拉鋸了六七年以上，終於正式拍板，我們這種515尺的單位多謝$14394.4!!
為何拉鋸這麼久? 錢嘛! 問題跟錢拉上關係便會變得很麻煩糟糕，關乎到要拿自己錢出來維修，拉鋸有鬼!
業主大會舉行多次，我從沒參與，聽聞有不少人大吵大鬧甚至大打出手，多次要報警收尾。當中爭吵也有跟承建商有關，這種大型屋苑維修，間間公司搶著做，老實說，肯定有部分人因為利益問題而大打出手吧? 我總覺得我付出的$14394.4有少部分不知道落入什麼人的袋中，否則有部分人怎會為了用那間承建商而吵架? 不是自身利益會是什麼? 當然我也只要空口講白話並無任何實證。
嗚...$14394.4呀...就這樣飄快要走了...
樓上的二妹比較好運，她這次的費用由前業主負責(前業主是一手業主直到賣給二妹)，去年11月成交時，我們的律師已扣留前業主三萬大元，否則前業主彩你有味。
至於樓下的父親因單位面積較大，費用是二萬元。
一個單位都要比甘多錢... 睇黎要番身既野都幾多wor~~~
回覆刪除[版主回覆09/10/2010 12:44:00]印象中我地屋苑樓齡約 22 年吧
我做呢行最清楚咩一回事,其實大維修每個單位比20k唔算多,最緊要睇佢搞咩, 估計都係外牆翻新, 換渠之類, 搞大維修最煩就係一定有班業主一聽到要比錢就反! 另外準備賣樓個班業主或者地舖業主亦都一定會反! 搞到工程一拖再拖, 拖得黎d物價都貴晒, 最後都係班業主自己受!
回覆刪除[版主回覆09/10/2010 12:44:00]我地屋苑本身貼左 7 百萬 ~ 然後湊錢二千一百萬 ~ 我地個屋苑其實得 3 楝樓 ~ 係小型屋苑 ~
可能因為咁唔洗搞太多野掛 ~~ 賣樓果班緊係啦 ~~ 我妹買果時 ~~ 律師要前業主佢放低 3 皮 ~~ 跟住個前業主成日嘈話要拎番果 3 皮 ~~ 話 9 成傾唔成 ~ 好彩我地個律師都不斷 CHECK 進度 ~ 知道傾成左 ~ 咁我妹就省番筆錢 ~~ 個前業主實激死 ~~HAHA
位位皮半兩皮其實唔算多, 最緊要係睇下佢地攪成點. 做得好既話, 日後對樓價會有一定幫助.
回覆刪除[版主回覆09/10/2010 12:43:00]我唔理佢維修黎講多定少 =__= 我淨係知道我宜家要嘔皮半出黎勁肉赤 =__=”
居屋升值能力始終有限 =__=
我地買果時係激平.. .
你地住埋同一棟架!??
回覆刪除[版主回覆09/10/2010 12:43:00]係呀 ~~ 我二妹住我樓上幾層 ~ 我老豆同大樓就住低我十幾層 ~~ 哈哈
Hello ，凡有屋苑維修都係咁嫁啦 ( 其實同襯錢有關都會嘈 ) ，叫晒啲業主投票去選係最好嘅方法 ~~~
回覆刪除[版主回覆09/10/2010 12:43:00]哈哈 ~~ 我無去投呀 ~~ 因為無得唔整 ~~ 去投都係投用邊間公司同埋分幾多期俾錢
嘩~冇啦啦又要比萬幾蚊出黎~
回覆刪除[版主回覆09/10/2010 12:42:00]係囉 … 夠我自己去日本一轉 =__=
你俾$15000都ok吖,我間屋要俾$48000呀 都唔知點算呀
回覆刪除[版主回覆09/10/2010 12:42:00]我地居屋黎 ~ 而且我地係細屋苑得 3 楝樓 ~ 如果整 4 皮我諗業主大會最終實會血流成河 ~HAHA~
我娘家D"鄰居"要俾$$$的都集體彩你有味
回覆刪除所以去親開會都唔夠人散場
咩都唔駛搞
萬幾咁小都叫哂牙痛咁~
回覆刪除我地呢便棟棟都3-4萬啦.
我惶緊果度.我個單位有露台又話公家要整.
又話整多條樓梯.因為D人嘈生哂話俾左錢又無露台(因為係公家.有部份係私.)
如果整埋.6萬都唔知得唔得TIM.如果係咁.我死都唔俾錢架.
[版主回覆10/10/2010 00:50:00]當然牙痛啦~~!! 萬幾蚊唔係一個問題~ 如果呢萬幾蚊係用黎去旅行自己享受~當然唔會牙痛~但現在萬幾蚊係用左都唔多覺眼的地方=___=" 所以呢個係用途問題...
潛水好耐無黎^^ 上水都係因為介紹人地搵cici化妝 haha ^^ 我家私人屋苑仲慘...因為一層得2伙 每戶夾超多錢... 我地已經算比最少...要廿萬=_= 我都懷疑有冇人從中獲利...
回覆刪除[版主回覆10/20/2010 19:36:00]好久不見長^O^
有沒有結婚? CICI好FULL快點BOOK呀~
WA??? 廿萬?????唔係下嘛????正常D業主應該嘈到拆天WO!!!
廿萬呀講緊!!!!=___="""
哈哈~ K子還沒啦~男友都還沒有耶T_T 不過化妝是替老闆們找的^^ 她們都很喜歡呢 遲D會上去試妝 對呀.....真的一下子負擔好重啊! K子本來打算專心讀書的, 都因為這個從此之後就去了做\找兼職做, 起碼不用家裡再給自己零用.../__\ 其實嘈左都有好多好多年, 最後講左唔同價又幾年, 但係唔多人比錢又拖左成年, 最後大家半推半就的乖乖付錢.... 所以了解到一個家庭積蓄是如此重要啊=__=
回覆刪除