2018-05-07

Day 1(1) 飛機上嘔到七彩。香港 > Lady M(香港機場客運大樓 - 禁區) & 勝博殿 > Amsterdam Airport Schiphol/阿姆斯特丹史基浦機場(KLM 荷蘭皇家航空)︱自由行、親子旅遊

*..*..*..*..*..*..*..*..*

Day 1(1) 飛機上嘔到七彩。香港 > Lady M (香港機場客運大樓 - 禁區) & 勝博殿 > Amsterdam Airport Schiphol/阿姆斯特丹史基浦機場(KLM 荷蘭皇家航空)︱自由行、親子旅遊

*..*..*..*..*..*..*..*..*


Departing Flight : 2018-03-30
12:20 (香港國際機場) - 18:30 (Amsterdam Schiphol, Netherlands/阿姆斯特丹史基浦機場)
Flight :KL0888
---------------------------------------------------------
Returning Flight : 2018-04-08
17:20 (Amsterdam Schiphol, Netherlands/阿姆斯特丹史基浦機場) - 10:20 (香港國際機場)
Flight : KL0887


話說早上起床時已感到輕微不妥,但就是不知道有什麼不妥...


中午出發,難得可以輕輕鬆鬆坐巴士省的士錢,
這天是復活節假期第一天,路面暢通,
意外地航空公司櫃台Check In沒什麼人龍,過海關也很快。
 photo 469A6091P01_zpsib38wxdd.jpg
 
 
說一下過關趣事,可愛老公身上有電話電腦相機Power Bank等等,
往往過安檢都會被糾纏一番…所以我先帶小金魚去海關人工櫃位排隊,
可能他自己出差太多,過安檢後傻呼呼自己走「E-道」…
害我抱小金魚跑去「E-道」大叫「老公你仲咩自己過關?! 我地D證件係你度呀!!」
結果要勞煩關員幫忙傳送證件...
 
 
  今年2月「Lady M」在香港機場禁區開了分店,之前未食過…
 photo 469A6103P03_zpsqbgbuphi.jpg
 
 
很不喜歡它市區分店位置,太多人,機場店不用排隊座位又多,
而且位於大堂人流較低的旁邊通道,沒那麼吵雜。 photo 469A6102P02_zps85xsrv9t.jpg
 
 
  已經28個月大的小金魚,今次是第九次外遊,
平均三個月外遊一次,所以她已經知道來這裡是要坐飛機。
 photo 469A6093P01_zpshngokwm7.jpg
 
 
點了兩款蛋糕和飲料($259),
  一看這個玫瑰千層蛋糕和玫瑰奶茶就知道是我的,未捧在手上已有花香,
一層層的Crepe疊得整齊,食起來味道的確豐富,Cream雖然多但不甜,
食大半個也不覺得膩(小金魚搶食),另外花香的玫瑰奶茶也很奶滑。 photo 469A6099P01_zpsomxcmck6.jpg
 
 
  抹茶朱古力棋盤蛋糕賣相有趣,味道雖然不錯但不算突出,
絕對是樓上的玫瑰蛋糕更好食,飲品是Yogurt Soda,嘛,
沒什麼特別,純粹為了濕濕口腔。
   photo 469A6098P01_zpsp3lo9ymz.jpg
 
 
    有人蛋糕不夠飽,又去「勝博殿」食炸物套餐($143),
由於我有點輕微不適,完全沒有食慾,只食了一口炸蝦... photo 469A6105P04_zpsqbdf4r0u.jpg
 
 
  雖然有感輕微不妥,但尚算精神心情亦興奮。
   photo 469A6107P02_zps2i7kzz2q.jpg
 
 
  上機後不久即收到兒童玩具套裝,還有眼罩,
暫時來說這航空公司是最有誠意的。
(帶小金魚出遊坐過的航空公司 - ANA/國泰航空/泰國航空/香港航空) photo DSC_2488P01_zpsw3y0gp6o.jpg
 
 
  這是第一份飛機餐,每次每份飛機餐都一定附上餅乾伴牛油和芝士,
可能因為航空公司就是「KLM」,不忘向旅客宣傳荷蘭最有名就是芝士,
至於飛機餐味道是OK的,不過身體開始愈見不妥,只食了四份一就放棄。 photo DSC_2491P01_zpsxreihfmt.jpg
 
 
  就在等候收捨第一份飛機餐餐具時…事前沒有想嘔吐先兆,
身體突然一湧…按奈不住嘔吐大作,由於嘔吐份量多又嘔得太快,
膠袋未完全打開便嘔出來,結果有一大半嘔到自己身上…
其實附近有乘客仍然正在進食飛機餐,我亦相信附近的人一定嗅到嘔吐味道…
我立即衝去廁所,上半身穿了雪紡衣服,所以還算容易清理,
脫掉上衣用水局部清洗,下半身就慘了,
當天穿了布料有點厚度的裙子,半條裙塞到洗手盤洗過不停,
結果我要穿上這條已濕透的裙子、半濕的上衣、
全身帶著嘔吐味道捱餘下的十小時飛機…
相信附近座位的人也得忍受十小時的嘔吐味...我也覺得很抱歉...
這次坐飛機真是一世難忘,第一次坐長途機竟遇上這麼狼狽的事情...
  所以第二份飛機餐是什麼就不知道了,因為已完全沒有食慾。
 
 
  上機除了一定派Snack外,可能怕你肚餓落機前每人再發一份芝士三文治,
已經差不多十小時沒有進食的我終於有食慾,這份三文治來得合時。 photo DSC_2489P01_zpstes9iw91.jpg
 
 
  然後是回程飛機餐,左上是小童第一份飛機餐(晚餐),有薯條和漢堡扒,
另有果汁零食,右上是小童早餐,是Pancakes,
「KLM」的小童餐比大人餐更吸引呢。
然後左下是成人晚餐,右下是早餐,不記得是薯蓉配什麼了。 photo DSC_2508P01_zpsdgiedjdj.jpg
 
 
 去程我在飛機上一共嘔了三次,幸好嘔清後終於感到身體回復正常,
落機時雖然是香港時間凌晨12點多(當地夏令時間比香港慢六小時),
但仍然十分精神,至於小金魚在飛機上有睡覺,
落機時很精神沒有哭鬧要睡覺,總算過了第一關。
 
 
待續...
 
 
 ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚
  
 
~*本遊記簡易Index(可快速查閱本遊記其他文章)*~

24 則留言:

  1. 9成9 你頂唔順 Lady M 啲 cream

    回覆刪除
    回覆
    1. Lady M 啲 cream 唔通係導火線 lol……不過我成份cake嘔番晒出黎所以我宜家有d陰影….XD

      刪除
    2. 你當時本身抵抗力弱,佢啲野運送過程同埋放入 display 都好求其,我上次見佢地準備開舖都係隨處放.....

      刪除
    3. 正所謂眼不見為乾淨…不過偏偏俾你見到…LOL...

      刪除
    4. 你地講開我又講, 可能每人口味唔同, 我試過一次就無興趣再試, 本身唔鍾意cream, 只有日本cake 的cream我先食到, 上次CNY經過機場呢間, 得1,2檯, 大把檯....
      你可能上機前吃得太多未消化到....

      刪除
    5. 宜家我因為有陰影所以應該唔會再去食…奶茶同個cake以嘔吐物姿勢再現(汗)…
      btw,朝早已經feel到唔妥仲走去食呢d野真係自己捉蟲上身 lol…….

      刪除
    6. 利申: 一次都未食過 XD

      刪除
    7. 你番日本食啦:p
      日本cake同lady M二揀一點計都係優先揀前者:P

      刪除
    8. 我以前好憎食 cream 架, 但自從自己識整蛋糕之後, 反而中意 cream. 結論係, 靚嘅cream 好貴, president $50 先500 ml,所以出面的 cake 多數用人造 cream / cheap cream , 咁又點會好食呢。 亦自從自己識整之後 , 出面 d 咩名店蛋糕, 我都覺得不外如是。 利申:識整蛋糕後, 有去食過 lady M

      刪除
    9. 好憎食 cream 去日本咪幾乎唔食Cake? 我覺得日本d cake d cream真係好好食
      好奶好輕食左落肚零罪惡感,隻手high到d cream連少少痴立立的感覺都無,
      我覺得香港係比唔上ge,但我唔知算唔算你口中的靚cream

      刪除
    10. 在日本, 又真係好似無食過 cake 喎,所以不能比較。在日本有食過 crepe, 印象中 cream 吾錯, 整體好正嘅 , 見親都會食。靚 cream , 又真係輕, 同食得多都吾會漏. 香港 街賣的 cake d cream 實 , 係因為 輕 cream 難造型嘛, 要樣靚, 口感自然差, 同埋成本問題啦

      香港好難買到 clotted cream 架嘛 , 我試過用 president 自己打 cream , 當clotted cream 加 scone, 大大 pat 食落口都吾”漏”

      刪除
    11. 我諗你當日本D百貨公司專櫃果D Cake一定唔會差過街食果D crepe
      所以我經過都一定買(以前無小朋友就真係兜路都去買)
      我覺得香港某D連鎖店質素已經提高左,不過有排都未去到果個level..

      刪除
  2. 有沒有空姐過來幫忙?

    回覆刪除
    回覆
    1. 未有空姐經過我地亦無特登叫人幫手,因為唔知佢可以幫MUD,衝去廁所最實際..

      刪除
  3. 坐飛機前我唔會食野,驚食錯野係飛機又痾又嘔
    係飛機有冇得噴空氣清新劑?

    回覆刪除
    回覆
    1. 十幾個鐘機上機前唔食,上到機都要食wo…如果要轉機前後16-17個鐘機wo…去日本幾個鐘就無所謂,...

      唔知…XDD 無諗過XDD

      刪除
  4. 會不會前一晚的食物引致,我仲估.....有空姐知你不適嘔吐會UPGRADE添~
    幸好小金魚好乖
    見過機場LADYM無咩人,不過我都唔想食(怕肥)

    回覆刪除
    回覆
    1. 會不會前一晚的食物引致 > 好大機會,因為朝早覺得有d唔妥
      o,我又真係無刻意去諗UPGRADE呢樣野,同埋班機爆到七彩,要換位都好難,好彩無點嘔落個位度

      刪除
  5. 剛剛上星期我响屋企食飯,半夜開始唔舒服。之後嘔咗十幾次,全家得我有事。有時身體抵抗力低,嘢食少少唔乾淨就會咁。嘔完真係爽哂。

    我見過空姐處理嘔吐物,灑咖啡粉响個位僻味。不過認真戥你慘,第一day就咁!

    回覆刪除
    回覆
    1. 真係長知識! 原來灑咖啡粉有呢個功能! 下次唔好彩乃野都識得點求救
      幸好嘔完就無事,不幸中之大幸!

      刪除
  6. 係唔係憂慮旅程,壓力大引致,好彩之後無事⋯⋯

    回覆刪除
    回覆
    1. 唔會…已經去左咁多次旅行我地又玩得好隨心…唔會有壓力啦…十年八年前都仲會GE...

      刪除
  7. 嘔了三次 …… 仲要係撘長途機,想象到情況係幾咁辛苦同尷尬

    回覆刪除
    回覆
    1. 前後果d人陪我聞住d嘔吐味......

      刪除