2018-07-13

Day 4(2) 旅行史上最倒楣。幾乎以為流浪街頭。荷蘭<黑仔遊記下集> Giethoorn/羊角村 - 附Amsterdam/阿姆斯特丹出發簡易交通︱自由行、親子旅遊



2018-04-02
Day 4(2) 倒楣。幾乎以為流浪街頭。荷蘭<黑仔遊記下集> - Giethoorn


上回說到早上去期待景點之一「Zaanse Schans/風車村」不停下雨,
失望地回市區食午飯準備向下一個目的地出發,這天真正的惡夢在後面...


交待一下由Amsterdam去Giethoorn的簡易交通概念,
台灣人寫得太詳細對新手來說反而看到一頭煙,例如我...
其實就是坐火車由Amsterdam去Zwolle或Steenwijk,再轉乘"70號"巴士,
以下是熱門的巴士站下車點,接近各住宿餐廳 :

Bushalte Hotel Harmonie, Giethoorn
Bushalte Lindenhof, Giethoorn
Bushalte Kerkweg, Giethoorn
Bushalte Groene Kruis, Giethoorn
**Bushalte Dominee Hylkemaweg, Giethoorn**
**位置屬村頭/村尾+全村唯一超級市場+旅遊服務中心+本人下車點**
(本人不知道哪邊是村頭,哪邊是村尾,總之是村口啦。)


出發時利用「https://9292.nl/」輸入出發地"Amsterdam Centraal",
目的地只要輸入一個合適閣下行程的巴士站,就會搜出最佳路線,
火車這段路線通常要換幾次車,各種班次有各種轉車站及換車次數,
總之跟著「https://9292.nl/」什麼站什麼時間換車就一定不會錯,
換車通常是走對面月台,時間足夠讓你看清楚車站電子牌上車,
我們帶BB車和一個大行李換幾次車都沒有追趕跑,
還有換車次數多的班次有時更快到目的地,換車少的反而要多幾十分鐘。
photo 469A6674P16_zpswgd6o60a.jpg
 
 
  這是Steenwijk巴士站,就在火車站外面,是一個無人車站。photo 469A6676P18_zpsgvnbpeep.jpg
 
 
~*惡夢降臨*~
 
 
到達目的地時已五點幾,走到住上兩晚的獨立屋,獨立屋旁邊就是房東住處,
我們拍門並拿出Email表明來意,房東大惑不解翻查她手上的Booking簿…
話說我最初預訂4月3日至4月5日,過了幾天後更改為4月2日至4月4日,
我怕對方弄錯,所以在Confirmation Email重新打一次日子並叫對方確認,
對方也確認了,因為Giethoorn是十分熱門的地方,住宿一定要很早預訂…
你就當它是日本的白川鄉吧…是一個熱門多遊客遠離市區的鄉下地方。
 

結果房東忘記在自己的Booking薄改日子!! 把4月2日租了出去!!

在。這。種。鄉。下。地。方。我。們。怎。麼。辦!!
當時已經黃昏六點多了!! 房東表示她房子旁邊有一個由倉庫改成的Studio,
Studio裡面有一個小房間,我們一看,裡面只有一張雙人床然後什麼都沒有,
廁所要走到Studio外面並表示沒有浴室,要走到公廁的投幣式浴室...
Eur 0.5可以沖5分鐘...公廁當然亦沒有暖氣,內心無限Shit! Shit! Shit! 
什麼?! 要我走到公廁沖涼?! 我們問房東房費是多少?
這垃圾倉庫劏房兼要走到公廁投幣沖涼兼且你Mark錯簿還好意思收我Eur 75?!
本來我租的獨立屋一晚也只是Eur 98.75呀!! 我不是要你免我房費,
好歹也借自己房子的浴室給我們用吧!! 當時是4月頭天氣還很冷呀!! 
要我怎樣帶一個2歲多的小朋友在寒夜裡去公廁沖涼?!
 但出發前在訂房網站手痕Search過已沒有空房,所以只好硬著頭皮應承,
因為我們這個位置其實是在村外,還要多走15分鐘才能到達村莊食晚飯,
再考慮的話餐廳關門就連晚餐都沒有了!
我們付了房費後,房東還"十分好人"地給我們5個Eur 0.5去投幣沖涼,
真好笑,5個Eur 0.5即是25分鐘,但我們有3個人,
每人連十分鐘也沒有,我跟可愛老公苦笑說「十分鐘都唔夠洗你個Pat Pat」...
 
 
結果我們抱著一個極度失望兼沈重又驚慌的心情入村食晚飯…
腦海不斷在想怎樣帶小金魚在寒夜裡去公廁沖涼,風筒都沒有明天怎麼洗頭,
帶了Lolita也沒有心情去妝扮,為什麼去旅行去得這麼折墮等等...
幸好餐廳的Menu好好食所以心情由谷底稍為回升一點點(下篇再介紹),
食到中途我用手機發現餐廳附近尚有一間空房,燃起希望之光!!
但訂房網站說最後Check In時間是下午六點,早就過了,
然後發現該酒店就在我們餐廳旁邊,可愛老公乾脆走到酒店看看,
酒店Lobby已經關燈無人,我提議不如問問餐廳職員有沒有酒店負責人聯絡方法,
一問之下原來餐廳與酒店是一同經營呀!! 職員說有房呀!! 開心死啦!!  
心情立即由谷底升上天堂呀!! 我說就算房東不退回Eur 75的房費我也要住這邊呀!! 
我不要住倉庫劏房!! 更加不要帶小金魚去公廁沖涼!! 早上我也要洗頭呀!!
 
 
於是我跟小金魚繼續在餐廳食飯,可愛老公就走回民宿取回行李。
等了45分鐘他終於回來,房東亦退回第一晚Eur 75的房費,
不過房東就埋怨我們囉,她說她為我們整理好房間又準備了橙汁等等,
浪費了她很多功夫,可愛老公回應房東說這事情當打和,這件事大家都不想,
老實說,當我們成為受害者的那一刻我們完全沒有罵人沒有埋怨沒有黑面,
忍著內心怒火一邊苦笑一邊聽你怎麼安排,
害我們這麼麻煩還好意思埋怨我們??  
遇著其他人早就破口大罵了!!
不過好歹她也有退錢就算數了。
 
 
 幸好此事結束後,之後的日子天天放晴,惡運終於離我而去了。
 
 
待續...
 

 
 

20 則留言:

  1. 真係一把汗,好彩找到有令外一間房住﹗

    回覆刪除
  2. 黐線架, 我諗第一個俾人剷上天花板既係我.

    回覆刪除
    回覆
    1. 係因為有人覺得我「賓士迫瀝」成日旅行都係為搵間酒店嗌交架,所以有時好激氣自己一個去輕鬆好多。

      刪除
    2. 你都知道好多人鍾意黑面架 !

      刪除
    3. 我自己頭果幾次旅行都成日黑老公面,例如搵極搵唔到間酒店/搵唔到間鋪,不過好影響旅行氣氛,所以宜家EQ高左好多,HAHA

      刪除
    4. 相反"搵極搵唔到間酒店/搵唔到間鋪"係我俾人黑面, 我都唔明明明兩人都係第一次去點解會覺得我會知係好激氣架, 而係最慘係揸住架車搵黎搵去都搵唔到, 或者搵到唔知點樣轉過去, 而家好好多個女會一齊搵, 唔掂佢會入酒店問清楚點樣行.

      刪除
    5. HAHA,我就係好似你老公咁,明明大家都第一次去,搵唔到會忍唔住黑面發佢老脾,不過其中原因係以前去旅行的機會少,要分爭奪秒,所以好易燥底,你地揸車都還好,我地係得對腳行,真係上燥上加燥(我),宜家唔care就無再西佢面了

      刪除
    6. 我都係呢種人,燥底 :P

      刪除
    7. 本來近年旅行少左燥底,但荷蘭果轉又燥番,日日丙佢點解唔早D學車 LOL...

      刪除
  3. 住民宿共用廁所和浴室,咁你接唔接受到? 剛剛去完富良野,住過幾間民宿,有好有唔好

    回覆刪除
    回覆
    1. 我以前住過京都民宿share廁所浴室(2009年),廁所男女共用添,即係你痾痾下隔離分分鐘有個男人都去緊廁所,以前得,宜家唔得了,我book羊角村呢個民宿,佢係獨立屋(痴住房東間屋),有自己廚房廁所浴室

      刪除
    2. 我都返唔到轉頭同人share廁所浴室嘞,就算book airbnb都最低限度係有獨立衞浴嘅套房。

      刪除
    3. 有d野邊有得番轉頭丫,就算無浴室,起碼都有廁所,有時住溫泉酒店都無用房個浴室但廁所點都要用...

      刪除
  4. 我都覺得對方 mark 錯簿還好意思將間士多房收咁貴租俾人,好難唔爆佢㗎喎 ! 證明你地 EQ 好好 !

    回覆刪除
    回覆
    1. 你形容得好!士多房呀!!一時醒唔起用咩形容字眼去講間房!
      唉,因為我地本身連住兩晚,宜家第一晚住唔到,第2晚都仲要番去住,
      果下反檯無著數,而且就算即場爆佢佢都俾唔到間屋我地住解決唔到問題,
      唯有忍住度火等自己好過D~_~"

      刪除
    2. 真係要㩒住自己,人生路不熟,去到呢啲位只可以靠房東!

      刪除
    3. 係呀! 我地唔係自駕唔係隨時都可以離開,仲要係呢d鄉下地方,村入面如果無住宿就要靠房東啦...

      刪除