2017-06-20

北海道自由行。跨年、溫泉、賞雪 (機票確認)

之前提過年底可能要去加拿大…
有喜事的兩位主角作風是最後一刻才拿定主意,
例如去旅行出發前一兩星期才決定日子買機票…
而年尾工人回菲律賓我們一定要放假…安全起見還是先買機票...
到時如果夾到期去加拿大就取消機票...手續費每位$1,400…


♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥

詳情如下 :
香港航空
成人機票 : $3,358@ (20Kgs行李)
小童機票 :$2,732 (20Kgs行李)

---------------------------------------------------------
Departing Flight : 2017-12-27
07:50 (香港國際機場) - 14:00 (新千歲空港)
Flight : HX696
---------------------------------------------------------
Returning Flight : 2018-01-03
14:55 (新千歲空港) - 20:20 (香港國際機場)
Flight : HX697
---------------------------------------------------------


正當我們掙扎重遊日本東北還是開拓新地方去北海道…
 香港航空...跨年去札幌直航只要三千幾?? 
幾年前這價錢只能買到轉機...直航五千以上是正常…
查看相同日子去東京,晚去早返$2,760,早去晚返$3,400…
想也沒想過飛札幌抵過飛東京…就是這驚人結果立即拍板…
二大一小總共只要$9,448!! 小金魚到時榮升小童有自己的座位啦。
航班時間算是很盡,好久沒試過挑戰這麼早的起飛時間,
而晚上八點多回到香港十分適中。
預計有3晚去溫泉區,倒是希望路過的北海道達人賜教…
12月31日這天到底住溫泉酒店還是回市區等倒數?? 
其實對於倒數這類活動不熱衷,倒是覺得如果1月1日很多店鋪不開門,
不如12月31日住溫泉區,1月1日欣賞溫泉區風景,
晚一點回市區…這樣子…
另外亦要考慮到年終有些景點博物館之類會閉館等等… 
另我們應該不會去函館那邊…太遠...


計劃大致上如下 :

1227
1228
1229
1230
1231
11
12
13
小樽酒店
小樽酒店
溫泉酒店
溫泉酒店
溫泉酒店
札幌酒店
札幌酒店
回港
札幌酒店
溫泉酒店
溫泉酒店
溫泉酒店
札幌酒店
札幌酒店
札幌酒店
回港
 

達人們請賜教吧!!


 繼泰國曼谷後又再出現新的期待感!!


 待續...
 

   *..*..*..*..*..*..*..*..*

 
下一篇 - 北海道。跨年、溫泉、賞雪。親子自由行回歸(苫小牧、洞爺湖、北湯沢、小樽、札幌)


  ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚


54 則留言:

  1. 笫一次去北海道? 仲要冬天Good ! 👍

    回覆刪除
    回覆
    1. 係!! 我都唔記得加番句大鄉里出城添XD

      刪除
    2. 冬天北海道係最靚,所以我第一次去北海道都係揀冬天!

      刪除
    3. 北海道四季中我最有興趣就係冬天!! 其他月份去的動力無咁大~
      當然花田都有興趣~不過相對上比較次要

      刪除
  2. 年底去北海道唔知會不會大風雪,札幌去溫泉區坐火車都幾遠下,如果大雪停駛,咁就大檸樂了

    回覆刪除
    回覆
    1. 天氣呢d咁講彩數的唔知點答你XD 舊年聖誕有大風雪呀~不過前年無~所以真係好講彩數~即係等於夏天旅行會唔會遇打風飛唔到...
      BTW 札幌去溫泉區坐火車都幾遠下 > ?
      洞爺登別呢個幾鐘車點會叫遠…函館就真係遠了~4個鐘來回就8個鐘~所以唔去

      刪除
  3. 帶小金魚去旭川動物園,坐埋動物園特急號。。。

    回覆刪除
    回覆
    1. 你都應該知我習性就係唔會特登坐D咩咩咩咩號的火車架啦XD
      夾到時間就考慮下~不過去動物園我有野樣比較關注係戶外氣溫問題...
      估計逗留戶外時間可能比較多...

      刪除
  4. 冬天的北海道雪景絕美,不過交通亦是問題,所以我第一次去賞雪是跟團,距離札幌最近的溫泉,車程最近是定山溪,個到全是溫泉酒店,其餘登別及洞爺湖要坐火車轉巴士,不過大部份都有接送車在札幌。

    回覆刪除
    回覆
    1. 習慣自由行仲要係日本,真係好難要我跟團,不過我只會去些交通簡單同近的地方,我就係睇中大路果幾個溫泉區交通簡單同埋車程唔耐,所以先敢帶小朋友冬天去北海道咋,基本上只要鐵路能到+車程唔耐的送迎車,我覺得ok

      刪除
  5. 我都係岩岩買左HK Airline 既機票去北海道,我1月去,$4336 2個人,都諗緊行程,到時借黎參考下啦🤣🤣

    回覆刪除
    回覆
    1. 你正~可以淡日子去~如果我有得揀我都想揀1月飛! 機票再平一截~
      可惜要就工人放假

      刪除
    2. 我如果知12月咁抵,我會揀12月出發,我而家後悔呀😆😆
      我真係唔知點plan好呀,到時記住介紹下我去邊好~

      刪除
    3. 佢其實除左聖誕節貴之外佢12月好多日子都好平~真係估唔到直飛札幌可以去到咁低!
      我都係去大路地方咋

      刪除
    4. 我訂完我老公都話點解可以平成咁,咁抵無理由唔飛,所以我好興奮,實在太開心~

      刪除
    5. 想當年(應該5-6年前)~轉機去北海道都要3000蚊起標...

      刪除
  6. 9月頭我都去呀,睇雪景都係下次先
    函館真係好遠,所以不會去

    回覆刪除
    回覆
    1. 9月頭氣溫應該幾舒服!
      函館來回8個鐘太遠~落雪坐咁遠車風險有D大!

      刪除
  7. 我之前去過兩次,都係冬天!一次停JR,另一次連飛機都cancel埋!不過落雪真係好正!函館真係好遠,要去我會揀坐內陸機,45分鐘!

    回覆刪除
    回覆
    1. 我舊年呀妹朋友就係聖誕遇上罕見的早來大風雪~北海道亂七八糟~
      佢班機又係俾人CANCEL左~
      所以天氣呢家野都係聽天由命~即係等於夏天旅行會唔會遇打風飛唔到...

      函館個位真係好尷尬~如果唔係冬天都可以考慮坐內陸機過去

      刪除
  8. 聖誕檔期直航北海道三千頭咁抵冇理由唔去啦,我都想冬天去旅行,但帶住小朋友我怕天氣多啲,始終我地去嘅都係一啲睇景賞雪的地方,其實唔係咁啱小朋友去

    回覆刪除
    回覆
    1. 到時呀女其實都2歲了~我有D朋友在小朋友1歲時都抱左去睇雪LU~~
      你擔心的話其實可以上網搵下人地帶2歲小朋友的經驗~(你女大我女都有大半年?)
      同埋我地行程主力係室內地方~唔會在戶外久留(例如唔會去動物園)
      北海道12月一般唔係最凍(舊年就罕見d)~2月睇雪祭果d先係挑戰呀

      刪除
    2. 係呀,我個女大過你個女剛好半年,如果明天冬天去旅行的話都 3 歲半了,如果冬天有好多時間喺室內地方我就唔怕,但我地想去的行程正正就係要戶外久留的、好少會留喺溫泉旅館
      例如由朝出街出到黑、行山路行雪路、夜晚再出去睇雪祭等,呢啲就唔係咁適合帶小朋友了,但o岩小朋友的行程其實我地又興趣不大的,例如動物園、水族館、樂園遊,真係就得小朋友就就唔到自己了
      我同 Ricky 都傾過,如果冬天唔係去我地想去的行程,咁又唔洗揀特登冬天去東北啦 ! 所以仲頭痛緊

      刪除
    3. 我見你帶呀女去的地方都有牧場類丫~我當呢d係動物園水族館樂園類型架啦

      不過先唔講帶小朋友去旅行d行程arm大人定小朋友~帶小朋友就算天氣幾舒服好~小朋友都撐唔到由朝到晚~本來都要犧牲下d地方ge~其實旅行中間插番晚溫泉旅館~等大人都可以休息下~之後會可以更加enjoy行程~日日出街其實好累~我地以前都係果d由朝衝到晚的人~不過覺得玩到愈後愈辛苦日日都好眼訓~於是就慢慢改模式愈玩愈hea~宜家番唔到轉頭lu

      我地對睇祭又真係反而無咩大興趣~路過~咪會睇下~你地打算件底去東北?

      刪除
    4. 去啲戶外牧場我都還有少少興趣 (半日就好了),但完全唔想去水族館同迪迪尼樂園呢啲囉 !
      今年唔會去旅行了,打算 2018 年的 12 月去東北、或者 2019 的 2 月去,有排都未成行,所以而家有時間就刨吓你同其他人的冬天東北 blog 先,發覺我都可以 plan 到個行程好 hea,一日只去一個地方

      刪除
    5. 純粹好奇想問吓,加拿大有咩景點或原因令你地打算去,因為觀光好似唔夠其他國家多嘢睇,通常聽到的都係去移民或探親多

      刪除
    6. OH! 迪迪尼對我黎講係為影Lolita唔係為左玩佢d遊戲 lol
      如果帶小朋友~12月去應該好過2月~2月落暴雪的機會真係比較多~
      但不論東北還是北海道d雪月祭通常2月先開波~仲有我發現12月的東北凍得黎未必有積雪...
      所以都真係難取捨
      我果時1月去東北~就係大概一日一景點夜晚搭溫泉酒店~出番市區就去番多D景點

      刪除
    7. 去加拿大係因為我妹如果結婚就會去加拿大註冊(佢男友係加拿大護照)
      去新地方就算幾無野玩都有新鮮感嘛~所以我地對泰國景點零興趣但反而好期待~因為未去過嘛

      刪除
    8. 咪就係雪嘅問題囉,最想12月初去,結婚周年呀,但東北未必有積雪,冇雪的話又冇咩意思啦!

      刪除
    9. 12月初東北就真係好難博有積雪…唔好講東北~12月初札幌都唔洗諗有積雪…無雪但又得個凍字..

      刪除
  9. 唔自駕的話.都是比較建議去溫泉酒店hea多幾日.小樽酒店其實住一晚都夠了.就去果個天然温泉灯の湯ドーミーインPREMIUM小樽就夠(小樽得運河我覺得好快可以睇晒).不過雪路的運河我是覺得最好睇的.溫泉酒店要近近地洞爺湖,登別都可以的.都有大把車.我建議洞爺湖多留些時間.那邊是一個比較神奇的地方(因為個人覺得那邊比登別更適合hea和少團客,登別溫泉太多團客啦如果遇到郵輪的話).

    回覆刪除
    回覆
    1. 利申:其實我最近都想去曼谷...被胡慧冲洗佐腦.

      刪除
    2. lol 好似第一次見你在呢度留言XD
      嘛~假設我係路線一~頭兩晚點都會住同一酒店唔想轉~一係就除左溫泉酒店全程住晒札幌
      其實我都仲要睇下第一晚溫泉酒店住邊度先正式決定開頭住小樽定札幌 (BOOK左可以取消嘛)
      我聽日開始研下定山溪/登別/洞爺/ 支芴~ 我都真係唔排除同一區住兩晚唔同酒店架

      刪除
    3. 哈哈哈,我都是見呢度留言的人更多過來湊下熱鬧.我洞爺湖住過2次.3個酒店.呢個地方細細地真是可以滿足一個地區住兩晚酒店.定山溪都可以滿足呢個條件而且離札幌更近更方便.小樽,真是可以半日可以玩晒的地方,就一個雪景運河和荒廢的鐵路線.支芴的話沒玩過你可以研究下.我是屬意在溫泉區倒數的人.人更少唔洗逼.不過hitomi姐注意下12月底呢條線的話雪量有時候會非常大.航班delay情況一定要考慮翻.2016年的12月底的港航系新千歲的困獸鬥局面就是亂到國際出名.所以我個人覺得第一晚到新千歲最好最好都是住翻系千歲或者千歲以南呢D地方比較穩陣.因為電車交通來講,新千歲機場線出札幌只有一條線,只要一有咩事故.立即去札幌就全線癱瘓.所以為何千歲的電車線是非常唔穩陣的.不過巴士可以解決電車的問題,我最記得我去三次札幌.2次都在千歲那邊塞電車.不是有人跳路軌就是路軌有異常要檢查全線delay.

      刪除
    4. 曼谷---我都是想去按摩訓覺游水.街上完全沒興趣.就是HEA五星級酒店的地方.

      刪除
    5. 其實如果plan 2的話我真係唔介意住千歲附近~雖然航班話說話下午2點到步~但係冬天北海道自己都知咩料~一有大風雪有咩突發事就出唔到札幌/大delay好晏先到…我本身預左第一日唔太理想的情況係咩地方都去唔到~所以點解我會有頭兩晚訓小樽的想法(當然改札幌一樣得不過更大誘因係難得有機會平價住多米XDD)~加上帶住小朋友~本來半日完成的行程變左要FULL day的…不過如果plan 1~咁一係就31要出番市區~一係就連住4晚溫泉酒店(雖然以前都上過ge)… 不過聽你講完我自己都開始偏向31號輕鬆留溫泉區...然後1月1過去outlet咁樣(聽講1月1outlet照開到時再check)

      刪除
    6. 我老公都特登單聲去呢次去曼谷唔好安排去拜神….佢個心願只係游水訓覺同做SPA就夠…對果度D景點的興趣係負值…XDDDDD

      刪除
    7. 你老公咁中意拜神竟然話唔去? 四面佛咁出名! PS我冇拜過

      刪除
    8. 對佢黎講神唔可以亂拜呀...不過我都認同佢去開日本拜就唔好亂咁在其他地方特別係泰國亂咁拜...

      刪除
  10. 我結婚後第一個 trip ( 都吾知算吾算 honeymoon ) 就係 2 月去北海道, 亦遇上千年一遇 ( 當年係啦 ) 大雪, 連東京都落雪果年呢。

    火車亂晒, 係亂到,就算有車去, 都仲要博下有無車返 . 好彩當時 8 卦睇下告示, 我最終要在一餐晚餐時間 book 過晒 d 酒店呀。 同埋雪季吾好咁大安旨意用宅急便呀, touchwood 天氣問題, delay 接吾返件行李添呀。

    Btw, 北海道火車, 載客量少 JR east 好多, 如果臨時轉班次,有機會畫吾到位架, 記得check 埋有無自由席呀。

    同埋呢, 如果見到 d 日本人在JR 站默默站立等待 ( 平時行超快架嘛 ) / 便當賣晒, 就要 alert 下, 應該有事發生架, 我試過兩次, 一次就係全線火車 delay 2-3 hours, 一次係地震。


    依家人在英國, 好掛住日本果種旅行模式呀~

    回覆刪除
    回覆
    1. WA! 你夠膽去英國XD 我老公有"說"我年底不如去英國唔好去日本~話英磅低水宜家抵去~我話英國呢排咁多事你仲敢去XD 估不到你已去左XD

      北海道年年總有幾單搞到亂七八糟的大風雪~我其實有認真翻查過去十年12月的雪量記錄~當然結論就係睇彩數…不過12月已經算係雪季中比較穩定(舊年12月尾果單真係好特殊)…唯有聽天由命…所以我唔敢落函館…驚天氣…我同老公都商量過萬一遇上舊年機場果種困獸鬥的臨時應對,就係帶定幾日麵包餅乾同帶定幾公升大水,就算大人唔食小朋友都仲有得食

      你講果年情況有D似我妹2014年去東北個情況~係咪同一年XD? 佢果時想寄宅急便店員都叫佢唔好寄~火車亂晒/停駛大風雪到連D景點都Close埋~~~不過有關坐火車我有個心得~~指定席full晒可以劃「立席劵」,我試過全車指定席的火車full晒~結果試下staff俾「立席劵」~原來真係得ge

      刪除
    2. 我去英國,係因為年頭經已買晒機票, 諗住帶我媽同我姨黎探表妹架,不過最後因為 d 一言難盡的家事, 吾去探表妹, 但機票買左, 假又請左, 咪同我媽二人行都照黎英國旅行囉。

      Anyway, 一連兩轉同親戚去旅行都發生不愉快事件,雖然金錢上最終無損失, 但我發誓, 我以後都吾會做好人, 除左直系親屬, 吾會再同任何親戚去旅行啦~ 簡直激到我彈起呀

      老實講, 出發前一連串的恐襲, 真心淆底嘅。我爸都勸我地放棄, 但機票, 酒店, 火車票 , 全部 pre paid 晒, 吾去, 好似有點兒。。。。。 我老公仲要串我, 果d 錢你蝕吾起咩, 你條命只係值咁多?? 出發前我甚至數過, 仲有幾多日, 我就離開倫敦, 離開倫敦我就安全。。。。。 我老公話, 你有咁諗, 仲去黎做咩~

      但黎到英國之後, 無想像中咁危險嘅, 不過同日本果套好吾同囉。

      暫時 to travel list 完晒啦, 希望我有時間寫 blog 啦, 俾你參考吓一個吾係咁熱門的純英國14日漫活遊丫

      刪除
    3. 其實如果我係你~訂晒所有野俾晒錢~我都會照去!! 最多咪改路線避走D旅遊景點囉~反正去新地方~去邊度都有新鮮感~

      我十幾年前同親戚跟旅行團去過兩次旅行~都已經鬧交~何況自由行? 所以我就知道自己唔可以隨便同其他人旅行~我D親戚次次見到我都叫我組團去日本~我都兜口兜面叫佢地放棄明言我去旅行好X麻煩廢事鬧交

      宜家年中咋WO~~下半年無計劃?

      刪除
    4. 我上年6 月到依家, 飛左5次, 不斷循環訂機票, 酒店, 睇行程, 睇交通。 你懂的, 旅行一分鐘, 計劃十年工, 吾係有錢就得。 ( 我父母, 真係覺得有錢就得,吾會理解佢個女我做左好多準備先至旅行順利囉 )

      雖則依家上網 sim , google , gps, 係方便左好多, 但都要 plan 架嘛, 好累啦, 想休息下。

      10 月或者 11 月, 可能同老公飛一轉, 但經過今次英國, 我下次都係想去返日本啦, 我想玩得安心~ 反正老公 AL 未定, 日本又去到熟, 到時先算囉, 大不了漫活日本之嘛

      刪除
    5. 點解我覺得你D假期多到好似D舊制公務員40.5日大假果種...你好似又唔係快閃幾日果D...
      我唔夠假用今年應該要買假.....-.-
      我妹去的地方比我多~歐洲(巴黎意大利德國等等)亞洲短線果堆(星韓泰果D)~
      佢每次去完非日本地方旅遊~番黎個最後的結論係「唔....其實都係日本好玩D....XDDDDD」

      刪除
    6. 正常每年, 我可以放 6 weeks, 咁駁埋 weekend, 每次咪放到 9 -12 日囉, 但如果放足11 -12日, 返黎嘅代價係, 亦都要連返 11日工-_-"

      我明天返香港啦, 今日到左 manchester , 個心先真正定落黎, 好驚遇上罷工, delay etc , 去吾到機場, 上吾到機就大檸樂。 我吾係驚返吾到工呀, 我驚我到時俾我媽小爆兼煩到嘔喳. 網上講得太恐怖啦, 而身邊又真係有朋友同事試過。 但在日本, 即使 delay, 天氣問題, 都未驚過~

      在日本,可以著靚靚, 拎個名牌袋大搖大擺又得, 放低行裝影相亦得, 但歐洲。。。。。。 -_-"

      都係去日本開心 d

      我有個日本精同事, 佢早我一個月同家人去歐洲果 d 咩亞物亞, 返黎都係話, 都係去日本開心, 放心 D

      刪除
    7. 你呢D真係正宗幸福GE香港人…穩定工作假期多!!
      去歐洲真係要乞兒上身~我老豆舊年同D親戚跟團旅行(跟團咪幾好囉唔好成日叫我組團啦)~
      個導遊帶隻十皮的手錶開工~一手拎住電話一手唔知拎住D咩野忙亂之際~
      一下唔覺意俾人搶左手錶….經驗老到的導遊都有失手~
      嚇到D團友個個即刻除低+收埋晒身上所有值錢的手錶/名牌袋…

      刪除
    8. 我同你都係幸福香港人, 今日我地擁有嘅, 都因為昔日的付出比人地多~

      我 day 1 在大笨鐘都聽到有大媽團友被偷銀包呀, 不過佢又衰嘅,果到遊客多又迫, 怪人傻人又特別多, 仲要背背包, 影相忘形好易出事

      我媽咪又係,出發前聽去過歐洲的朋友講話治安吾好 ( 佢 d 朋友講一句, 好過我講十句 ), 話會好好揹好斜揹袋, 但我地去左郊區好多日, 安全慣啦, 去返市區咪又忘形, 講都吾聽呀. 我同我媽講,你係要衰過先知驚, 你俾人搶野吾緊要呀, 抵你嘅, 但吾好累街坊晒我時間同你去報警囉:-p

      學我同事話, 你當年窮學生, 又樣樣衰衰咁(嗯, 個個進化美少女之前都樣衰過嘅 )要偷要搶都吾選你啦,但今時今日, 你點睇都係個阿太, 少婦, 吾搶你搶邊個呀 😓

      刪除
    9. 我唔否認呢個MOMENT我係幸福香港人架lol
      真係所有青春都投資晒落佢身上lol
      我同佢結婚果時做左4-5年野佢都係得萬一蚊人工陰公~
      你宜家叫個90後嫁個搵萬一蚊人工的男人你睇佢理唔理你...


      明年4月工人又要放假(個女畢業)~撞正好似有得請3日駁到十日果d長假~
      我堅係想生多個之前去一轉歐洲...再唔去我真係唔知幾多年後先有得去..

      刪除
  11. 平時high season $10K 只可買到1張大人,但可能27號先出發, 所以先有咁平....
    日本通常26號就冇晒聖誕樹, 要準備新年, 12月31日黃昏開始大部份店鋪會close, 所以去溫泉區都好, 不過要留意可能會貴少少, 始終日本人都放假...其實12月聖誕我地去左N次北海道只經歷過一次好似舊年的大風雪, 而你又去左咁多次日本, 有咩事都應該難唔到你
    對, 安排多些室內活動....

    回覆刪除
    回覆
    1. 年底工人12月23至1月3離港~所以我只要在呢段日子裡面走佬就可以~
      如果夠早買~跨年一向唔算好貴~平過聖誕呢d超級旺季但會貴過淡季咁上下~
      我留意左幾年~因為未試過跨年~一直都想試下(但明明又無興趣出去倒數XD)
      我妹幾年前冬天飛北海道(唔係high season )~3千幾要北京轉機~
      所以low season如果佢標3千幾都抵爆呀~~

      舊年我exactly去關西過聖誕~但其實我覺得香港D聖誕佈置豐富過日本(汗)…
      日本來來去去都係勁玩LED燈…所以我就無咩所謂(日本聖誕佈置我好似睇過2次咁上下)..

      我估計31號會比平時星期六住溫泉酒店再貴少少…BTW~~又多一個人支持31號避走市區XD 睇黎我都係疊埋心水去溫泉區算~因為帶住小朋友根本唔會出去倒數...

      刪除
  12. 嘩,乜抵成咁.....

    我都心郁郁呀!

    回覆刪除
    回覆
    1. 你好似年年都係出國跨年~呢個價arm唔arm你洗先XD

      刪除