2014-03-11

黑名單 - 糖百府(太子)

Date : 2014-3-1(Sat) 
黑名單 - 糖百府(太子)


 ♥♫o‧°♥∴☆ ♥‧°☆∴°★‧° ♥♫o‧°♥∴☆ ♥‧°☆∴♥♫o‧


糖百府轉變風格後的第二次光顧。
 photo IMG_1847P21_zps9cfd056e.jpg


室內裝潢是悠閒簡約的田園風,不過座位與座位之間相當擠迫,
看看照片的右邊椅子位置...
不難理解,太子這邊租金應該相當昂貴。
 photo IMG_1849P23_zps3555684f.jpg


可愛老公點的雪花冰($35),這種甜品沒有優劣之分吧?
吃起來每間也差不了多少,不過也試過一些甜品店的冰粒較粗,
相比起來這個吃起來軟綿綿真的不錯。
 photo IMG_1852P05_zps6004556a.jpg


我點的朱古力心太軟($52)。
 photo IMG_1858BP22_zpsdbd2c287.jpg


這就是我上面所說所謂的轉變風格路線,不,
正確來說是開拓新路線?
不知道從何時開始開拓這種精緻甜品路線,算是法式甜品?
對於女性來說這種甜品造型當然甚為討好,
不過拍照那位構圖比較爛...
 photo IMG_1857P06_zpsc5edb75e.jpg


心太軟如泉湧,很香濃,再配合雪糕,美妙的飯後甜品。
 photo IMG_1860P08_zps4d09de24.jpg



  雖然如此,但我們暫時要把這間甜品店放進黑名單,
原因是這間店的服務員態度很差,店裡有一位男店員,
我們不清楚他純粹是普通店員? 經理? 加盟店老闆之類?
所有問題就是出在這位人兄身上。


第一次光顧 :

坐在我們後面的一位女客人,貌似等了超過20分鐘,
但甜品還沒來,Menu本身說明製作時間要20分鐘。
女客人「唔該,我個甜品仲未到,可唔可以幫我...」
話未說完,男店員以極不友善、不耐煩、有點大聲地打斷她的說話,
並且回應「20分鐘!!」
女客人「我已經等左20...」
話未說完,男店員又再以極不友善、不耐煩、有點大聲地打斷她的說話,
並且回應「都話20分鐘咯!!」
女客人再三說「我已經等左超過20分鐘...」
男店員又再以極不友善、不耐煩、有點大聲地說「等陣!! 整緊呀!!」
 當時店內只有幾組客人,應該不太忙,
不理解那個男店員為何如此燥底,而女客人一直都是用平和語氣詢問,
我們忍不住竊竊私語...
「有無搞錯呀...果條友咁鬼無禮貌架,人地好聲好氣問,
有咩理由用呢D態度同個客講野架,個客都未講完就駁個客。」
「條女EQ都好高喎,如果係我我反枱噴番佢轉頭走左啦!! 仲等咩!!」
由於事不關己,男店員又沒有對我們做些說些什麼,就沒有理會了。


第二次光顧 :

當時是黃金時間,客人很多,我們入座後只餘下2張2人桌及1張4人桌,
有一對看起來像母女的客人進來,男店員把她們帶到其中一張2人桌,
母女指著4人桌以正常語氣說不如坐這張,
男店員極不友善及不耐煩「宜家繁忙時間,你一係坐呢張!! 一係坐果張!!」
母女表情有點驚訝,一位女店員立即解釋「唔好意思,因為宜家係繁忙時間...」 
母女就坐了2人桌,我們再次討論起來...
「哇!! 頭先果條友真係超級無禮貌!! 如果佢用咁ge態度對我我唔食啦!!」
「好聲好氣同個客解釋咪得囉,點解要咁惡?!」
「佢雖然唔係講粗口,但係講野D語氣用字真係好倔好UN耳!!」
「呢條友以前應該係做開茶餐廳,勁無禮貌。」
「我唔認同喎,我唔覺得做茶餐廳果D人講野等於無禮貌,
我地屋企樓下茶餐廳個伙計,一見老豆就好似老友咁問"喂! 老細!係咪獅威呀!", 
佢地講野係無點修飾用字,但係你唔會覺得佢地無禮貌同UN耳囉。」


結果,可愛老公「可唔可以唔再食呢間?我唔想再見到果個男人...
當然如果你好想食...我都會陪你食...」


放心,我也不想再去,全香港又不是只有一間甜品店。



7 則留言:

  1. 哦,今時今日澳洲牛奶都同你講多謝,竟然有D咁極品。。。

    回覆刪除
    回覆
    1. 哈,咁啱,當我睇到「呢條友以前應該係做開茶餐廳,勁無禮貌」,我就諗住留言講「澳洲牛奶公司」,全部都「哥前哥後」,好有禮貌。XD

      刪除
    2. 澳洲牛奶唔知由幾時開始~變得有禮貌了...XD
      即係咁~店員用咩態度對客我覺得要睇下環境XD
      澳洲牛奶果d用以上態度大家唔會覺得有問題XDDDDDD 市井才是佢地特色啊XDD
      但 糖百府點睇都唔似係行市井路線掛=__="

      刪除
    3. 請問係咪兩次都係同一個伙記呀 ?
      咁既態度 , 認真唔掂檔 . >_< !!

      刪除
    4. HELLO!! 同一個人呀!! 間野一日唔換走呢個人我唔會食~XD

      刪除
  2. 如果遇上燥底男,大爺一定唔會食,仲咩要受佢氣

    回覆刪除
    回覆
    1. 所以雖然兩次都唔係對我燥底~但已經唔想再去

      刪除