東京戰利品之嬰兒篇 - Anna Sui Mini
＊．．＊．．＊．．＊．．＊．．＊．．＊．．＊．．＊
以下全部在「
三井Outlet Park 木更津」入手，
除了少量Accessories會維持原價，大部分都是半價，
Outlet賣的衣服不是蟹款，不過數量不多就是了。
本來想主力買80CM的冬服，不過畢竟是夏天，大部分都是夏服，
今年的夏服已經十分充足，又很難估計小金魚明年的身長，
所以只敢入手少量。
原價¥10,044 > 特價¥5,022 (Extra 5% Coupon Discount)
這件外套其實是90CM，肯定明年秋冬才能穿，
但港幣$400有找買到外套喎!!
荷葉邊刺繡花花又很可愛，不買對不起小金魚吧!!
原價¥14,904 > 特價7,452 (Extra 5% Coupon Discount)
這種花花圖案可以說是它的經典設計之一，領位有細緻通花，
採用暗紋布料，實物精緻漂亮，冬天戰鬥服之一，
原價港幣過千實在沒法出手...半價下毫不考慮秒殺!!
原價¥17,064 > 特價¥5,119 (Extra 5% Coupon Discount)
呀婆碎花裙套裝，原價竟然比樓上的冬天套裝貴...汗...
不過少有地打3折!! 秒殺!! 
原價¥7,344 > 特價¥3,672 (Extra 5% Coupon Discount)
很Sharp的寶藍通花布料，蝴蝶結有大閃石。
原價¥10,584 > 特價¥5,292 (Extra 5% Coupon Discount)
刺繡花花褲，特意買米白色，容易配搭。
原價¥8,532 > 特價¥3,132 (Extra 5% Coupon Discount)
一個字...平!! 難得比較少買這種顏色，有新鮮感。
Total : ¥28,204
待續...
＊．．＊．．＊．．＊．．＊．．＊．．＊．．＊．．＊
下一篇 - 東京戰利品之嬰兒篇 - Miki House
♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚
～＊本遊記簡易Index(可快速查閱本遊記其他文章)＊～
我記得以前日本既童裝貴到嘔，去日本買衫俾個女都係一件起兩件止 ^^
回覆刪除宜家都貴呀（高檔牌子），不過宜家有outlet可以偷下雞咁囉XD 唔outlet求奇一條裙平款都過千
刪除呀婆碎花一D都唔呀婆,呀姨覺得好靚啊
回覆刪除少女風的呀婆碎花XDDD
刪除超多心心心心心心眼~~~
回覆刪除小朋友識行果屎著果D假兩件連身衣真係無敵可愛~
我最欣賞最尾果件, 因為真係睇慣咗佢D紫花, 呢個色好特別, 好FRESH~~~XD
我又係好鐘意果D假兩件~好彩舊年買果些冬天ANNA SUI估計都仲可以穿(只係穿左幾次!!)
刪除件浴衣本來真係有紫色款~不過意外地呢個色好似仲好睇~
我地今次去的 outlet 冇 Anna Sui mini，但百貨公司都有折頭，當然最多只有 7 折冇 outlet 半價咁正啦。
回覆刪除我都睇中咗一件紫色外套，但 7 折後都要 6 佰幾 7 佰，猶豫咗一輪實在唔捨得，加上當時有國語人一掃就掃十件八件，我呢啲散客就無謂阻住人地啦 !
買大D等佢可以穿幾季? XD
刪除我有些披肩款佢聲稱可以穿到3歲XD
外套其實貴少少都唔覺眼~因為布又厚D又長袖XD
反而我宜家買呢堆衫~~~一季玩完~~~~下年同季都穿唔到了
以我所見果件外套 size 好細，應該係 size 70 - 80 左右，只可著到今季，加上我喺另一間店鋪 Rag Mart 已經睇中咗一件紫色碎花風褸，所以唔敢買咁多呀 ! 況且今個旅程我已經買咗一堆「大啲著」嘅衫仔(size 100)了 XDDD 剛出了一篇較詳細的嬰兒物品戰利品 blog，你可過去睇睇，大家研究吓吖，哈哈 ~
刪除不過我都好希望去一次呢個木更津 outlet 買 Anna Sui mini 的衫仔
SIZE 100?! 我睇生長線size 100分分鐘係講緊3歲...@__@
刪除真係好難穿有排擺...我試過將件90cm外套試套落呀女度~真係好似小朋友穿大人衫咁...
所以我循序漸進咁買~呢次買80 cm~年底去日本買90cm咁樣~係就浪費左d~一季玩完~
不過反正生小朋友一個起兩個止~~有限錢唔係真係洗得多~~
d款會又會愈出愈靚~~係呢件anna sui外套太抵先順手~一件咁多 :p
size 100 係 3 歲呀，但有時某啲牌子個 size 偏細或偏大，有啲難預算，而且我奶奶喜歡偏大的衫，成日話阿女啲衫窄，好似阿女而家著緊 size 80 (部份衫係 size 90)，嚟緊應該買 size 95，但唔係好多牌子有 size 95，所以咪又買大一個碼囉 ^______^"
回覆刪除奶奶喜歡偏大的衫 >> 我絕對認為係老人家係想慳錢~買大d咪博你著多一季囉~~\
刪除因為我奶奶又係話我買d衫細件~~
實際係我買fit size 衫~~一季玩完~~佢覺得浪費囉~~但係fit size著出黎先靚~
所以我都唔理老人家果套囉~~
如果我捉呀女穿80-90cm的裙都穿到架~~不過變左長裙咋嘛~haha~~
(外套類膊頭明顯所以唔得~真係小朋友穿大人衫)
咪係，fit size 先靚㗎嘛 !
刪除仲有另一個問題，就係啲衫仔明明好靚，但俾老人家配撘完出嚟就變成好「娘」了，好似紅色格仔衫配紅白間條褲咁 …… :P
你平時老人家湊? 好彩奶奶住得遠佢只能一個月黎探佢幾次干涉唔到呀女穿咩衫XD
刪除阿女平時日間係喺奶奶屋企湊㗎，夜晚我返去食完晚飯就帶阿女返自己屋企瞓
刪除話時話，有時見阿女著到九唔撘八，好有衝動自己湊返，日日著靚靚去街 XD
唯有係買套裝然後叫老人家跟住套裝穿...haha
刪除如果我唔係打政府工~我會辭工湊(不過睇番轉頭~~做ftm其實好辛苦...)
係㗎，做 ftm 好困身，而且阿媽唔洗點出街，個人在打理自己方面就會懶散咗，蓬頭垢面的了，哈哈 ~
刪除所以無工人真係唔好做FTM...
刪除靚呀，小朋友穿泡泡褲特別可愛喔。
回覆刪除穿泡泡褲大屁股XDD
刪除