2017-05-20

Day 5(3) 關東近郊。千葉縣美食。十二品豪華全蟹宴。北海道蟹將軍 (千葉店)



*..*..*..*..*..*..*..*..*

2017-04-02
Day 5(3) 關東近郊。千葉縣美食。十二品豪華全蟹宴。北海道蟹將軍 (千葉店) 

*..*..*..*..*..*..*..*..*


在千葉駅附近閒逛及採購期間,路過一座大廈有一隻巨蟹,
不是妹子及老爸極不推薦的「かに道樂」(蟹道樂),
而是另一家來自北海道札幌的「かに将軍」,
反正順路又餓又累,又不用等位,一試無妨。 
 photo 469A0435P03_zpsicdqf2n8.jpg


 photo 469A0434P15_zpskjlrub18.jpg


整個Menu都是蟹蟹蟹和蟹,看到就覺得開心,
散點及會席料理都有多種選擇,最後點了兩份會席料理(每位¥12,960),
可以食到不同形式的蟹料理,
而且一下子就挑戰全個Menu最多品數的套餐,12品!!
 photo 469A0420P09_zpsfschghz7.jpg
 
  
   首先前菜,前菜未見特別。
   photo 469A0403P01_zps8ypmspxq.jpg
 
 
  慢慢開始入正題…蟹豆腐,日本的豆腐真的很嫩滑。 photo 469A0407P01_zpsxy6xhnue.jpg
 
 
  見到這個像雪糕球的蟹膏就興奮極了,很香濃!! photo 469A0408P02_zpsk8dyk1na.jpg
 
 
  久違了的蟹刺身,蟹刺身那種的鮮甜其他海鮮實在難以取代,
比起伊勢海老刺身更鮮甜。 photo 469A0410P03_zpshhv6oy9l.jpg
 
 
   熟蟹肉本身不點任何汁料都好食,再點少許醋味道上好像更上一層樓。   photo 469A0416P06_zpsgpwkszu5.jpg
 
 
  很粗大的燒蟹腳,總覺得燒蟹腳會比較乾滋味道大減,
但蟹腳肉多水多,水份鎖在肉內,
所以這是一隻有足夠蟹汁的燒蟹腳。 photo 469A0418P07_zpsptnialoq.jpg
 
 
  這個蟹鍋物也是讓人十分期待,看看這麼多大蔥之類,
又有蟹肉,這鍋物的湯底肯定不得了。 photo 469A0412P04_zpsqu2gwiuz.jpg
 
 
  看完上面的一盤材料不難想像這鍋物有幾鮮甜。 photo 469A0414P05_zpsww3lgvj4.jpg
 
 
 其實食到這裡我們已經飽到想噴…
貪心之過,誰叫你貪過癮點12品啊!! photo 469A0423P10_zps3lxddhxi.jpg
 
 
  不過這個炸蟹球就比較失色了,只是一堆鬆散蟹肉堆在一起,沒什麼鮮味,
香港平時去飲宴的炸蟹鉗肯定更好食,它們應該學習一下香港的炸蟹鉗方式,
結果每人兩個的炸蟹球我只食了半個,他只食了一個,
另一原因是因為已經飽到頂心口...我們知道這個會席料理還未結束... photo 469A0427P11_zpslnjjrrnc.jpg
 
 
  當我們見到這個蟹肉燒賣,我們笑說真想剛才就結束了,
誰不知又來一碟飽肚的燒賣,其實這燒賣裡面的餡料不覺得有蟹的味道,
但我又覺得幾好食,可能自身喜歡食中式點心,所以飽到頂心口都照食兩件。 photo 469A0419P08_zpstswv8rub.jpg
 
 
  壓軸出場就是利用鍋物餘下的湯底煲蟹粥!! 再補上蔥花及雞蛋!! photo 469A0428P12_zpslbf51ysp.jpg
 
 
  幾飽都要撐下去!! 飽到頂上喉嚨都要食!!
結果食到兩碗!! 好好好好好好食!!
 photo 469A0430P13_zpsexmcxbmu.jpg
 
 
   photo 469A0432P02_zps5dtu363a.jpg
 
 
  離開前一攝。 photo 469A0433P14_zpsoopfqhwf.jpg
 
 
Total : ¥25,920
 
  終於完成這個飽到頂喉嚨的12品全蟹宴,
整個蟹宴只有炸蟹球屬失敗款式,所以絕對值得一試,
不過如果計飽肚我覺得食8品已經足夠…
或者下次再食的話可能散點? 兩份12品份量真的太多…
  如果下次路過「かに道樂」,如果不用排隊,
我們還是去試試吧,就算妹子老爸說不好食,試完做個比較都好。
 
 
 待續...

 
*..*..*..*..*..*..*..*..*
 
下一篇 - Day 6(1) 東京近郊自由行景點。小湊鐵道。養老溪谷 (千葉縣)


 ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚
  
 
~*本遊記簡易Index(可快速查閱本遊記其他文章)*~
 

39 則留言:

  1. かに道樂俾香港人同強國人食到寸晒,如果要去的話唔好去新宿嗰兩間,上次去上野嗰間好啲,服務好啲耳根清淨啲。

    回覆刪除
    回覆
    1. 我妹佢地就係去新宿~~佢話又貴又細份又唔好食~~不過唔排除因為佢地去過幾次北海道會有影響觀感XD
      北海道食肯定係又平又好食XD

      刪除
  2. 我上次去新宿總店「かに道樂」服務又無乜問題喎,不過好多好多香港人去,你話食物好好味,又未致於,總之試過就算﹗

    回覆刪除
    回覆
    1. 新宿嗰間大大話話都幫襯咗十幾年,由最初冇乜人到而家唔訂位連想排隊都冇,覺得服務真係唔同咗,最騷擾係左右隔離擘大喉嚨啲廣東話同強國話聲,完全無視有其他人,簡直就係香港既酒樓一樣。

      刪除
    2. 強國話有機會係台灣人?XD
      千葉呢間野就人唔算多~起碼唔係坐滿~以我坐果層計應該只坐左6成位~ALL日本人~~
      可能千葉本身都唔係熱門旅遊區

      刪除
    3. 只要喺日本,其實台灣人同強國人同泡菜人啲格完全係冇分別。

      刪除
    4. 泡菜人的粗魯真係不下於強國人D大媽~好無禮貌~在香港都見唔少

      刪除
    5. 我個女做嘢嗰度接觸好多人,佢話泡菜啲格同強國有過之而無不及。

      刪除
    6. 可能泡菜國近中國東北邊~愈北的文化愈低...

      刪除
  3. 只要吃過北海道的蟹宴(蟹將軍、蟹本家等),都會將蟹道樂比下去,始終食蟹都係北海道的好,可能大阪果間蟹道樂環境好少少
    果碗蟹粥都係我同蝦子餅至愛,我咁細食都食到三碗 XD

    回覆刪除
    回覆
    1. 我妹都係話得碗蟹粥好食~~其他都好麻麻~~再上網睇番蟹道樂~先知道蟹道樂原來在北海道係完全無店

      刪除
    2. 係呀,蟹道樂係關西的,蟹本家及蟹將軍係北海道的,只有東京先有齊佢地啲分店

      刪除
    3. 雖然超級名蟹越前蟹在北陸~都叫近關西~但overall印象北海道開的蟹店會比較pro XD

      刪除
    4. 北陸果啲仲未有機會去試呀,殘念!但聽講食過返唔到轉頭、睇唔上北海道果啲的 😮

      刪除
    5. 我見D人講到北陸D蟹講到勁誇張~即係你果種講法~但我只食過前者~北海道都未食過暫時比較唔到呢

      刪除
  4. 我都好耐無食蟹道樂嘞。唔係唔好食,係真食一把年紀食唔落。最鍾意食蟹鍋之後碗雜炊,但蟹鍋啲餐全部都好多道菜。有次個餐仲有每人兩件太卷,嚟到大家都你睇望我眼!

    回覆刪除
    回覆
    1. 咁似乎係你要個餐太多品數食得太飽姐XDDDDDDD 食少D品數D套餐囉XD
      我諗個蟹粥似乎去到邊間都好食LOL

      刪除
  5. 大阪,新宿呢啲真係唔駛諗,我最後兩次係响神戶食,還不算太多人。不過佢哋好抵死,間間menu唔同,又有店舖限定。你呢個一個餐價錢,可以食到佢哋兩個嘞。

    回覆刪除
    回覆
    1. 所以點解下次路過如果唔洗排隊真係點都試埋蟹道樂~~
      我上次在大阪都食過一個超平蟹宴4000 YEN/人
      (http://hitomi-kong.blogspot.hk/2017/01/blog-post_11.html )
      都有10品架~~不過份量同Quality當然爭幾條街

      刪除
  6. 唔好再浪費青春, 依啲野呃得你一時, 呃唔到你一世.
    認真去日本海食真貨, 食過之後先會明白比人呃咗幾十年係咩感覺.

    回覆刪除
    回覆
    1. e? 唔係喎...... 你都食過加能蟹, 點會仲食依啲....... >_<

      刪除
    2. 可能太耐無食靚蟹退化左...嗚...
      下次經過類似的鋪都應該會忍唔住衝入去

      刪除
    3. 我可以好肯定答你, 食過之後係唔會再入嗰啲咩咩將軍道樂本家.

      刪除
    4. 咁咁~唔通等到去日本海果頭先食QoQ

      刪除
    5. 回頭太難, 除非你換咗條脷

      刪除
    6. 所以喺未有時間同金錢嘅情況之下,都係要食住呢啲先㗎喇

      刪除
    7. 越遲發現"比人呃咗幾十年", 感覺係會越痛苦.

      刪除
    8. 係因為無得揀吧~_~" 好難想像人在東京然後特登坐新幹線/內陸機剷上北陸食蟹 (唔…雖然我知你都經常內陸機無視距離周圍去)

      刪除
    9. 唔係咁
      係食過之後, 你寧願唔食, 都唔會再走入將軍道樂本家

      刪除
    10. 呢樣我在食牛方面感受到XD 去完松阪食松阪牛我真係唔入新宿食六歌仙XDD

      刪除
  7. 我蟹本家, 蟹將軍同蟹道樂都食過。 我覺得, 蟹本家, 蟹將軍係食蟹的品種, 蟹道樂就食吾同煮法。 我本身吾係話好中意好中意食蟹, 我反而中意蟹道樂多 d.

    蟹道樂我未去過本店, 但同事話本店最正。 近呢2 年都無去新宿果間啦, 除左有次在京都吾店之外, 其他都 ok 呀

    北海道蟹將軍咪一樣寸, 諗住 book 吾到就 walk in 啦, 明明 lobby 得 2 組客等緊, 佢話要等1 hour, 都幾乎想走人, 但又吾知去食咩咪坐低照等。 結果等左 10 mins 都無, 我, 前面兩組客睇完 menu 就話有位。 而最抵死係, 上到去, 根本大把吉位, 擺明 見你選完先放人上去囉。 但d 位好逼, 枱細, 枱同枱之間又近, 無下次啦。 反而蟹道樂, 我 so far 去過的分店, 除左上野, 都坐得好舒服

    講到尾認同一點, 玩開非熱門旅遊點, 係返吾到轉頭架啦

    回覆刪除
    回覆
    1. 如果單睇Menu~
      蟹將軍同蟹道樂最貴果個會席料理~我望落一大半一樣然後有幾款有d唔同大家都幾多元化~
      食緊咩蟹品種反而無留意lol~反正唔方會俾隻加能蟹我食 lol
      有d款式我估係d下欄野(例如我話唔好食的炸蟹球)~
      服務呀水平點都同地區有關~你睇幾多人插爆新宿果間蟹道樂
      ~包括我屋企人講明無下次~
      千葉縣呢d地方係東京人旅遊區~國外唔hit~估計主力靠本地客~
      仲邊敢吋吋貢
      光顧當日~係星期日晚餐時段~入去直上即坐~
      眼見仲有唔少吉位~你睇相都睇到~d位都幾鬆動

      刪除
    2. 我無理解錯的話, 你係點兩個 same set? 呢3 間, 我都會點兩個吾同 set, 但求有晒吾同款式,所以未必會係最貴果個 set menu. 咁樣埋單就平過你叫最貴果set x 2, 但都飽到嘔架啦

      蟹道樂我最中意茶碗蒸同 芝士蟹通粉, 曾經食過期間限定的蟹沙律都好正

      Btw
      好多hk 人熱捧的新宿六歌仙, 其實我都麻麻。 佢有 時 d 肉, 根本雪都未溶晒, 同埋食過靚牛, 你就吾會覺得六歌仙果 d 有幾靚, 事實佢價錢都越來越貴。 始終放題, 你會有種感覺, 食快 d 食多 d 先抵,吾係真正享受到囉。 近年中意 温野菜 shabu shabu, 仲有 今半 sukiyaki, 都吾係好貴, 但質素靚好多呀

      刪除
    3. 我都叫佢晤下可唔可以點唔同set架啦佢又唔問~結果直接點兩個same set~
      因為有d餐廳係唔比點唔同set~雖然我唔太明原因…

      我已經去左松阪top果些餐廳食松阪牛~所以六歌仙果d松阪牛放題我真係完全無興趣
      我最憎就係食放題~有幾可會見到我去日本去特登食放題~唯一要撲都要去食的就係hilton tokyo個草莓放題
      食放題~一來質素打折扣~二來未享受到個味道~已經趕住繼續倒野落口~
      大阪近幾年愈開愈多幾千yen的蟹放題~真係見到都唔開胃

      刪除
    4. 我都吾太好放題, 但如果你中意 shabu shabu 無咁膩, 力推温野菜呀。 雖然佢都係放題, 但我吾會勁食牛, 反而勁食蔬菜類, 好多 choice, 又可以平衡返在日本無咩機會食菜

      岩岩3 月抛夫棄子果轉, 去左琦玉懸越谷摘草莓, 雖然都叫水尾, 但真係好正, 下次岩時間去都會返兜呀

      刪除
    5. 我都吾太好放題, 但如果你中意 shabu shabu 無咁膩, 力推温野菜呀。 雖然佢都係放題, 但我吾會勁食牛, 反而勁食蔬菜類, 好多 choice, 又可以平衡返在日本無咩機會食菜

      岩岩3 月抛夫棄子果轉, 去左琦玉懸越谷摘草莓, 雖然都叫水尾, 但真係好正, 下次岩時間去都會返兜呀

      刪除
    6. 我睇左官網,似乎份肉係fix左然後其他配菜全食?
      如果咁其實都ok,不過話時話除左溫泉酒店d鍋物,我地又真係勁少食shabu shabu,成日覺得靚牛用水淥熟佢好似side左d脂肪
      我今個旅行都想摘草莓呀,帶住個16個月小朋友比較麻煩,等佢大多一兩年就可以試下呢些活動

      刪除
  8. 温野菜改左menu?? 之前放題係, 牛, 配菜都任食架, 只係我地吾食太多牛喳。 配菜類, 有個粉麵好好味, hk 好少見。 日本有隻薯仔細細粒, 味道介乎蕃薯同薯仔之間, hk 又係吾多見。

    去得多, 已經吾會突鄧揾和牛, 揾海鮮食, 反而會想試下平價蔬菜類, 甚至 便利店 / 火車便當做正餐都好好味架

    回覆刪除
    回覆
    1. 無無~我無詳細睇MENU XDD
      其實野菜鍋我自己本身都幾鐘意食!
      平時搵食真係唔特登search shabu shabu~不過你講起實野菜鍋咁食我又想試下
      火車便當做正餐其實真係坐親特急/新幹線都會咁做~不過呢d太散的照片就無放上網

      刪除