＊．．＊．．＊．．＊．．＊．．＊．．＊．．＊．．＊
單拖二回合戰利品 - Iris Ohyama 除塵蟎吸塵機
＊．．＊．．＊．．＊．．＊．．＊．．＊．．＊．．＊
Iris Ohyama 除塵蟎吸塵機 ¥12,226 (Amazon)
由於二回合戰利品及留言中提及除塵蟎吸塵機，
在Facebook及Blog中都收到一些有關這部機的提問，
所以做了一點蚊型調查，二回合第一篇戰利就先寫它吧。
論價錢，這部非常抵玩，換算港幣只要$772，
「Amazon」免費直寄酒店，自己不用抬回去，
這部香港水貨約$12XX-$14XX，噢，差價已經最少一晚酒店囉，
就算不親自飛日本，根據「Amazon」資料運費計3Kgs只收¥3,600，
總成本港幣約$1,000，有興趣不妨自己訂回香港。
可能有人好奇為何不去「Yodobashi」或「Bic Camera」買？
既可8%退稅又有信用卡5%-6%Discount，
但以下的現實告訴我們現在可能太多遊客? 熱銷產品賺遊客錢?
這照片是可愛老公6月尾第一回單拖旅行時在「Yodobashi」拍的，
他亦即時向店員查問這是否“實價”...
根據官方資料，每秒振動6000次，6000次夠不夠強下面再說，
設有UV除菌聲稱達99%，除塵率達95%以上，
當然這些只是一堆看完也不知道好不好用的數字。
這部機是無線，充電3.5小時使用20分鐘，市面的無線式都是這樣，
它的好處就是簡單輕巧，沒有多餘配件，
本體只重2.1Kgs，女士們基本上都可以駕御，
吸塵機上有指示燈「 紅、黃、綠」，
顧名思義紅色代表嚴重，我們最初放上床褥時是紅色啦...
床褥上的結果...
有沒有除蟎蟲? 我不知道!!
我才不會翻開這堆白色嘔心的東西找蟎蟲去證實!!
但我相信可以除去床褥表面和淺層次某程度的蟎蟲，
至於床褥的深層次蟎蟲?
我相信要高檔牌子如「Dyson」那些戰車般振動達十萬以上、
四五六千元一部的型號才做到?
以前有推銷員到我家做相關清潔服務
推銷的重型如戰車般吸塵機盛惠港幣兩萬多元...
牌子是「Rainbow」，如果我家有二千呎，我一定買(笑)。
早前我們特意走到沙田的電器層看看這類型的吸塵機，
剛好"百老匯"正在推銷韓國牌子「Raycon」，於是上前問一下，
價格$2,4XX，功能同上，但每秒振動只有3300次(型號相信是RE-100)...
又渣又貴...後來找到網上評語都說不太好用，
而且是韓國牌子韓國製...韓國的QC嘛...不用我多說...
「Iris Ohyama」雖然是中國製，但我絕相信日本牌子的中國製比較耐用。
其實...其實我好想買這部!!
「Amazon」只賣¥9,029!!
但Specializations太弱啦...每秒振動只有2500次...
最後還是要提醒一下這盒東西非常大盒，
拿掉裡面的Packing把軟軟的戰利品塞進去吧!!
待續...
＊．．＊．．＊．．＊．．＊．．＊．．＊．．＊．．＊
下一篇 - 單拖二回合戰利品 - Panasonic 電解水機
♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚
～＊本遊記簡易Index(可快速查閱本遊記其他文章)＊～
咁鬼大盒...寄倉定手提上機?
回覆刪除大盒還大盒，但係放落細行李箱有位淨啦，同埋盒入面可以塞其他野，所以放入行李箱再寄倉
刪除個個都同我講rainbow 好, 我都知好, 不過我屋企咁細, 都無位擺啦... ><
回覆刪除網上comment 大體話rainbow係勁（我都體驗過，不過d parts煩到嘔）），但性價比實在太低，與其兩皮一部不如買miele / dyson好過啦
刪除原來「Amazon」可以寄海外的 ? 仲以為只寄國內，因為我通常見 blog 友訂去日本酒店旅行時自取o既多
回覆刪除要睇個seller肯唔肯，呢部野amazon係seller之一（當然仲有好多seller放呢部野在amazon賣），你幫襯番amazon就可以寄海外，因amazon不嬲都肯寄海外（例：訂書訂CD最常見）
刪除攪到我心思思都想入返部
回覆刪除唔洗好強勁都吸得到,吸到就得啦!!
呢個真係勝在方便，充好電即用，唔洗換頭即刻放上床，清洗仲好簡單，拆個兜仔出黎用水洗下就ok
刪除我有miele s8330, 都係話可以吸塵蟎， 但其實我從來都無理佢盞燈嘅， 最多咪吸多兩下。Miele 又有個頭專吸床褥， 但我想講， 當部吸塵機吸開地下， 由其裝修搬屋之後， 我大清潔都靠晒佢， 吸到咁污漕， 我接受吾到换個頭就話吸床囉。 btw, miele 呢部雖然貴， 但真係超滿意
回覆刪除你講左重點！我都好難想像吸完床下底然後換頭再將個頭連埋吸塵膠管在床上....所以我覺得呢d一件過幾好架，又唔洗換黎換去，吸完拆個裝塵兜仔洗下搞掂，miele話晒德國名牌，無幾多個牌子夠佢砌
刪除你呢部我都有 d 興趣呀， 反正11 月我又飛， 不過要拆出黎手洗， 呢點我要再諗諗。 成日覺得， 水洗果 d 雖然環保， 又慳塵袋錢， 但拆出黎果下， 我驚塵蟎分飛呀， 你有無呢個問題呀
刪除拆個兜出黎時唔好拆蓋（看圖，佢有個大蓋），去到垃圾筒先開蓋拿拿臨用抹塵紙抹走佢，不過你用開miele我怕你嫌佢唔夠馬力，哈哈
刪除咁請問 amazon 落單到收貨要幾耐呀。 或者可以 day 1 去睇睇實物， 岩先即訂 xP
刪除如果SELLER係 amazon 自己(佢會寫明sold by 咩人)~效率可以好快~今晚order 聽日或者後日就可以出貨~出後之後果日通常中午前就可以收到
刪除你好，請問是否用個轉插就可以用，不需買火牛的？
回覆刪除Yes!轉插即可
刪除Hi, 想問amazon jp點寄返香港？我試過地址填香港，system reject 唔寄海外，係咪我中間有step 錯左？thx!!
回覆刪除要視乎你買果樣野個seller肯唔肯寄international~
刪除請問你有冇另外買過慮綱及塵隔? 部機本身已有一set? thanks
回覆刪除你指照片吸出一堆塵果果舊野？本身已經有，唔洗另買
刪除thanks
刪除我最近都想買呀，你用左幾年啦， 請問 comment 點啊？
回覆刪除你都睇到其中真係拍到野出黎，我覺得間中拍下心理上會幾好🤣 有無拍到床蟎唔知，果堆塵咁核突都唔會特登了佢🤣
刪除我老公懷疑自己皮膚敏感關塵蟎事，未等你回覆，昨日拿拿林買左啦，佢話睇次醫生都吾止呢個價。
刪除我買左第二代，昨晚即試，吸左好耐先轉到橙色，都未到家鄉就要洗塵兜，好恐怖呀~
Btw, 昨日同阿媽，老公，姪仔去迪士尼，我老公話我姪仔頑皮，我哥吾識教。。。。。 係，佢頑皮，我全家都知，我哥教嘅方法我都吾認同，但你吾洗攻擊埋小朋友個樣架，話佢個樣吾討好。邊個吾想自己子孫顏值高，又叻，人生勝利組先。
我諗起你寫自駕遊感想，講到每個小朋友 pathway 吾同，終有一日會乖。我老公今次好認真睇 ( 平時無心機睇字 ) 佢睇完即收口。 我再用埋佢親戚有對又係好頑皮的小朋友做事例，我哥吾識教啫，你親戚識教啦卦，咪又係頑皮。
我話，你家人猛話你親戚對小朋友頑皮，我有無批評過啊？ 我老公先死死氣補句 " 因為你明事理丫嘛 "
可能男人返工吾講家事，吾講湊仔經，佢自己無小朋友，就完全吾理解。 相反我日日在堆媽媽群返工，我反而理解
話晒熟人，攻擊小朋友個樣又真係唔好wo，雖然我都知道當討厭一個人的時候，
刪除幾好樣都覺得面目可憎XD
我老豆老母大家都7兄弟姊妹，所以表堂相距可以好遠，某程度上睇住D表堂弟妹大(由BB到結婚)，
加上幾乎日日都去公園/小朋友多的地方，見盡不少家長，的確有D家長係唔識教/直情唔教，
即係例如我提及的表弟，由人人得而誅之的死小孩(我姨有縱壞成份)之後愈大愈乖仔。
我身邊仲有一堆細時頑劣之後愈大愈正常的例子(包括我)。
當然有D小朋友係天生無咁頑劣同埋早D受較(例子:我細妹)，咁睇落咪好似細時好乖囉。
所以我深信每個小朋友一定會經歷頑劣/唔聽教階段，呢D唔關父母識唔識教/縱容，
即係好似我個女咁半年前都仲會在車廂跑/用條柱轉圈各種，教又教過鬧又鬧過，
最近終於做少左呢d行為，開始肯聽下人講野