2017-04-06

東京、埼玉縣、千葉縣。親子花見自由行回歸

 ～＊戰利品一覽＊～


這幾年不斷去日本，去Outlet十次以上，旅程完結總買到滿載而歸的情況下，
這次已經不知道買什麼了…感覺上有點厭倦...


有Blog友(係你呀廁紙)曾經說之前N次旅行買太多衣服雜物，買到厭了，
最近轉戰家品，剛好本人就快搬屋，所以這次也加入家居雜貨軍團，
但新居仍然裝修中，只買一些一定用得到的家品，
而且帶著小金魚很難悠閒地看家品…
其實可愛老公想買電飯煲，沒有特別目標下終於開始考慮買這種家電...
不過家中的電飯煲只用了一年太浪費啦，還是再等等吧，
或者下次去日本，連洗潔精都買回香港也說不定...(¯▽¯；)


這次花見之旅，卻沒有賞櫻，根據2015年賞櫻經驗，
東京滿開的景點人潮十分恐怖，我們不想推著嬰兒車去人擠人車擠車…
而且這次的旅行標籤是「花見」，從一開始我們的重點行程都不是單純賞櫻，
櫻花滿開已經看過兩次，所以更想看其他東西，幸好計劃要看的東西看到了，
難得這次在沒有家人陪同及幫忙照顧小金魚的情況下，
仍然可以拍了不少照片，去了幾間不錯的餐廳，可喜可賀!!



待續...


 
＊．．＊．．＊．．＊．．＊．．＊．．＊．．＊．．＊
  

 下一篇 - Day 1(1) 關東花見。親子自由行 - 香港 ~ 東京 (香港航空)


 ♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫˚
  
 
～＊本遊記簡易Index(可快速查閱本遊記其他文章)＊～
標籤：

18 則留言:

  1. 羊羊2017年4月6日 晚上8:20

    單利品比過往少>_<請問右邊個兩合豆絞？是甚麼？

    回覆刪除
    回覆
    1. Hitomi - 郭太生活及日本遊記2017年4月7日 晚上7:13

      買到有d厭，想停下，果兩盒係花生粒煎餅，花生係千葉特產

      刪除
  2. Fai&The City2017年4月6日 晚上8:37

    去日本買嘢之餘，我仲有舖網購癮，都堆埋好多未着過嘅新衫。所以呢幾次都無乜再買衫褲。家品呢樣呢，我諗我要買到層樓先有得諗嘞T_T

    回覆刪除
    回覆
    1. Hitomi - 郭太生活及日本遊記2017年4月7日 晚上7:15

      有一期我都成日買野然後寄酒店，近呢兩次無了
      大劉個仔話去少d旅行就可以有首期買樓XD

      刪除
  3. CK鼠2017年4月7日 凌晨1:50

    最重要係可以同小金魚影到唔少靚相，呢樣最難能可貴
    我見到馬車鐘:D

    回覆刪除
    回覆
    1. Hitomi - 郭太生活及日本遊記2017年4月7日 晚上7:16

      呢次意外地同呀女影左唔少相，你都知呢d年紀小朋友係完全唔受控制講彩數...
      馬車鐘係放女房XD

      刪除
  4. Unknown2017年4月7日 下午5:39

    轉戰買兩包米、欖橄油、香草調味料⋯⋯

    回覆刪除
    回覆
    1. Hitomi - 郭太生活及日本遊記2017年4月7日 晚上7:19

      唔得...因為我家星期一至五都有人黎食飯，兩包米一個月都唔夠食呀

      刪除
    2. Unknown2017年4月9日 下午5:17

      反而我相反，作客去食飯。

      刪除
    3. Hitomi - 郭太生活及日本遊記2017年4月9日 晚上8:45

      因為我屋企有工人煮飯~所以我會叫老豆呀妹齊齊黎食(大家住同一棟大廈)

      刪除
  5. Mrs. Toiletpaper2017年4月7日 晚上9:41

    一睇你 blog, 就見到我個名， 既驚又喜呀。。。。。我 d 旅行 blog, 好似仲停留係 2013 喳， 當上人妻後， 好 X 忙呀， 都幾懷念以前做女時， 家務完全吾洗理， 放工就可以打 blog 的日子

    我除左家品， 真係連洗潔精， 洗碗粉， 洗廁所東東都搬過返黎呀。 反而岩岩同同事抛夫棄子呢轉， 有返少少港人遊日 shopping feel.

    其實除左買厭左， 亦有 d d 去旅行去厭左 ( 大家先不要用覺得曬命去睇 ) 每次飛之前， 都用 2-3 個月去做功課。 完美主義， 加上曾經試過旅途中突然改酒店， 行程 , plan A 之餘， 仲諗埋 plan B, 都真係好累。 岩岩果轉， 我再晚直情發老公脾氣 " 你幫吾到我吾緊要， 但吾該吾好阻住我 " 老公回一句， " 諗吾店咪吾好諗， 去到先算囉， 去旅行 relax 架嘛， 何必次次提早兩三個月做功課， 咁辛苦去黎做咩 " 一言驚醒， 去埋上半年呢兩轉 family trip, 都真係要休息吓啦

    回覆刪除
    回覆
    1. Hitomi - 郭太生活及日本遊記2017年4月8日 晚上11:12

      如果當初採納日頭搵D專湊BB的EE夜晚自己湊番BB呢個最先打算的方案~相信我都會在網上人間蒸發...
      我暫時係對去日本失去興奮~出發前已經無咩興奮感覺~~反而對7月去曼谷出發了興奮感覺~
      所以或者你都搵下D未去過又有些少興趣的地方試下~可能會重拾某D興奮~
      btw~記得頭兩次自由行~都好行軍式~幾點去邊幾點要去邊~宜家~去到先算~~~
      因為plan行程真係好很煩~7月曼谷~~未去過~但已疊埋心水8成時間躲在酒店

      刪除
    2. Mrs. Toiletpaper2017年4月9日 凌晨12:17

      黎緊兩轉吾去日本啦， 下星期同屋企人飛台北， 純粹親子遊陪去喳， 自己本來無 plan 想去邊， 不過有親戚話要行天空步道， 我真係有返 d d 期待架

      再之後6 月又係陪屋企人去英國， 本來係好興奮嘅， 但係倫敦 d 酒店貴到嘔， 食又貴， 仲要擔心治安， 忽然好掛住日本果種可以著靚靚， 拎個名牌袋大搖大擺係街行都吾驚人搶野果種安全放心囉

      某日同一位即將陪家人去意大利的同事講起， 大家都有點後悔同屋企人去歐洲， 又講開點解去黎去去都係日本， 都係貪佢機程短， 就算貴食， 都係好食， 重點安全放心同 baby / children friendly. 去旅行啫， 去到提心吊膽去黎做咩。 大家都話， 下次都係日本算

      刪除
    3. Hitomi - 郭太生活及日本遊記2017年4月9日 下午3:27

      我老公呢兩年都有去德國出差順便獨遊~第一次去好興奮~第二次已經無興奮感~佢話果邊d野真係完全唔arm食~日日宦有麵/肉/包~~海鮮又唔夠日本平又唔夠日本好食~治安又比以前差~佢出差前剛剛德國仲發生火車斬人事件~我真係好驚!! 唯有叫佢小心d~同呀妹傾開(佢都去過幾次歐洲~去的地方比我多好多)~佢都話總結黎講去日本係開心d ~

      刪除
  6. Nerissa2017年4月9日 晚上8:36

    哈哈，我今次買咗砧板XD
    買電飯煲要有心理準備要買一個好大好重既火牛。
    上星期日上野淺草花見既人潮洶湧到嚇死人。

    回覆刪除
    回覆
    1. Hitomi - 郭太生活及日本遊記2017年4月9日 晚上8:49

      有關火牛~由於我地想買HiFi~所以都有研過要幾大個的火牛~在日本買變壓火牛d size細過香港果d好多!!
      當然價錢就貴過香港~不過幾貴極都只係講緊三幾舊水~
      btw 上野滿開有幾恐佈2015年領教過~我呢世都唔想在花見期去上野公園

      刪除
  7. ting wai2017年4月9日 晚上10:47

    我都好似有同樣情況，上星期5天首爾（兼一日追星活動）都好似沒什麼爆買意慾，以往去超市總會買好多零食回家補倉，今趟回執行李後得一大袋左右零食，連阿媽都驚訝今趟冇咩零食（次次我去完旅行我阿媽有成個月吾使去超市入貨）。上年去首爾同曼谷好似好易買到野，好快滿足，直頭係呢個好可愛，買！呢款香港冇，買！呢款平咁多，買！

    但今趟去到，吾，呢款係平，但麻麻地，吾買；呢款新出，但手頭有幾支未用，吾買；呢包咁大盒，gip冇位，吾買。 係朋友角度都係覺得我買左好多野，放曬出黎影相都好陣撼，但係我未試過寄倉行李冇用儘囉！

    回覆刪除
    回覆
    1. Hitomi - 郭太生活及日本遊記2017年4月9日 晚上11:35

      去得多買得多~~幾靚幾可愛的包裝都會慢慢變得麻目/見怪不怪/習已為常~要求只會愈來愈高~
      即係正如宜家我番唔到轉頭去住太低價的溫泉酒店/ 間房得十幾平方米的商務酒店
      第一次去京都見到D手信店真係會令人發顛~~但當我去左7次後我已經係上完清水寺拜完神可以SKIP晒99%的鋪頭走人~因為已經厭左果D靚得來又一式一樣的手信~

      刪除

訂閱： 張貼留言 (Atom)