2017-10-31

大鄉里出城。2018 荷蘭親子自由行

明年復活節及清明節假期對五天工作週的上班族來說實在開心,
請3日假連放10日,相信不少上班族也對這檔期虎視眈眈,
我多次跟可愛老公表明這個旅行我不要去日本!! 
我要去歐洲去歐洲去歐洲!! 哪個國家都好!! 
其實只能怪自己懶,一直不想做功課,
大家都知道自由行去一個全新國家找資料是一件苦差…
直到拖到不能忍受連長假期都只去日本的情況下,終於肯去做資料搜集...


♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥

詳情如下 :
KLM 荷蘭皇家航空
成人機票 : $6,776@ (23Kgs行李)
小童機票 :$5,096 (23Kgs行李)

---------------------------------------------------------
Departing Flight : 2018-03-30
12:20 (香港國際機場) - 18:30 (Amsterdam Schiphol, Netherlands/阿姆斯特丹史基浦機場)
Flight :KL0888
---------------------------------------------------------
Returning Flight : 2018-04-08
17:20 (Amsterdam Schiphol, Netherlands/阿姆斯特丹史基浦機場) - 10:20 (香港國際機場)
Flight : KL0887
---------------------------------------------------------


眾多歐洲國家之中如何選擇?
首要考慮是治安問題,我們帶著到時是兩歲半的小朋友,
不想又顧小孩又顧行李又顧錢包,
所以法國、意大利此等國家完全不考慮加上暫時未有興趣去,
然後希望盡量坐直航,小孩太細要轉機怕辛苦,
經過幾天反覆地Search, 這段時間最平的直航機票而我又有興趣的就是荷蘭,
難得復活節又是長假期這直航價錢還不錯,
奧地利也是考慮之列,價格差不多,掙扎好久到底去奧地利還是荷蘭呢,
不過荷蘭4月可以看花田,去過的人都激讚荷蘭是一個自由行十分方便的地方,
加上荷蘭地域不大,不用浪費太多時間在車程上,似乎很適合我們。


扣掉飛機時間及時差,總共有八天時間,
多數人包括旅遊書都會串連比利時及盧森堡,
不過我比較想玩單一國家多過蜻蜓點水周圍走。


期待這個慢活式旅行!!



46 則留言:

  1. 我唔知而家荷蘭係點,不過喺廿幾年前我曾經去過,鹿特丹同海牙冇乜點,但係喺AMS一出火車站就差啲俾人搶行李,所以都要alert 多啲。

    回覆刪除
    回覆
    1. 我地又唔會放心到好似去日本,荷蘭治安在歐洲黎講應該算ok(同意大利果d比算得d mud XD),我有朋友年年去果度探親,不過荷蘭都唔係買luxury brand products地方,搶黎有咩意思XD

      刪除
    2. 當時我地係三個女仔每人一個大背囊,好明顯係背包客,佢既目的唔係我地啲行李而係想我地追佢去。

      刪除
    3. 劫色? 3個人一齊都出手應該真係比較少聽

      刪除
    4. 哈哈,我地當然唔知佢想點,或者同我地玩吓都唔定,但係喺Ams 咁多日都提心吊膽,總之成日都喺戒備狀態。

      刪除
    5. 去Ams我地都應該唔會住番中央火車站~因為呢頭人流應該會複雜D~會住週邊人流少D的地方

      刪除
  2. 你去完荷蘭,應該會想去返日本~ 哈~ 哈~ 哈~

    回覆刪除
    回覆
    1. 因為無溫泉? 無野好買? XD
      短線的First prority仍然係日本!!

      刪除
    2. 吾係景點, 購物問題, 去得果度, 就預左果度會有 d 咩玩, 會無 d 咩買 etc.

      講緊嘅, 係 overall 感覺

      去日本, 真係安心, 放心咁去, 可以好 relax. 但去歐洲, 係時時刻刻都要提高警覺, 會有種 " 去得咁提心吊膽, 去黎做咩 " 嘅感覺

      你去完就明架啦~

      Btw, 朋友去探親覺得ok , 係因為佢吾係去遊客區。 但遊客區, 係完全另一回事架。 記得早前同事講 " 你廿年前係窮學生, 要偷要搶都吾搶你啦, 但依家, 你點睇都係個闊太, 俾我都 target 你啦 "

      仲有另一同事分享, 當年妹妹仔背包友去荷蘭, 過馬路時, 有人塞包粉落佢度。

      刪除
    3. 其實我明架~我妹去完都話都係日本好玩D安心D~
      不過講係咁講~去完間咪又係間中番兜~原因大家都明~
      次次都去日本終有一日頂唔順…可能果幾句治安問題所以個個都以為我大安旨意XD
      去日本就算幾安心有D野我地都有做
      e.g. 錢分開銀包袋/證件分開袋/永世唔用酒店夾萬之類
      去荷蘭~唔買luxury brand products~所以行李唔洗顧得緊~
      佢要搶入面只會得舊衫褲~頂多咪有幾舊芝士同幾件記念品XD(唔洗買野派街坊)
      去果幾個國家~你個CHANEL/Herme放行李驚俾人搶行李~
      咩上身驚俾人搶~搵野遮住/包住之類一樣驚俾人搶(個個都用呢招仲有效咩XD
      呢d就係真正的提心吊膽XD

      我朋友去探親只係幾日~跟住緊係自己周圍去玩~
      不過講到單拖~我老公一條友去德國出差~我其實都唔多放心!

      刪除
    4. 日本去得多, 的確會悶嘅, 但我去完英國咯, 咪 target 返日本囉 >.<

      不過歐洲都有佢嘅可愛, 好掛住 egg benedict, 好掛住 primark :-p

      刪除
    5. 當你去過幾十個小京都/小江戶~吃不消~
      不過調番轉歐洲都一樣~睇多兩三個城堡/博物館 balabala…好麻目…所以最好就論住去XD

      刪除
    6. 之前在英國, 我就係睇左2 個城堡, 1 個教堂,就覺得 " 咪又係果d " 問我媽, "你明天想去劍橋又係睇呢d, 定我地去多次 high tea " ( high tea 錢同車費差吾多 )

      我媽 " 又吾係去讀書, 去咩劍橋丫, 去high tea 啦 " :-p

      刪除
    7. 我老公第一次去德國覺得好好好靚~第二次已經NO feel~然後佢話唔想再去...XD
      不過出差局住要去...XD

      刪除
  3. 你去緊荷蘭途中, 一定好掛住日本d食物, 溫泉酒店....

    回覆刪除
    回覆
    1. 溫泉酒店呢樣就真的!
      所以年底5晚溫泉~市區兩晚都有大浴場~浸到皮開肉裂為止!!
      食我諗老公慘D~佢年年去德國出差都喊住話唔ARM食XD

      刪除
    2. 食你可以揾下有無 d 似意粉屋, pizza express 果 d 連鎖餐廳 , pasta ok 架喎

      刪除
    3. 我老公就係唔係"麵粉"類~所以佢會覺得好慘~我就應該OK~因為我係麵粉同芝士狂熱~HAHA

      刪除
  4. 去完一轉荷蘭,相信你最掛住香港的食物,春天的荷蘭好多花花,到時你一定會影好多相﹗

    回覆刪除
    回覆
    1. 我老公次次去完德國番黎都話要番香港食番餐好XD 荷蘭係好多花花不過最靚果D好鬼遠!

      刪除
  5. 荷蘭治安不會比西歐好,同樣都是新移民多,一樣東歐賊走過去⋯ 早前見有人付款停車場內三車一齊爆,車內行李全被偷去。所以一樣要留心。

    回覆刪除
    回覆
    1. 我未親身去過~我妹歐洲國家去過幾次~佢形容法國意大利係非常劣~反而荷蘭身邊去過的人(包括年年去探親的朋友)都話ok~咁當然安心程度同日本無得比~haha~我諗警戒心同在香港/番大陸差不多~我在香港都有警戒心架~因為我在香港俾人偷過銀包! 番大陸俾人拉開過背包(明知實有人郁手所以只放了衫褲)

      刪除
  6. Amsterdam的治安真的不太好﹗花展期間人/車/單車很多很亂。又說開奧地利,我唯一一次真的給新移民捉著手騷擾就是在奧地利的Salzburg啊。

    回覆刪除
    回覆
    1. 我明白情況,治安好不好有級數之分,所以我才用法國意大利這些比XD 即係正如法國意大利治安就算有幾差都還不至於女人去印度的級數這意思XD
      當然荷蘭同瑞士果些又是無得比

      刪除
  7. 到時影多D花啊,荷蘭D花是世界之最

    回覆刪除
    回覆
    1. 荷蘭最靚最壯觀的花田都在偏僻處~帶住個細的又唔知點踩單車~好頭痕

      刪除
    2. 講開花田, 我上次去英國個薰衣草田都好靚,又少人, D 相真係可以影到一大片田,但無路人架,阿媽又有心機幫我影到 blogger IG 咁 ( 老公吾會有心機影囉 ) 去完之後, 無興趣去北海道睇花囉 :-p

      刪除
    3. 我睇人地荷蘭D blog咪就係果d一望無際又無人的花田~但係識踩單車會好d...
      我地雖然勉強識~但後面放個小朋友我同老公一定唔掂...可能要叫老公練踩單車....

      刪除
    4. 講開花田, 我上次去英國個薰衣草田都好靚,又少人, D 相真係可以影到一大片田,但無路人架,阿媽又有心機幫我影到 blogger IG 咁 ( 老公吾會有心機影囉 ) 去完之後, 無興趣去北海道睇花囉 :-p

      刪除
    5. 講開踩單車, 我岩岩去奥入瀨溪流都有諗過踩單車架, 但網上話要踩馬路, 自己踩單車又吾多店,又無時間去特訓, 好彩縮沙喳, 實情條馬路係勁多旅遊巴囉, 執返身彩~

      刪除
    6. 奥入瀨溪流睇紅葉正呀! 我地以前去輕井澤踩單車~我超過十年無踩
      點知輕井澤有一大半係要踩馬路...我一路踩一路驚....一有車過郁都唔敢郁...

      刪除
  8. 都岩既,襯小金魚還細同鬱金香花期去玩先,遲D二拖二好難就時間: D

    回覆刪除
    回覆
    1. 將來二拖二…我諗我地都係帶埋工人去D cheap cheap東南亞國家玩住先...

      刪除
  9. 响荷蘭睇花、睇miffy、食海鮮、食pancake,基本當年我都係做番响日本會做嘅嘢,但感覺好唔同㗎!仲有古堡、教堂、風車呢啲一定去歐洲先會睇到嘅就免講啦。

    歐洲咁多國家,荷蘭俾我感覺好好,不過駛費都係數一數二嘅貴。

    回覆刪除
    回覆
    1. 其實英國洗費都貴,由其倫敦, 但吾計買名牌, 但連買小小平價野, primark etc, 我去2 week , 機票 ( 國泰直航 ) , 酒店 ( 吾係 b&b or hostel ) , 無就住食 ( zizzi 果 d 餐廳 ) , 2 次酒店 high tea, 火車票 ( 頭等 advance ) 都係 2 萬 / 人。

      我覺得好抵喎 , 2 萬 / 人 / 14日

      但日本, 我去七日都 at least 2 萬, 因為日本我會食得貴

      刪除
    2. 其實我都覺得~去荷蘭應該會係去歐洲國家中洗得較少錢的國家
      ~因為去荷蘭唔會買luxury brand....一心想買luxury brand就唔會去荷蘭
      酒店我剛剛book完~我一家大細就點都係正正經經book酒店~酒店同平日去日本差不多~
      無左溫泉酒店我total仲洗少左添
      食就唔知不過應該唔會相差太遠~不過貴極應該係得海鮮會貴~其他d麵粉芝士貴得幾多丫XD

      刪除
    3. 我酒店,車票 online pre paid 晒,又以為食會好貴, 又話 mcdonald 要 ~HKD $100 架嘛, 帶左每人每日~HKD $1500 的英磅去, 結果用剩好多呀。 朋友介紹 d 連鎖餐廳俾我, 似 pizza hut 果 d, 2 份 pasta/ pizza , 2 份小食, 2 份 drink , ~hkd $4xx 其實經已可以飽到食吾晒。 早餐 幾十元, 又係大份到食完到洗再食 lunch.

      Mcdonald , 對比香港係貴, 但pasta 呢 d local 野, 分分鐘平過hk, 酒店 high tea 直情平過香港添啦, 仲可以refill 同食剩打包。 超市收檔減價, 香港減果幾元, 英國係 1 折囉

      去歐洲, 最貴係張機票, 其他, 真係吾算貴。

      刪除
    4. Btw. 就算法國,英國,意大利, Luxury brand 都吾係你想買就買到, 除非你吾介意過萬都要 display.

      我想要 chanel coco handle 無
      Hermes lindy 無
      BV bucket 得 display
      無理由平香港少少, 但都過萬, 要個 display 架, 情願吾買

      Bicester village outlet 仲恐怖
      得 d 過季 ,但當時好當季的 item
      Burberry d 貨, all display 好似H&M 咁, 幾千蚊買件褸, 但俾人試到亂晒嘅, sorry, 我買吾落手, 但強國同胞, 當自己在超市咁掃囉 -_-"

      刪除
    5. 張機票(直航)貴~仲有交通囉~荷蘭D公交~坐果3-4個字火車~成舊水港紙~
      食~睇左荷蘭食海鮮D餐廳~平過香港食Buffet~

      刪除
    6. 說到買 Luxury brand~
      剛好有一個blog友同一個lolita友分享今年暑假點樣在法國(好似係)買到hermes birkin~
      佢地係兩姊妹剛好我兩個都有聯繫~大概情況佢地話店員會同佢地傾一大輪計~
      如果佢覺得你係買手(呢樣真係好主觀XD)~佢地有貨都唔會賣~
      結果佢兩個都成功買birkin~~退完稅只係歐羅7千幾蚊~買到~就真係開心到震
      我老公聽完就話「妖~呢d牌子真係好乞人憎」
      荷蘭OUTLET~D牌子真係唔吸引...得Burberry叫做可以望下...

      刪除
    7. 可能我個旅遊 look 太過平凡又樣衰, 一 d 都吾 elegant 又無拎名牌手袋啦,hermes sales 連傾都無同我傾, 一句 No 就打發我 -_-"

      不過算啦,年頭果時好恨買個 lindy, 但依家又吾恨啦。我在平民區返工,拎個 hermes 人地都當假啦, 就算放假用,幾萬蚊個袋, 就住就住咁用。都係吾好買 lu~

      刪除
    8. 我自己就其實對hermes唔係太熱心~因為D款式個Style個feel暫時唔係我杯茶 (過多幾年可能唔同諗法)~我鍾意chanel多d~haha~~不過結果係原來我一年都用唔到十次...帶住小朋友好難好優雅咁拎個chanel去街...

      刪除
    9. 荷蘭食海鮮有咩好介紹, 我剩係識Seafood bar

      刪除
    10. 我會盡量試下seafood bar以外的,哈哈..

      刪除
  10. 要撘長途機的地方,我有興趣的地方就只有澳洲、荷蘭同芬蘭,不過應該要十年八載以後先實行到了
    所以都好期待你的峇里同荷蘭遊記

    回覆刪除
    回覆
    1. 澳洲同芬蘭我都有興趣架! 其實只要治安唔太差的地方我都OK GE
      我諗又唔洗等十年八載咁灰GE~等細女有番2-3歲時大女都已經識得搞掂自己~咁到時應該可以2拖2~

      刪除