2017-05-23

醫療保險賠多少? 分享小金魚早前入院的賠償結果。

大家還記得小金魚早前因為輪狀病毒而入醫院嗎?
一直都只是聽說有買保險通常都可以Claim八九成或大部分云云,
但實際上賠多少又真的只有當事人才知道,
所以這次分享到底可以Claim多少。


通常醫療保險分三種級數,包括普通房、半私家房及私家房,
我們為小金魚以年繳方式($5,XXX/Year)買了最便宜的普通房級別,
因為「仁安醫院」的兒童普通房也只不過4張床。


首先下面是兩晚「仁安醫院」的賬單,總費用是$17,403。


而於輪狀病毒是高度傳染病毒,小金魚要加錢被捉去獨立的隔離病房,
獨立隔離病房內設獨立浴室及洗手間,跟住私家病房沒有分別,
當時我們好奇到底會不會Claim不到某部份。


4月10日交Claim Form,4月18日就已經出支票,
中間還隔了一個復活節,處理時間意外地快!!
在Facebook跟網友說起保險,有些無良保險公司竟然拖數半年之久,
所以不得不讚我這間保險公司效率之高,它就是「英國保誠」,
本人絕無收任何廣告費,保險費用交足。
結果$17,403的支出,賠了$16,782.93,當中有關$620.07的差額說明一下,
總支出中$420屬門診費用,另外在門診診症期間,有使用藥物,
門診本身不在受保範圍,當然事前我們知道購買前Agent也說過,
所以這$620.07的差額並非真的賠不足,
而是門診+估計是門診期間的藥物+美金轉港幣的匯率差價,
所以…基本上醫院的所有費用幾乎可以說是賠足了。





結論是,私家醫院恐怖過屠房,私家醫院其實是賺保險公司錢,完。



8 則留言:

  1. 咁你間保險都幾均真,隔離病房都可以當普通病計,因為實在聽得太多呢啲保險公司有需要用到佢時、就揾到好多原因唔包呢樣果樣的

    回覆刪除
    回覆
    1. 佢應該唔係當普通病房計~而是在其他賠償地方填番條數~張單上面有個叫做「子女住院護惠」~每訓一日就有100美金(唔理你在醫院用左幾多錢都一定俾你)~仲有~如果成筆數claim唔足~有項「額外醫療計劃」~幫你claim埋claim唔足的項目~我本身有幾個項目claim唔晒~不過「子女住院護惠」同「額外醫療計劃」~填番條數

      你講的pk保險公司~絕對存在~我媽當年咪受害者之一囉(其他公司)~其實醫保間間大同小異~但邊間公司同agent好緊要~保誠個朵就不嬲都唔錯~

      刪除
    2. 講真,保險內容條款咁多係聽完都唔記得、記唔到的,所以個 agent 好緊要 !
      果啲 pk 保險公司我喺朋友、同事、親戚度聽唔少,小至親戚子女入院冇得賠、大至同事老公炒車瞓咗三個月醫院都冇得賠,保險公司話個 agent 離咗職冇得賠咁都有 ! 所以ㄧ直唔知去邊買保險好

      刪除
    3. 保險內容條款聽完就算架啦邊會記得~所以買保險考慮公司同Agent同樣重要~
      首先有d公司本身已經仆街~間中都有新聞文章講某d公司單方面收緊條款等你好難claim~
      通常仆街d果間公司 agent都唔好得去邊~因為明知自己間公司仆街但又要跑單咪講d唔講d~
      "agent 離咗職冇得賠"直情係世紀騙案wo!!

      但老公炒車瞓咗三個月醫院/子女入院冇得賠>> 呢個就真係睇你親戚同事買左d咩~
      佢地有機會自己搞錯左
      危疾同住院雖然大家都係醫療保險~但其實係兩種唔同的保險~
      好多人會混淆~
      假設 : 你同事/親戚只買危疾~但因為炒車/發燒痌嘔而瞓醫院~係真的無得賠架~
      如果想有得賠~佢地係要買住院~先有得賠~

      我都只係幫呀女買左住院~無買危疾架

      刪除
    4. 同事老公炒車果度我唔清楚啦,就連我同事本身都唔多清楚,只不過我地諗,就算佢老公冇買保險,揸車嘅都有買汽車保險的吧 ? 但就咩都得賠啦 !
      而親戚個女大約6、7歳發高燒入院,保險公司話佢隱暪咗出世時的病歷所以冇得賠,而呢個所謂病歷細到都唔記得係咩了,因一直冇覆診冇嘢跟進的

      刪除
    5. 車保呢方面我就唔識~屋企無人有車~完全另一個範圍
      保險公司話佢隱暪咗出世時的病歷所以冇得賠 > 呢樣咁都會俾保險公司查到咁勁@.@"
      佢CHECK到而又係事實又真係無得好講

      刪除
  2. 賠得足比錢快,真係好爽手~
    希望小金魚不用再Claim保險公司

    回覆刪除
    回覆
    1. 我有fb友同我講~佢果間保險公司(其他)~追個agent追左大半年~呢d公司同agent咪正仆街囉~
      承你貴言~我願意交保費但完全唔想有機會再claim

      刪除