2018-03-12

大鄉里出城。越南。峴港。親子遊自由行 - 機票 (Jetstar/捷星 + Hong Kong Express/香港快運)

話說有人去年單拖坐「Jetstar」回程遇颱風,航班被取消,
他退票再買其他航空公司回港,沒想到「Jetstar」的退票不是退現金,
而是Voucher!! 而且Voucher使用相當嚴格!! 
舉例不可以用Voucher單獨去「Jetstar」官網訂酒店,
一定要機票+酒店...總之一定要連帶買機票!! 還有Voucher有效期只有6個月!!
我分享這事件,大家都說這種做法很狗賊/賤格等等,好好好,
千錯萬錯都是錯在買方沒有把「Jetstar」全個網頁各大小條款逐隻字看清楚,
錯的是買方錯的是買方錯的是買方,
我笑問他下次還買不買它? 他說如果機票很便宜還是避免不了(笑)。
3月頭驚覺Voucher還有兩星期便過期…無論如何求其找個地方飛啦…


♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥


詳情如下(2成人+1小童) :
Jetstar/捷星(去程) $2,348 (15Kgs行李)
Hong Kong Express/香港快運(回程) USD 261 (20Kgs行李)


---------------------------------------------------------
  2018-06-30
14:15 (香港國際機場) - 15:00 (Da Nang)
Flight : BL161
---------------------------------------------------------
Returning Flight : 2018-07-04
18:10 (Da Nang) - 21:10 (香港國際機場)
Flight : UO559
---------------------------------------------------------


它的直航只有東京(成田)、大阪(關西)、峴港及新加坡,
我們比較想去東京,但去程起飛凌晨兩點...回程到港凌晨一點...
這種時間留給年輕人吧…我們年紀大又帶著二歲小朋友…
夏天的大阪現階段一點興趣也沒有…雖然也可以轉機去其他地方…
不過特意飛去本來直航可達的地方就很無謂,轉機才到的地方又沒興趣…
最後只餘下峴港和新加坡,我用最簡單的方式描述讓他選 :


1. 新加坡 - 酒店游水+一兩次SPA+每日少量景點+周圍食=半廢人
2. 峴港 - 日日酒店游水+日日SPA=足不出戶全廢人


他說笑說這次旅行不想動腦想休息,結果呼之欲出,
其實兩個地方我都沒所謂,反正日數短的小旅行我想去新地方,
至於回程為何是另一間公司? 因為回程日「Jetstar」沒有直航選擇…
Well,只坐一程,風險已減一半,自求多福,
不過意外地它的峴港回香港航班每天竟然有兩個?! 看來峴港近年真的很受歡迎。


最近也在考慮秋遊及跨年目的地,不過他說今年超忙,
他老細似乎想個個月都抓走他,能否秋遊他不敢應承,
只好寄望跨年旅行,已有心水目的地!!


  待續...
 
 
*..*..*..*..*..*..*..*..*


下一篇 - [越南 - 峴港] 大鄉里出城。親子旅遊。自由行。回歸


20 則留言:

  1. 越南係我想做廢人時嘅至愛! 峴港都好多靚酒店。上兩次開始我敢响網上搞簽証,方便咗好多。

    回覆刪除
    回覆
    1. 峴港 D villa真係好好好平呀喂
      問下你,網上搞簽証去當地排visa排幾耐? 我見人地話峴港要排半個鐘....我唔想等囉...
      如果hk領事搞,領事hold你passport幾多日?

      刪除
    2. 我聽同事講, 特事特辦, 俾錢就有 fast pass 架啦 .

      刪除
    3. 重點係fast pass 都要去領事搞,仲要得星期一至五公眾假期休息 ~_~"
      我要儲假,半日都要省,如果老公D補假搞得掂,佢去搞
      否則每人俾多$70叫旅行社搞算數

      刪除
    4. 我上次一落機二話不說就衝去交網上確認信同申表,大約十分鐘都搞掂,再過去immi排隊時我朋友都仲等緊過關。佢响香港搞定嘅。

      重點係要預備好exact手續費,因不設找續;同埋响香港填好哂表。我等攞証時有幾個西人family先慢慢問攞表填,又話無美金,我諗佢哋有排搞。

      就算半個鐘其實都ok喎,反正都要等行李,同入境counter得幾個,效率一般。另聽講真係有啲resort可以有方法排快啲。不過我上次好早機到,等下都無妨,反正到酒店都未必有房攞住。我上次上網book shuttle去酒店,叫agent車咗我中途停咗個景點先再到酒店,免費嘅。

      領事館好似三日搞掂,不過我頭幾次都係揾朋友代辦埋。同你一樣,想慳假。

      刪除
    5. 你咁講完搞到我又想搞網上,因為我醒起上次bali等行李等左9個字呀撞鬼!! 個機場設施真係好鬼落後,d 行李用人手逐車車上行李帶…..
      我都怕峴港機場都係咁上下…我其實有諗過落機會去會安ge,去到應該是黃昏近夜晚,不過其實去唔去又無所謂…

      你用果個 shuttle係酒店自己d車定自己另外搵車book?

      刪除
    6. 峴港機場細㗎。

      我上次同租車公司book㗎,平過酒店:
      https://www.tripadvisor.com/Attraction_Review-d8404074?m=19905

      刪除
    7. 剛剛响峴港返嚟。機場擴大咗,起咗一個新嘅國際線terminal响舊terminal旁邊。所以出咗閘之後去坐酒店shuttle行遠咗。

      落地簽証我都只係用咗唔夠五分鐘搞掂(重點係一落機我就一支箭跑去第一個做証),但攞返passport排過immigration就等咗四個字。無計,撞正兩班機一齊差唔多時間land。

      你係咪都住Banyan Tree? 可以book 佢哋嘅shuttle,每兩個鐘一班。再唔係訂佢房車來回都唔貴,75蚊美金來回。

      刪除
    8. 咁我決定做落地簽証了,學你講反正要等行李
      我會住Banyan Tree,不過我第一晚會先住市區,之後3晚先住Banyan Tree,
      因為落機都3點幾,搞到搞西黃昏先去到,第一晚去住好似好蝕XDDD

      刪除
    9. 咁去市區歎下咖啡食下嘢都好

      刪除
  2. 近呢幾年, 你一年有無飛5,6 次呢? 好開心呀~ 不過飛得多, 有時都的確好累。 我過去 12 個月, 總共飛左 7 次, 其中四次去左日本 . 岩岩返黎果轉, 在 香港機場見到 農曆新年 deco, 忽然諗, 上個月, 我先係到影左聖誕 deco, 依家又到新年 deco. 今年, 係咪真係玩得多左 d 呢?? :-p

    好似有點放閃咁,鬼叫依家機票平咩。 相反留在香港,weekend 人多到爆,出去食飯又貴又多人,我邊到都吾想去,我想做宅女囉

    回覆刪除
    回覆
    1. 我無你咁HAPPY 12個月飛7次LOL
      得5次兩短三長lol 我今年唔多夠假,我地呢d新制入職得果十幾日假,舊制40.5日呀喂
      你另外果三次除左英國仲去左邊?_? 自從去完泰國同bali,宜家d短假期更加想去日本以外的地方
      一望到schedule見到夾住d假期就好想想盡辦法離開香港...今年d假期唔錯,好似好少蝕期(同星期六重疊)

      刪除
    2. 另外兩次都係去台灣, 一次就快閃台北4 日, 一次就family trip 去左宜蘭, 宜蘭都幾適合小朋友去呀, 平靚正。 呢兩次台灣, 都令我對台灣改觀左, 值得返兜。

      機程短嘅,除左日本,我無咩地方想去。 菲律賓, 印尼 No. 星馬韓未有興趣再去。泰國呢 , 要住得好, 仲貴過去日本, 我5月去華欣,bkk, package 要 $8xxx, 感覺吾多抵咁。 越南都想去架, 不過老公吾肯, 所以都係去日本玩得安心罷啦

      我一年放到 at least 9 日 x 6 次, 所以我吾洗就 PH, PH 飛, 好貴呀, 我玩開淡季平飛架

      刪除
    3. 當東南亞去到唔知去邊時…就可能諗台灣…當年去台北工幹俾我印象似番左大陸的印象未磨滅XDDD 我老公對台灣又係無好感,過多N年無地方想去就應該會諗了lol

      去果d擺明渡假地方真係貴過日本,我妹banyan tree結婚,最cheap最細果隻屋要六千幾港紙一晚只包早餐,我地住果間仲再貴d,日本溫泉酒店都包早晚餐丫,不過兩種模式唔同feel又好難直接比較ge

      一年9 日 x 6 次,我記得你唔係私人公司,可能放呢種日數我第一時間諗到醫管局XD

      刪除
  3. 帶住小魚金越南,真係唔想/唔好出街,玩酒店最好

    回覆刪除
    回覆
    1. 我對越南d街邊飲食市場完全無興趣haha 除左第一晚唔會住貴野,其他3晚一定住靚野

      刪除
  4. 其實飛得多,個人⋯⋯霎時好空虛失落
    暫時只對生牛肉河有興趣,
    但不可以加$東京早機?

    回覆刪除
    回覆
    1. 早機果班東京係大阪轉機...即係凌晨兩點到大阪晨早再轉機...
      可能我地係親子成家人飛,所以暫時無mud 空虛失落 haha

      刪除