2018-02-09

中伏+劣/頹/難食+千萬絕對不要食晚市小菜之酒樓 - 煌苑Royal Courtyard (石門京瑞廣場二期)

由於大妹與她男友將於新年前擄走老爸回加拿大一趟,所以提早食團年飯,
各人只在昨晚有空檔,成員難早收工第二天又要上班,
所以今年就簡單一點去家附近的酒樓就算,
鑑於已在這酒樓光顧午市數次(Blog)都覺得不錯,
不如就食一次晚市啦,結果就中大伏...


我、小金魚、工人姐姐及老爸率先到步,所以我們先點菜,
檯上有一張套餐紙及一個紫色菜牌(套餐+單點海鮮),
剛好見到隔鄰食客拿著綠色菜牌(小菜),
於是叫服務員給我綠色菜牌…
服務員呀嬸A「呃呃…果個菜牌我唔清楚喎…我幫你問問…」


呀嬸A離開後我只見她在魂遊太空發呆散步…
見狀馬上問呀嬸B「下,果個菜牌我唔知今晚用唔用喎…」
我「我要隔離檯睇緊果張綠色菜牌喎,人地都睇緊喎…」
呀嬸B「呃…我幫你問下…」呀嬸B消失在我的視線範圍良久…
我又再抓一個呀嬸C到底今晚能否點綠色菜牌,
然後又是不知道說要問經理!! Shit!!
然後一位貌似部長/經理的男人在呀嬸旁邊細聲說了一些事情,
呀嬸就跟我們說今晚不用綠色菜牌…然後不到3分鐘,
有個貌似高級的呀姐衝出來說「邊個話今晚唔用綠色牌?! 快D放番晒D菜牌出黎!」
Shit…全部人都是發夢魂遊! 我覺得是剛才貌似部長的人不跟公司規矩迫客點套餐。


以為事件結束,繼續點菜,想點澳洲龍蝦($32/兩),
結果連問兩個呀嬸都說「唔知呀/唔識呀」…
「咁唔該你搵個識ge過黎啦…………………」
等了十數分鐘都沒有人來…於是捉了一個呀哥「請問有無澳洲龍蝦呀?」
呀哥口窒窒「呃…呃…菜牌…上面有果D…都有…」
我「咁唔該我要澳洲龍蝦」,呀哥就只落單就什麼都沒說沒做,
結果要我反問「隻龍蝦幾重呀?? 你唔拎出黎俾我地望下點知幾大隻呀?? 
唔砰下點知幾重呀??」
呀哥口窒窒「我都…唔太清楚...我去廚房…問下…」
然後等了好久才說沒有澳洲龍蝦…有就有無就無啦! 個個都發夢!


好艱辛地終於點完菜,成員剛好到齊,坐了幾分鐘東西就來了,
第一碟上檯就是這個發黑的蝦…大家都看到突眼...
拍照之時已被食一半,差不多全部蝦的蝦頭都是黑色...
我一隻都不敢食,可愛老公說無味不好食,
不過只要是海鮮類,幾劣幾頹他都會吃光...
 photo thumbnail_zpsrragkkkk.jpg
 
 
 是日沒有帶相機…不過上面那碟黑色頭的蝦實在太驚嚇兼第一次見…
實在不得不出動電話以作證明我有在此用餐絕非抹黑...其他只用文未描述 :

1. 燒味拼盤 - 圖片有薰啼上菜時薰啼消失,全部味道絕對是正常水平之下下下!!
2. 西蘭花帶子 - 西蘭花尚算正常,但帶子離奇地又是部分發黑亦不好食…
3. 波士頓龍蝦伊麵 - 疑似只有半隻兼95%是穀,零碎散落在麵上,
簡直就好像隔離檯食淨翻用的感覺...伊麵淡而無味…汁料似水...
4. 燒雞 - 正常
5. 蒸鮑魚 - 正常
6. 燒腩仔 - 正常
7. 雞煲翅 - 好食 (好感動)
8. 鮑片鵝掌 - 正常
 
 
煌苑是煌府的另一條Line,如果這裡有我的舊Blog友,
應該都知道2009年我也在煌府結婚設宴,
小金魚的百日宴場地是「The One - 煌府」(Blog)! 
可想而知我對這集團有一定程度的好感,
但可能它們真的只有婚宴套餐才見得人,或者可能晚市套餐也會正常一點?
晚市普通小菜食飯在各方面實在太惡劣!! 
以後我們只會去飲茶,絕對不會再光顧晚市小菜!!
 
 
  差一點忘記說,可愛老公在半夜還發生肚瀉...
 

8 則留言:

  1. 見你介紹過飲茶好好喎,估吾到晚飯就咁差﹗

    回覆刪除
    回覆
    1. 我直情覺得午市同晚市係平行空間

      刪除
  2. 白灼蝦好難整得唔好食㗎喎……只要海鮮係生猛嘅 😨
    ㄧ睇碟蝦就知係咩事,好彩仲有啲嘢食係正常嘅唧,見你形容到果班侍應 …… 😧😧😧

    回覆刪除
    回覆
    1. 有人話d蝦係死蝦+隔左唔知幾多夜就會咁樣黑色飛出黎…我真係未見過咁樣….

      刪除
  3. 換左個大廚都唔定
    連D呀姨都唔清醒@@

    回覆刪除