2018-01-05

北海道。跨年、溫泉、賞雪。親子自由行回歸(苫小牧、洞爺湖、北湯沢、小樽、札幌)

 ~*戰利品一覽*~
 photo 469A5863P01_zpsb1rcblsp.jpg


北海道自由行順利完成!
小金魚豐收,如果把兩個「Miki House」福袋的東西攤出來就可以塡滿畫面,
不過還是留待寫福袋Blog文時才公開吧,
市區購物只有一天,本身只計劃自己買一件大衣和三兩對鞋,
都算完成半個任務。


話說當初決定帶到時25個月大的小金魚冬天去北海道,
身邊有很多反對聲音,出發前三天更出現大風雪新聞,
有人更要求不要帶小金魚同行,當然我也做了準備,
放少量糧食(蛋糕餅乾飲品)在行李,萬一遇上被困機場甚至偏遠酒店,
起碼可應付小朋友,幸好天氣預告表示頭7天都天氣良好,
小朋友的禦寒措施也自信做得足夠,可以安心旅行了!!


冬天帶小朋友去北海道自由行辛苦嗎? 
回望這次旅行,頭5晚在郊區渡過,住溫泉酒店晚出早歸,
所以非常輕鬆愉快,亦成功拍了不少室內及室外雪景家庭合照,
很意外很開心很滿意!! 只有最後兩晚回到市區比較地獄,
因為大人逛街小朋友手多多搞破獲鬧情緒要睡覺之類。


冬天交通方面,北海道的公共交通是怎樣不用我多說,
不過,肯多付一點點錢坐的士就可以解決所謂的麻煩,
自從小朋友出世,去日本不時都會坐的士,
不過這次就坐最多和洗費最多,下面兩次最貴,其他都是小數目,
我們已經懶到在札幌市區內都坐的士就算了,
反正每次大概只是¥1,000有找...好過走去迫地鐵迫路面電車,
所以一次地鐵及路面電車都沒坐過。
 photo CP02_zps8vxakovh.jpg


 photo VP03_zpshxcekebk.jpg


其實這次旅行最意外是小金魚剛開始時很怕雪…頭三天不肯在雪地上走…
不斷說「雪雪驚驚」及要求「媽咪/爸爸抱抱」,試過強行放她在雪地,
叫她自己走過來,她馬上大哭大叫,驚到原地踏步動也不敢動…
不知道有多少大人小朋友都恨過白色聖誕,真是身在福中不知福,
行程去到第4天才肯拖著我的手在雪地上走,
直到第7天札幌某些時段下大風雪,可能大風雪畫面很有趣?
風雪打在臉上很有趣? 她竟然說「睇雪雪/雪雪唔驚」…
幾天前才怕得要死,現在變成要去睇雪...真是哭笑不得...
     photo 469A4861P01_zpstxg0yseb.jpg
 
 
遊記準備中…
 
 
  待續...
 

   *..*..*..*..*..*..*..*..*


下一篇 - Day 1(1) 北海道。跨年、溫泉、賞雪。親子自由行 - 香港 > 新千歲空港 (香港航空)


  ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚

  
 
 

34 則留言:

  1. 支持呀!你去完到我就快出發喇,洞爺湖你住邊間酒店呀?同埋係咪超凍呀?期待你既遊記~

    回覆刪除
    回覆
    1. 洞爺湖真係非乃之風莫屬~講真全個洞爺湖溫泉~得乃之風睇得上眼(我講硬件)
      Windsor洞爺湖本來都OK~不過佢D房係全洋~洋得黎又唔係我杯茶
      其他酒店D房同酒店內籠真係好一般(我刨晒全部酒店網站)
      凍我又唔多覺~好彩無ON居居買羽絨~~係小樽最凍~~太大風

      刪除
    2. 我都係住乃之風呀🤣🤣🤣我今次去埋層雲峽,所以好驚凍到頂唔順😆😆

      刪除
    3. 乃之風dinner揀buffet定set? 我強烈建議俾多d錢食set,佢dinner buffet我覺得一般

      刪除
    4. Buffet 呀,你咁講完我想轉set喎,我諗住事但食咋,buffet有啲咩食架?

      刪除
    5. 去溫泉酒店點可以是但食..
      Buffet我覺得對胃口的menu真係唔少~你亦唔好期望有mud海鮮~食物種類黎講我老公係失望
      寧願食set好過都唔知有咩好食的buffet

      刪除
    6. 因為我睇過人地既set好似都係一般,所以諗住buffet 算,聽你咁講完我可能轉set

      刪除
    7. SET佢分和食(乃之風茶寮)同埋和風法式(KAZE NO OTO),
      我見人地個和風法幾好,唔好食都仲有個樣丫XD
      可惜我帶小朋友兩間餐廳都唔俾訂...

      刪除
    8. 哈哈,齋睇樣已經好滿足😆😆

      刪除
  2. 在日本搭過的士,返吾到轉頭架:-p

    我本來都諗住今年去札幌雪祭, 終於撞吾正農曆新年, 我又放到 AL, 但最後竟然老公放吾到 -_-'

    好彩我都忽然整轉 5 個太太去旅行, 實行抛夫棄子第三擊, 不過d 老公嬲到顛左囉,我老公一個星期無采我添呀 ~

    回覆刪除
    回覆
    1. 搭地鐵都已經200 YEN起標~兩個大人都400 YEN~仲要拖住個細
      點計都坐的士著數~不過札幌站個的士站日頭都好多人排隊...
      5 個太太去旅行我只諗到齊齊去買野XDD
      5個去旅行人數有D尷尬? 3人房選擇少好多
      可惜我做唔到抛夫棄女~~老公可能心虛因佢年年都自己去京都拜神~佢成日慫恿我抛夫棄女自己去玩XD

      刪除
    2. 讚成更化算呀!我們2個大人2個中學生,早兩年前乘地鐵還是買2大2小,所以最近兩年到大阪也大多乘的士呀:):)例如:在大阪Westin Osaka或是Granvia Osaka,這兩年均是乘的士到Universal Studios Japan,約Yen3000;又剛過去的一次經驗,到了京都大站,也是乘的士到京都鐵道博物館,約Yen1200:) Mrs HO

      刪除
    3. 原來已經是2個中學生! 4個大人自由行如果去遠的地方用到新幹線的話都幾甘~HAHA
      京都站去清水寺以前坐巴士~宜家來回都係坐的士~其實中長程的士只係貴香港少少~

      刪除
    4. 5 個太太去旅行, 除左 shopping, 都會觀光嘅。 不過上次 d buddy 夾 d, 大家都prefer 用錢解決問題, 又勁中意影相, 同一個景 N 個 post, IG feel 果 d 呢 :-p

      不過今次呢 group..... -_-"

      有人奉行慳遊, book 間離 JR 15mins walk 的酒店, 手fing fing 時, fine, 行囉, 但某日温泉酒店後再re check in, 大家拎住 hand carry, 又戰利品, 我忍住到氣, 淡然講 " 搭的士啦, 我俾 " 700 yen, 5 個人, 就算一個人都抵啦, 拎住重野咁行法, 整親睇醫生仲金啦

      刪除
    5. Jr行5分鐘已經係我極限...
      你旅行都好多唔同parter wo,我淨係會同自己屋企人去,以上呀媽健在有同過其他親戚去,係好容易鬧交的...特別係果些話呢度唔好玩果樣唔好食各樣,你叫本來覺得玩得開心的人點應你姐

      刪除
    6. 今次就係衰左, 平時返工夾, 但原來旅行吾夾, 心裡點都有條刺, 我老公仲要講句 " 返工就返工, 都吾知你同 d 同事咁 friend 做咩, 衰左盞攪,今次你當買教訓啦 " 只怪自己無機心,又太天真 -_-

      刪除
    7. 呢次我就真係同你老公同一陣線,單單你俾的士錢呢單野,事後可能已經俾人背後講緊,HAHA 你都知啦…好多人以為/覺得去日本搭的士係天價...

      刪除
  3. 冬天北海道最方便既交通工具非的士莫屬,最貴一次係稚內,睇地圖好似好近結果坐咗萬幾円>_<#

    回覆刪除
    回覆
    1. 出發之前已經預左某D點對點要坐的士同在網上Check過價~所以都有晒心理準備
      今次total 坐左20000 yen的士~因為唔係10算嘛我覺得ok啦
      最貴果程如果坐公交~係要巴士轉巴士呀頂~咁鬼麻煩~陣間在中途巴士站有大風雪有熊出沒我地咪pk

      刪除
    2. 我好似係稚內果次, 開始知道日本的士吾係想像中咁貴。 我地見4人巴士價= 包的士價, 2人行雖然 double price, 但用錢買時間, 吾洗限時限刻, 都係值。 非自駕, 包的士絕對係另一選擇, 好多車長仲客串幫手影合照添

      刪除
    3. 係呀,真係好頂唔順偏遠地區果些巴士時間,其實長途的士同香港真的差不多,我有一程坐左半個鐘,如果係5千yen有找,計番港紙只係三舊幾水...我馬鞍山<>機場一程都咁上下,日本d的士司機仲好好服務,落雨仲幫你撐傘!

      刪除
  4. 好想睇冬天北海道的遊記,無論是季節還是地點都是我的至愛!當然還有期待小金魚的可❤相片
    Miki House 的福袋我都忍唔住叫代購買了,又買定晒出年啲衫 😅

    回覆刪除
    回覆
    1. 所以我點都等冬天先去~春夏秋的北海道從來唔係首選(不過唔代表將來唔去GE)

      我好明架~次次去買小朋友衫~從來都係For下次~haha
      下次唔洗叫代購~自己上網買淨係俾運費~唔洗俾人賺

      刪除
    2. 小金魚超級超級超級可愛呀:):):)我感到人與生出來便有一些基本本能,自動自覺喜愛吃食物,喜愛與人交流,也有一種害怕危險的感覺,看見小朋友有這些自然的反應,很開心呢!! Mrs HO

      刪除
    3. Mrs HO 一定很懷念兩個小朋友的BB時期吧! 其實雪地只要不是結冰狀態根本就是很安全
      我都不知她到底驚什麼?!?!? 頭果幾日真係戶外抱足全程

      刪除
    4. 上年係試過上網買的,但始終福袋內的物品唔係全部合心意,所以打算今年唔買的
      但早兩日剛剛喺 fb 見到代購的 post 係有指定款式,見其中一 set 有䄛的都不過是 $1000,所以費事等即落 order 好了

      刪除
    5. 我有公式(笑)去計個福袋抵唔抵買~
      首先我平時去outlet買miki house~discount+退稅後約正價6折
      福袋就正價4折~舉例:item A ~如果我在outlet見到A item而又會買,
      但福袋中左,即係我節省左20% XD (因為原來6折但4折入左手)
      如果我在outlet見到item B~6折我唔會買~但4折會買~福袋中左就叫打和~如此類推~
      我自己果兩袋未正式計數
      暫時11件野之中只有幾件唔係我杯茶~平平地賣走果幾件就一定平過outlet
      唔賣就可能同outlet買打個和~

      刪除
  5. 是呀!看見小金魚的可愛樣子,真的自然想起小朋友BB時期的點滴!每一個階段都是人生的美好時期,BB時期的可愛歡欣時期真的要多多拍攝和錄影才可留住更多美好回憶:) Mrs HO

    回覆刪除
    回覆
    1. 所以我宜家好明白點解D老人家咁鐘意小朋友…我有時睇番小金魚更細個時的照片同Video都好懷念~佢將來嫁人都希望佢生番兩件俾我懷念下XD

      刪除
  6. 唔行出街又冇風,真係唔會覺得凍,地鐵、商場、餐廳...熱到出汗

    回覆刪除
    回覆
    1. 在郊區戶外活動,每日只係幾個鐘,如果出太陽,其實無咩野,係無太陽時陰涼D,市區我地得兩晚,1月2日出擊買野成背脊都係汗(暖氣唔強主要因為太多人…)

      刪除
  7. 北海道真係好難取捨,人多嘅地方真係超多人,去遠啲僻啲嘅啲交通又花時間。不過你有小朋友,的士又唔貴嘅真係唔駛諗。

    回覆刪除
    回覆
    1. 北海道可能D景點集中,講真連所謂郊區都有好多遊客(e.g.洞爺)
      我都係揀d唔係市區得黎易去車程短的地方,我連函館都廢事去

      刪除