2017-05-14

新屋入伙!! 再次感謝老公賜包租婆一職

 Date : 2017-05-13
 
♥♫o‧°♥∴☆ ♥‧°☆∴°★‧° ♥♫o‧°♥∴☆ ♥‧°☆∴♥♫o‧  


由去年12月頭收樓,直到5月中, 即剛剛過去的星期六,
 歷時五個半月...終於新居入伙了!!
 12月本來就是裝修旺季,所以只能安排基本拆卸動作(原屋裝修 : Blog),
而且又安排了家族聖誕旅行,12月基本上做不了什麼,
利用12月思前想後到底裝修什麼風格,改了好多次...
 1月終於上深圳買建築材料,然後所有師父都收勞過年啦...
 結果要等到2月中才真正全速開工,3月中裝修完畢及安裝全部傢私,
但為了家人健康,再花了兩個月時間打開全屋門窗吹風散味...
 直到今天,雖然人已在新屋居住,不過尚有少許物件要搬過來...
 再過三兩星期就可以向親友及各位網友全面開放,
 好久沒寫裝修Blog文!!


 再次感謝可愛老公賜包租婆一職!!
 很順利在4月已找到租客,因為不經地產還節省了佣金,
租客亦願意一次過交一年租金,總算鬆一口氣,不用擔心上遇租霸了。


 猶記得大概8年前,我們談過希望5年內可以買第2層樓,
 結果還要多等三年才成事,
最近我們又有新目標了,希望下之可以如期進行!!


 最後祝母親節快樂!!
 我在搬屋中渡過母親節...連蛋糕都無一個...
 

♥♫o‧°♥∴☆ ♥‧°☆∴°★‧° ♥♫o‧°♥∴☆ ♥‧°☆∴♥♫o‧
         

 物業2號家居裝修 - Index

13 則留言:

  1. 我都好想寫裝修blog呀, 不過當時入左伙先齊傢私, 又花左足足兩年時間先執好, 咁住左兩年緊係又亂架啦, 有 d 位依家又懶得執好佢影相,睇怕都......

    不過我好期待你的裝修blog 呢,今次玩咩style 呀

    回覆刪除
    回覆
    1. 入左伙先齊傢私咁咪無得散味@_@?
      我地屋企散左兩個月,部份傢私都仲有少少味...
      好彩買左部空氣清新機頂住。

      我花左兩星期日日螞蟻搬家,搬對面座...哈哈,一路搬一路慢慢執,所以現在都有8成成型了

      今次同老公取向一致,今期流行簡約風!
      你睇個洗手盤,得支洗手液幾簡約XD(已成型)

      刪除
    2. 我 d 傢私 吾算大味, 同埋我地在屋企時間吾多嘛, 都散到嘅. 我地果陣都係自己螞蟻搬家, 其實好快執完, 果 d 要兩年先執完嘅, 其實亦可以話, 掉得.

      刪除
    3. Btw, 我屋企本來都好簡約架,越擺越多野之嘛

      刪除
    4. 舊屋裝修都係灘左三幾星期就照住~日頭打開晒門窗~不過現在小朋友長期在家就唔得了
      我好鐘意掉野~反而老公就麻鬼煩呢樣唔想掉果樣又諗下~呢鋪終於可以迫佢一次過清算XD
      宜家D雜物主要收晒去工人房/廚房/床下底~呀女間房未開發~仲有位淨~HAHA

      刪除
  2. 咁大工程都已完工,時間都過得好快呀,我現在明白啦,裝修完要等間屋散去氣味才可入住^_^裝修好大工程,我都為這樣煩左好耐都未動工,一來要搵間屋住才可裝修間舊屋,二來搵好的裝修師傳又要費神,我見好多人上去深圳買建築材料,質數好嗎?

    回覆刪除
    回覆
    1. 因為有甲醛呀~吸得多甲醛會生cancer~真的會死人~所謂散味~係盡量散走d甲醛~
      如果只想短租暫住~可以搵細地產鋪~
      我自問好彩~我老豆做裝修~佢會幫我解決所有問題~haha

      我舊屋8年幾前第一次裝修已經是上深圳買建材~除非你要買歐洲進口貨~
      否則香港買的同大陸買的是一樣~價錢就算連運費都平一半以上~
      我老豆做開豪宅/別墅裝修~幾千萬果d豪宅絕大部分都係大陸買料架咋~
      係好間唔中有d錢多得濟的豪客要買歐洲貨~砌幅電視牆材料都十幾萬(未計人工)

      刪除
  3. 剩睇水龍頭好有個室風呂感覺了。。
    找到好租客,更可喜可賀!

    回覆刪除
    回覆
    1. 好日式的字眼~可惜我地無裝風呂XD
      個租客係我地某日同管理處吹水時佢地介紹~真的好好彩

      刪除
    2. 証明你們今年行好運👍

      刪除
    3. 省一個月租金Commission夠買好多張日本機票XD

      刪除
  4. 居住環境固定咗,喺時候追多個喇 😁

    回覆刪除
    回覆
    1. 其實不嬲都好固定呀XDDD 追多個~去多兩次旅行先啦XD

      刪除