2018-04-14

有人終於考車牌。Mini Cooper Clubman S

去荷蘭,迫我每天公主癌上身發老脾,一早說了考車牌就不用那麼累,
小金魚未出世之前怨到小金魚兩歲,
他終於去學車,去年11月考第一次,有人貪快,
在路上駕了沒有5個小時走去考試,結果只Pass泊車,
今年2月再考,終於考到,期待一年後國際牌到手。


新手上路又沒有閒錢當然買二手車,原意正路地買日本七人家庭車,
姐夫突然拋出一條Link,對車一竅不通的我見到這架車的照片雙眼發光,
復古外型啡色車身啡色坐椅,我杯茶!! 照片看來似乎很新,馬上約車主看車。
 photo 469A8155P03_zpslvu1pgwd.jpg
 
 
  首次登記是2009年,聞說當年新車落地價格半球,
十年車二手價六萬頭,貶值的東西...
雖然是十年車,但實物外觀十分新,
只在車門見到半粒米大小甩油和一條很很很幼細的痕,要驗屍般才發現。 photo 469A8153P02_zpsnnqnmvib.jpg
 
 
  打開車門更見驚喜,座椅的皮新到令人嘖嘖稱奇,
連地毯也很新,相信原車主也是愛護有加。 photo 469A8161P06_zps3cehotzh.jpg
 
 
  啡色皮再以白色Highlight,加上復古車身配啡色,
我對車一點也不認識,幾乎是那種「Mini Cooper能吃嗎」的程度,
之前他掉一堆日本車照片給我看我真的沒意見沒感覺,這部終於引起關注。
  photo 469A8159P03_zpslfbfpf6b.jpg
 
 
  看完車後我們沒有向車主壓價,隔天馬上找相熟車房驗車,
車房師父說我們十分好彩執到寶,他說這架車外內十分精神,
沒有任何隱藏可疑痕跡問題,亦沒有東西可換可執,
車房內其他人一見這車也說這架車好型溝女一流,
原車主苦笑說「你們不要再說下去了,再說我想撻訂不賣自留。」 photo 469A8157P04_zpsnne0yqgz.jpg
 
 
   photo 469A8158P05_zpsusaidbyn.jpg
 
 
    不懂車的我也覺得這個顯示盤型爆。
   photo 469A8152P01_zpslbaveapc.jpg
 
  
  還可以開天窗。 photo 469A8162P07_zpsjkettvwq.jpg
 
 
  車尾箱剛剛好勉強塞入BB車...然後就什麼空間都沒有了...
   photo 469A8156P02_zpsv07xkxjn.jpg
 
 
  幾位有駕車習慣的朋友都問為何買一部溝女跑車,說這架車不適合我們,
他們說這種車油門太敏感,輕輕一碰已經立即飛出去對新手來說太危險(冒汗),
用點力水踏油門的日本車比較適合新手,還說這架車根本是溝女用不是家庭車,
車尾廂又放不了什麼東西,
然後我在旁邊聽到他回答其中一位朋友「我買黎溝我老婆。」(〃∀〃)


我都說了我幾乎是那種「Mini Cooper能吃嗎」的程度...(¯▽¯;)
不過我們預計只會持貨兩年,在香港Call的士便宜簡單乾手淨腳,
買車純粹為練車,我也考慮是否要考車牌,
自駕遊輪流開車? 不過我有點信不過自己...(¯▽¯;)

28 則留言:

  1. 恭喜恭喜!!!

    買完樓,又買車,下次應該又買樓呢~

    講開自駕遊, 好 Q 憎果 D 得個牌,根本在香港吾係駕車果 d 人,你就貪過隱,貪方便,但分分鐘累死人囉。

    回覆刪除
    回覆
    1. 多謝:)
      我地無人頭買住宅了,雙倍印花稅太辣..15%堅係俾唔起
      所以留意緊工廈細價盤,不過都係研究階段可能最終得個望字

      考完牌唔練車最受害一定係自己同屋企人,老公昨晚第一次自己渣出去,佢話佢真係好驚,連馬鞍山都出唔到去...哈哈

      刪除
    2. 同意樓上所講,嗰啲喺香港冇揸車,去到日本就又話飛車,根本就危險過啲Sunday driver。

      刪除
    3. 老公只要人在香港,夜晚點都渣一陣兜兜,唔渣開,一個人都淆,何況係自駕要帶住成家,好大責任

      刪除
  2. 恭喜加入車主行列:D
    一定要換車,現實環境你也想生多個BB⋯⋯⋯⋯(到時再考慮車系列問題)⋯⋯

    回覆刪除
    回覆
    1. 後面放一個小朋友坐椅加個大人真係已經無位坐,哈哈

      刪除
  3. 你考埋牌,接送阿囡興趣班

    回覆刪除
  4. 恭喜恭喜榮升車主,駕車要多練習,最緊要安全﹗

    回覆刪除
    回覆
    1. 我地都想負責任地去自駕遊,一考到即買車夜晚去練,唔練真係唔得

      刪除
  5. 我地第一部車都係買日本車,因為我學車果陣都係學日本車,所以習慣左🤣🤣🤣

    回覆刪除
    回覆
    1. 有fb友講開,話歐洲車安全過日本車好多,話日本車危險在於“鋼水同軚輕,尤其新手係路避車時一驚,好易一扭軚唔知飄咗去邊”,我覺得好似幾有道理

      刪除
    2. 我覺得歐洲車係舒服,之前架Audi踩一踩即飛,嚇到我死,我都係鍾情日本車,唔知點解我揸日本車油費平好多,可能馬力無咁好,我去日本都係租日產,但歐洲車真係好舒服😌

      刪除
    3. 根據我d fb友講,歐車同日車唔止係馬力分別,仲有安全性,我覺得價錢咁有距離,應該唔會淨係個摩打咁簡單,不過租車我就覺得無所謂,頂多用果十日八日

      刪除
  6. 我都覺得有部車同小朋友出街方便好多。

    回覆刪除
    回覆
    1. 其實我地經常都坐的士,所以除非去些很山卡拉地方,否則香港自己開車的優勢就唔太明顯,不過真係為左好好練車先買車

      刪除
    2. 自己有車之後,嗰種舒適度方便同整潔會大大對的士改觀,如果司機得閒既話,你可能連去附近百貨公司都情願揸車去.

      刪除
    3. 宜家話就話兩年後唔養車,不過兩年後可能又唔同諗法 haha

      刪除
  7. 係香港先唔敢渣車,渣車個D癲癲地,過馬路個D又short short地

    回覆刪除
    回覆
    1. 唔練車點有車感呀點帶住成家人自駕呀,我老公揀夜晚車少的時間去練,佢幾天前第一次自己單拖自己出去,車唔多,本來只打算入完油即回家,熟手的話前後15分鐘搞掂,結果佢差不多一個鐘先番到屋企,因為真係好唔熟(各種方面唔熟啦)

      刪除
  8. 呢種車特別到好似喺結婚花車上先會見到,平時揸出街嘅都真係好少見,另一種以前我覺得好可愛嘅就係甲蟲車,不過知道外表靚同舒適實用度係成反比嘅 …… 當然,買嚟練習嘅就靚靚地玩吓冇所謂,到將來真係要養車時就會揀啲悶蛋實用車的了

    回覆刪除
    回覆
    1. 有D花車用mini cooper都算常見,根據身邊車友表示佢係一部d女絕對肯上車的溝女跑車(笑),講真我唔識車第一眼見到都雙眼發光….呢部一定好過果d甲蟲車,我地呢部入面坐得舒服架,現階段係夠用的,但如果生多件就應該要換車,但根據經驗人士,佢地講左日本車的一堆問題,睇完都覺得就算換車都應該會朝住歐洲車方向換了

      刪除
  9. 恭喜啊~~滿腦都是日本自駕遊,快D安排啦
    帶小金魚最好自駕,輕鬆千萬倍

    回覆刪除
    回覆
    1. 去邊度都好但一定揀d自駕優勢比較高的地方,我都期待緊!

      刪除
  10. 日本好適合自駕啦。我雪藏牌香港又無揸,補咗鐘過去自駕都叫應付到。你學埋輪流揸就更穩陣啦。

    回覆刪除
    回覆
    1. 日本的確適合新手GE,起碼架車中途壞MUD,正路日本D租車公司都唔會扼你,係壞果樣就果樣,我有聽過朋友分享去歐洲自駕要好小心D租車公司,特別唔係揸開果D對車各種自然唔熟,好易俾人屈錢

      刪除
  11. NICE CAR﹗恭喜你好快就可以加入自駕遊既行列。我老公已經有車牌十幾年,去世界各地旅遊租車真係好方便。因為有好多公司都會有D特定車種係寫明要有幾多年牌以上先可以租(通常我見都係三年)。又兩個人渣車係要收額外司機費用(當然你可以_偷雞,捉到會罰)。但整體上我覺得自駕遊係由自在好多又舒服好多﹗希望快D見到你地一家人第一次自駕遊。

    回覆刪除
    回覆
    1. 十年前老公只係做左幾年野佢唔考車牌我唔怪佢(反正無錢去玩),但到開始有能力時都唔去學定先真係抵我一路旅行一路丙佢,下年如果自駕應該會揀d簡單d地方小試牛刀,我都仲係度懶懶閒唔知學唔學架,haha,講真我真係受夠帶住小朋友等公交,去日本都還好,坐的士唔貴都無咩大問題,去歐洲,坐到破產呀

      刪除