上星期看到一些報導，繼羅浮宮的姊妹公司新天地去年名為合併實為收檔之後，羅浮宮終於在今年11月底結業。
我只影了兩輯婚紗相，剛好正是羅浮宮和新天地的Hello Kitty婚紗系列，結果兩間雙雙前後結業。@_@
其實我非常慶幸當初有去影新天地Hello Kitty，還記得當時影完羅浮宮後，大概08年11月尾，我當時拉著的可愛老公在新天地的門口不斷徘徊猶疑要不要影，我大概轉了十個八個圈! 可愛老公終於忍不住拉我入去，結果就影了，而且新天地還幫我趕上3月結婚前收相。如果當初沒影現在一定很後悔!!! ( 舊Blog : Hello Kitty篇 http://hk.myblog.yahoo.com/hitomi_kong/index?l=f&id=12 )
倒是羅浮宮沒什麼感想，自從新天地收檔，羅浮宮的結業幾乎是意料中事，它輸了給法國婚紗也是無可厚非，論化妝師和攝影師大概五五波吧，不過論景的話羅浮宮真的輸了，雖然以室內景來說還好，本身香港影室內都沒有太多選擇...但跟法國婚紗相比感覺上輸了，不過當初不揀法國婚紗純粹因為當時FB那個Sale不太老實，所以就影羅浮宮。
最近開始在考慮要不要在兩週年結婚記念影一輯婚紗相!
Hello Kitty 是不會過時的, 我覺得你的選擇是對的, 有無考慮返大陸影呢, 聽口碑好似唔錯噃, 而且又平喎!
回覆刪除[版主回覆11/14/2010 23:58:00]返大陸影~都有諗過下 不過睇過好多人地D相~~D衫同D化妝真係唔及香港..
依家咁多FREELANCE又有大陸台灣海外其實好難做
回覆刪除[版主回覆11/14/2010 23:57:00]我覺得羅浮宮衰在真係UP唔出佢有咩特別=__="
依家d 人多數鐘意影outdoor~~依d 傳統影樓婚紗公司真係好難做得住~~~
回覆刪除[版主回覆11/14/2010 23:51:00]可能我比較怪~我鐘意影下假室內景XDD 因為要影outdoor實在太容易XD 假景就真係要幫襯佢地先有得影平時想影都唔得XDD
最近開始在考慮要不要在兩週年結婚記念影一輯婚紗相!<-- 我最近都影左post wedding photo呀！因為朋友開了自家店，佢幫我化妝，影相，租衫一條龍搞掂晒，出黎效果仲幾好tim~ 影左成500張相呀，全部俾番晒我架！ 所以我都覺得傳統影樓婚紗公司真係好難做得住，因為佢地要逐張相計錢，可能我地俾左$10000都係得40張相。 但我依家幾千蚊就有500張，又唔會迫我加呢樣加果樣，心情都開心d啦~ 呢個係大勢所趨黎架啦，傳統影樓一定要改變先有得生存！
回覆刪除[版主回覆11/14/2010 23:49:00]我覺得最好係室內景又有戶外又有就最好~ 不過其實台灣公司果D好多都係逐張計~佢地一張係香港的DOUBLE價錢=___=" 唔想逐張計就真係最好搵FREELANCE吧
唉......我想影kitty架
回覆刪除[版主回覆11/14/2010 23:45:00]唔緊要~上海都開左間影KITTY婚紗相XDD 去吧XDD