, 有返少少港人遊日 shopping feel.

    其實除左買厭左, 亦有 d d 去旅行去厭左 ( 大家先不要用覺得曬命去睇 ) 每次飛之前, 都用 2-3 個月去做功課。 完美主義, 加上曾經試過旅途中突然改酒店, 行程 , plan A 之餘, 仲諗埋 plan B, 都真係好累。 岩岩果轉, 我再晚直情發老公脾氣 " 你幫吾到我吾緊要, 但吾該吾好阻住我 " 老公回一句, " 諗吾店咪吾好諗, 去到先算囉, 去旅行 relax 架嘛, 何必次次提早兩三個月做功課, 咁辛苦去黎做咩 " 一言驚醒, 去埋上半年呢兩轉 family trip, 都真係要休息吓啦

    回覆刪除
    回覆
    1. 如果當初採納日頭搵D專湊BB的EE夜晚自己湊番BB呢個最先打算的方案~相信我都會在網上人間蒸發...
      我暫時係對去日本失去興奮~出發前已經無咩興奮感覺~~反而對7月去曼谷出發了興奮感覺~
      所以或者你都搵下D未去過又有些少興趣的地方試下~可能會重拾某D興奮~
      btw~記得頭兩次自由行~都好行軍式~幾點去邊幾點要去邊~宜家~去到先算~~~
      因為plan行程真係好很煩~7月曼谷~~未去過~但已疊埋心水8成時間躲在酒店

      刪除
    2. 黎緊兩轉吾去日本啦, 下星期同屋企人飛台北, 純粹親子遊陪去喳, 自己本來無 plan 想去邊, 不過有親戚話要行天空步道, 我真係有返 d d 期待架

      再之後6 月又係陪屋企人去英國, 本來係好興奮嘅, 但係倫敦 d 酒店貴到嘔, 食又貴, 仲要擔心治安, 忽然好掛住日本果種可以著靚靚, 拎個名牌袋大搖大擺係街行都吾驚人搶野果種安全放心囉

      某日同一位即將陪家人去意大利的同事講起, 大家都有點後悔同屋企人去歐洲, 又講開點解去黎去去都係日本, 都係貪佢機程短, 就算貴食, 都係好食, 重點安全放心同 baby / children friendly. 去旅行啫, 去到提心吊膽去黎做咩。 大家都話, 下次都係日本算

      刪除
    3. 我老公呢兩年都有去德國出差順便獨遊~第一次去好興奮~第二次已經無興奮感~佢話果邊d野真係完全唔arm食~日日宦有麵/肉/包~~海鮮又唔夠日本平又唔夠日本好食~治安又比以前差~佢出差前剛剛德國仲發生火車斬人事件~我真係好驚!! 唯有叫佢小心d~同呀妹傾開(佢都去過幾次歐洲~去的地方比我多好多)~佢都話總結黎講去日本係開心d ~

      刪除
  6. 哈哈,我今次買咗砧板XD
    買電飯煲要有心理準備要買一個好大好重既火牛。
    上星期日上野淺草花見既人潮洶湧到嚇死人。

    回覆刪除
    回覆
    1. 有關火牛~由於我地想買HiFi~所以都有研過要幾大個的火牛~在日本買變壓火牛d size細過香港果d好多!!
      當然價錢就貴過香港~不過幾貴極都只係講緊三幾舊水~
      btw 上野滿開有幾恐佈2015年領教過~我呢世都唔想在花見期去上野公園

      刪除
  7. 我都好似有同樣情況,上星期5天首爾(兼一日追星活動)都好似沒什麼爆買意慾,以往去超市總會買好多零食回家補倉,今趟回執行李後得一大袋左右零食,連阿媽都驚訝今趟冇咩零食(次次我去完旅行我阿媽有成個月吾使去超市入貨)。上年去首爾同曼谷好似好易買到野,好快滿足,直頭係呢個好可愛,買!呢款香港冇,買!呢款平咁多,買!

    但今趟去到,吾,呢款係平,但麻麻地,吾買;呢款新出,但手頭有幾支未用,吾買;呢包咁大盒,gip冇位,吾買。 係朋友角度都係覺得我買左好多野,放曬出黎影相都好陣撼,但係我未試過寄倉行李冇用儘囉!

    回覆刪除
    回覆
    1. 去得多買得多~~幾靚幾可愛的包裝都會慢慢變得麻目/見怪不怪/習已為常~要求只會愈來愈高~
      即係正如宜家我番唔到轉頭去住太低價的溫泉酒店/ 間房得十幾平方米的商務酒店
      第一次去京都見到D手信店真係會令人發顛~~但當我去左7次後我已經係上完清水寺拜完神可以SKIP晒99%的鋪頭走人~因為已經厭左果D靚得來又一式一樣的手信~

      刪除