我們帶了小型行李箱掃貨，有點後悔沒有帶更大的，只買常吃而的食品，壽桃牌是必買，麵是逢星期六日午餐必吃。壽桃牌的套裝比超市便宜很多，所以它的檔口十分多人買。我們買了兩Set東西:
$60套餐 : 12個碗麵 / 2包烏冬 / 2包麵線 / 1盒蝦子麵禮盒(4個)
$170套餐 : 3盒大禮盒 (1盒12個) / 3盒小禮盒 (1盒4個)
禮盒裝那個醬油味道是十分好食!!!
另外用了$68買了一堆燒賣/魚骹/墨丸之類東東。還有$15兩盒牛奶。
另外在會場試飲了很多Coffe，湯水，牛奶，果汁...etc....可愛老公笑說會不會搞肚XD?
也試了好幾檔麵食，最有誠意是五豐行! 試食的份量不少，手撕雞有半隻雞脾份量，另外有一檔試吃豆沙餅的份量亦不錯，同珍是完整一大片東菇。
我們只付錢買了兩隻即食鮑魚$20@，原來凍的即食鮑魚除了要加豉油，再加Wasabi是非常好吃! 另外買了台灣小吃銅鑼燒，裡面有Ice cream也很不錯。
我們差不多6點進場9點幾離開，雖然是迫了一點不過周圍試吃很高興呢。
噢~~~ 我都想去!! 試食試食!!
回覆刪除[版主回覆08/18/2009 13:00:00]咁你最後有無去呀 ^^
我今日都去咗, 攰到死!!同你一樣試食咗好多嘢, 亦買了不少飲品...罐頭
回覆刪除[版主回覆08/18/2009 13:00:00]罐頭抵呀!! 可惜我屋企原來好少食罐頭!
你拎個個喼好似只係岩岩好夠放D 壽桃牌
回覆刪除[版主回覆08/18/2009 12:59:00]我只係帶左薄身較細型的行李箱 >_<
下次再有類似賣平價食品的展會我會帶大的 !!
我14號都有去, 都有食20蚊鮑魚, 相比之下呢隻抵食過其他檔口, 20都幾大隻, 我見有d 50蚊2隻,嘩, 細到咬2啖就食完~ 另外最唔抵就係10蚊2隻焗帶子, 搵人老襯架, 都冇帶子既, 得d 蟹柳絲...不過我覺得個場好好好多人....行得好辛苦~
回覆刪除[版主回覆08/18/2009 12:59:00]$20@ 果個算最底食了~而且學識左新食法! 從沒想過可以加wasabi吃原隻鮑魚!
10蚊2隻焗帶子勁多人食~~如果佢$2 @ 我就考慮吧XD
其實今年已經好行過前年...今年個場大左算係無咁迫了>.<
看你很多收獲,我都買了不少麵食, 不過壽桃牌我卻覺得很難食...名不符實,得個平字 (SRY,可能各人口味) 佢D麵的確難食到不得了,吃完一口味精重到飲2大杯水,真不明白惠康百佳全部都大賣這個爤牌....> < , 今年我試了超力新口味, 還不錯, 可一試 ! ^^
回覆刪除[版主回覆08/20/2009 13:03:00]我上網 Search 壽桃牌禮盒時 ~ 順道看到唔少 comment~ 好似講到你咁難食真係比較少
唔知你話好難食係邊隻 ~ 佢有好多條 line~ 我只食過佢出品的 3 種 ~ 杯面係口乾沒錯因重味精 ~ 第 2 款橋麥麵味道普普通通 ~~ 但禮盒裝有醬油呢隻真係好好食 ~ 我老公個細佬自從食過之後都指定屋企要買壽桃牌唔買其他公仔面 ~~ 上網多數人都覺得呢隻好食 ~~ 不過呢 d 各人口味啦 ~~~ 超力我自己未食過 ( 唔知點解總係無興趣試 )~~ 所以我唔知了
哈哈…我也買了很多呢...重到想死..
回覆刪除[版主回覆09/03/2009 13:18:00]工聯會再買過XDD