Backdrop方面由銀色轉換成紅色，輕微的變動卻是另一種感覺。>o<
沒有時間站在門口迎賓，很艱辛才有數十秒時間跟可愛老公拍幾張合照和獨照...咦? 掉了! 幸好及時發現!
在我身旁是煌府集團的另一位董事「表妹」，沒想到兩位老闆都在重要時刻來打氣(煌府當晚4間分店也有婚宴)，印象中他們逗留至上菜後，另外兩位分別是李店長及監場人杜先生。
不錯的Backdrop! 拍照很Sharp!
親戚實在太多，7點幾還在敬茶...
聽到一些趣事，照片中的小女孩是可愛老公的Manager的小女兒 (5歲)。
回家後小女兒跟爸爸說 : 「呀...新娘好靚呀...都係新娘靚D...」
哇哈哈! 小孩子在這種時候是最誠實的了! 呵呵呵呵!
最感動的是網上「機友」也來了，當MC說:「請新郎機友上台合照。」此話一出全場大笑，這一圍人被標籤了，哈哈! 這班網上「機友」部分認識了七年以上，有些是今天第一次見面!!! 我和可愛老公是玩Online Game ( Warcarft III )而認識，他們見證我們從網上機友發展成情侶繼而結婚。>_<
如果這群人是毒男(包括可愛老公)，那我除了是港女也是不折不扣的毒女。
直到七點四十五分，司儀問我們是不是要切真蛋糕?!哇! 我們竟然忘記跟司儀說! 結果馬上進行切真蛋糕，8磅蛋糕被迫帶回家。=__=”
我任由姊妹們在衣著上自由發揮，我不喜歡戰隊。
大概8點鐘我和可愛老公便離開舞台準備，我其實非常擔心入席的時候會不會很混亂? 因為聽過很多Case入席時都會很亂，編好位子也總有一堆人胡亂坐，搞了半小時才搞定之類。會不會有賓客很迷茫不知道坐哪裡? 會不會浪費了很多位置? 幸好只是用了大約15分鐘，憑MC向全場的說話我意識到賓客都就座了，沒想到比想像中順利，最後開了24席。
待續…
同你兩夫婦打個招呼先 "你好, 我都係warcraft 裡面既mariekitty, 得閒搵埋我老公組返隊情侶檔鍊返鋪"
回覆刪除[版主回覆04/27/2009 21:26:00]你玩wow 定warcraft III? 我兩樣都有玩~由warcraft III 玩到Expansion出左無耐就stop左打ladder (打 ladder 太花精神...又有壓力)~ wow佢出果時都玩左大半年~之後stop左~Expansion出果時又玩左兩個月~stop到宜家都未玩番~_~
堆毒男看上去都不毒了, 因為7年足夠俾大家長大成人. 有正常工作有正常生活, 喜歡工餘下機又有咩問題呢.
回覆刪除我老公係影相狗公, 我做Model時識佢的. 都係d 好多人聽完呆一呆的情況... 好似好多朋友都依然覺得, 要講什麼朋友介紹呀, 舊同學呀才是乖仔乖. 老公媽媽都以為我地係大學同學/舊朋友介紹識的.
個叔仔仲好笑, 佢早前看住星期日檔案話上過星期日檔案的後生一代, 一定好多人識, 出街俾人認得(如peter仔) . 我話你又知, 你一定認得? 佢仲好質疑我咁講.
我都費事話佢知: 咁你又唔識得我? 連我有著"某種衫" 都未知的人.
網上資訊多了, 後生仔上完電視實在網上俾人分享佢私隱... 有時都分不清網上和現實了. 網上的人在現實變了朋友和夫婦....夫婦也可以再在網上一起出現(好像你的warcraft)
[版主回覆04/27/2009 21:23:00]宜家打機上網睇動畫等等已經完全被標籤化~我有個女性朋友同我講「唔好意思~果晚個MC講請新郎機友上檯~我真係忍唔住笑得好大聲~好似成班毒男咁~哈哈」~另外有同事事後好驚訝問「你地真係打機上網識架?!?」 「網上無真愛」呢類說話依然流行~我在我D朋友同事眼中係另類人士~打機上網動畫齊晒~以前仲儲到一屋動漫女FIGURE仲顛過D毒男~不過另一方面又鐘意D好少女GE野WO (lolita)~老公都係打機上網識~在佢地眼中都好騎尼
我同男友都係玩 Online Game認識架~ 不過都８年了~ 唔知搵到幾多機友了
回覆刪除[版主回覆04/30/2009 23:51:00]你地仲耐bor! 邊隻online game?! hehe~~
個場好grand呀, 仲有你個頭飾羽毛好得
回覆刪除[版主回覆04/30/2009 23:47:00]其實個場真係幾grand~真係一d都唔似酒樓!!~嘿嘿 又有d特別野俾我地場~令我的出場方式變成獨一無二~ 呢樣野真係酒店都俾唔到我^^
我想問你可否介紹你租衫果間比我呀 ? 會平d 的嗎 ? 謝謝 !!
回覆刪除[版主回覆04/30/2009 23:46:00]尖沙咀溫馨~我有朋友自己去租~聽講都會自動俾少少優惠^^
我地係JY Online, 2001年6月時開server的金庸....
回覆刪除[版主回覆05/03/2009 01:42:00]金庸當年好HIT~可能造就左唔少情人~HAHA
似乎係啦~ 我個組織最小有2 PAIRS, 其他組織都有架, 哈哈 ^o^
回覆刪除個場可以轉幾個色呀,請問幾多$一圍呀?同埋d service同食物如何?謝!
回覆刪除[版主回覆05/05/2009 00:32:00]個場有3個BACKDROP果日任你轉~ 菜單我ONLY記得$4988 / $5388~~ 加一~~酒水$300~ service同食物同好好~~遲D會詳細分享
呢個造型好靚^^
回覆刪除我都係當晚係婚宴做埋註冊架~ 見到你話六點半就換婚紗, 咁遲來的賓客看不到你紅色的靚靚晚裝囉!? 因為我在煩惱何時換掉席前晚裝換婚紗啊~ (我的大日子還是星期五啊!) 我想參考一下你的rundown啊, 你那時是否五時恭候八時註冊九時入席的啊? Thank you~
回覆刪除[版主回覆07/27/2010 13:14:00]始終好難俾大部分人睇晒 D 衫 ~~ 一般人流開始高峰期係 7 點打後 ~ 最高峰期係 7 點半後 ~ 你一係就人流高峰前換 ~ 即係早 D 換 ~ 否則如果你在人流高峰期先換 ~ 你換得黎影得一陣都差不多時間要埋位等進場了 ~
我果時係考慮到 ~ 如果我進場先換婚紗 ~ 咁我件婚紗咪影得勁少 ~ 進場註冊等等環節影唔到多的 ~~ 亦都無可能擺晒 pose 影 ~~ 我反而係希望件件都可以擺下 pose 影下「單人造型照」 + 同老公合照 ~~ 多過要俾人睇晒自己 d 衫 ~~ 我有好多 blog 友都話好後悔無件件正正經經咁影下相呀 or 件件衫同老公影 or 有 d 衫影得好少相 ~ 所以我睇番自己 d 相都幾滿足 ~
我張帖都 一樣 五時恭候八時註冊九時入席 ~~ 實際上 8 時賓客埋位 ( 好彩我只係廿幾圍 ~ 幾個字就坐好 )~8 點 15 分準備進場 ~around 8 點半 註冊 ~9 點準時開席