2017-04-11

第一次如此驚恐 (Updated : 已完全康復出院啦)

已出院的小金魚回家後立即搞破壞。
 做父母的,最開心不是她乖乖坐好,而是在家中搞小破壞。



----------------------------------------------------------------------------


話說小金魚上星期四凌晨病了,當時半夜聽到類似泡泡聲音,
沒有為意,清晨6點聽到她哭,才驚見她在嘔吐,
原來半夜的泡泡聲是嘔吐聲!
當我們發現的時候已經嘔到全面全頭全頸都是嘔吐物...好可憐...
但見她事後精神不錯,於是選擇觀察,直到黃昏終於再嘔吐,
立即飛的去仁安醫院,期間每逢飲奶都嘔吐,
結果安排入院打吊針,經一輪化驗測試,中了輪狀病毒,
嘔吐後接踵而來是發燒和嚴重肚瀉,
在醫院住了48小時,已沒有嘔吐和退燒,心想只餘下肚瀉不如試試出院,
問題來了,出院後再度嘔吐,昨天終於發生極度驚恐事件,
她嘔吐後出現抽筋、反白眼、失去反應及知覺,好恐慌!!!
工人姐姐比我還激動「Eunice! Eunice! Wake Up! No !」
我太慌張了,打999的時候只打了99就撥出去,
幸好工人姐姐懂得少許急救,救護車來時小金魚已恢復微弱意識,
立即上救護車去了威爾斯醫院,去到醫院被分流為緊急,
前後等了兩個鐘終於可以上房...
如果不是失去意識真的不想在公立醫院如此漫長等待...
上房後小金魚要再度吊針,
醫護人員幫她插針期間再次發生抽筋反白眼等等情況,
醫生馬上驗血並發現可能因為血糖偏低而出現這種情況,
大概因為這兩天吃什麼嘔什麼,沒有水沒有食物落肚而導致,於是立即打糖水,
經過一晚折騰,今天她終於恢復少許食慾和精神...


在此第一時間真的要多謝工人姐姐,
一直以來她在家務及照顧小金魚方便都讓我們放心,
這次更加算是救了小金魚一命,如果只有我自己,
恐怕除了打電話求救都不知道如何做,
由於我們是打999入院,警察方面也來醫院聯絡我,
雖然我不太理解小朋友暈倒入院為何會驚動警察,
兩位警察很Nice, 查問詳情並作出慰問,
這是改善警民關係緊張的方式之一?
反正就是多謝他們,那刻覺得人會比較定神。
另外威爾斯醫院除了大堂某些職員態度上好像比較“求奇”外,
帶上房的姨姨、兒科病房的醫生護士等等都很Nice, 
以前一直覺得公立醫院的人比較不友善,
加上連串醫療事故,真的讓人有點擔心,
幸好這次也遇上有耐性的醫護人員,
雖然要很悲慘沒有床可睡的情況下陪過夜,
不過總算安心。


慘了,有一星期時間在醫院渡過...

27 則留言:

  1. 睇見你形容我都好擔心同緊張,淨係嘔、肚瀉同發燒呢 3 樣其中一樣我都擔心,更何況小金魚抽筋、反白眼、失去反應及知覺 !!! 換著係我都唔知點算 ! 去到醫院分流為緊急都要兩個鐘先上到房呀 ?!
    你地平時唔醒瞓的 ? 所以最初察覺唔到小金魚嘔 ? 不過可能佢瞓 BB 床難啲察覺,希望小金魚快啲好返、精神奕奕食番多啲嘢增肥番啦 !
    話時話,而家啲菌好惡,近排先見到又有幾單小朋友腦膜炎嘅新聞,所以早兩日阿女無端端燒到 40 度,嚇死我了 !

    回覆刪除
    回覆
    1. 小金魚之前有沒有服輪狀口服液呀 ? 同埋其實流感針有冇需要打呢 ?

      刪除
    2. 因為在白車時已回復清醒,所以只能分流為緊急,唉,公立醫院兩個鐘上到房算快,我夠想去番仁安,但佢當時暈左第一時間緊係打999,去到醫院你又點敢亂走,點知佢會唔會暈過。

      我其實有迷糊地醒過下聽到聲,但訓到迷迷糊糊以為佢玩緊口水就訓番,我認呢鋪作為呀媽真係唔合格,平日呀女都好健康需疏忽左。

      現在隔離床有個小朋友又係無啦啦燒到40度,驗血驗尿都搵唔到係咩菌咩毒出事,個醫生話如果仲未搵到原因最終要焗打抗生素。

      呀女無打無食針卡以外的東西,因為我真係無特登研究,流感更加無打,因為睇過唔少文章,bb/小朋友所謂的流感針同打鹽水差不多,無用的

      刪除
  2. 抽筋、反白眼、失去反應及知覺,換轉是我亦都會和你一樣手忙腳亂,近來太多病毒入侵小朋友,大人亦要注意健康,祝小金魚早日康復﹗

    回覆刪除
    回覆
    1. 係,小朋友又隨便亂摸野再放落口

      刪除
  3. 如果是抽筋反白眼失去知覺嚴重情況,我建議都係去政府醫院,始終有d測試同儀器同護理服務私院冇的,若果去到私院處理吾到都會即時轉介送去公立醫院。

    小金魚快d康復,健健康康

    回覆刪除
    回覆
    1. 呢方面我都清楚,所以普通病痛就一定入私家,佢家下直情暈左我唯一選擇只有公立啦...幸好佢只係血糖低而抽筋而不是更嚴重問題..

      刪除
  4. 嘩,真係嚇死呀,就咁睇都覺得好驚險,反白眼加無知覺我都一定會驚到唔知應該點做,最緊要而家小金魚無事,要身體健康呀!

    回覆刪除
    回覆
    1. 咪就係第一時間打999然後先衝落大堂呆等...幸好白車好快到

      刪除
  5. 睇到好驚……祝福小金魚快快康復!
    你們都要加油~在醫院陪過夜堅大鑊!

    回覆刪除
    回覆
    1. 現在佢應該真係好得8899了,謝謝呀

      刪除
  6. 嘩......睇字都咁肉緊,當時真係好慌張,有個咁好既姐姐真係小金魚既福氣

    回覆刪除
    回覆
    1. 果短短幾分鐘仲恐怖過坐過山車,好彩工人姐姐仲有自己有拎多日假

      刪除
  7. 心痛屎。。。。。 祝早日康復, 回復精靈呀!!!

    回覆刪除
    回覆
    1. 昨天開始搗蛋今日有機會出得院了:D

      刪除
    2. 昨天,看見這一文,真的看得很恐慌!今天,看見你說小金魚開始搗蛋,精神漸漸好起來,身體盡快康復呀!

      刪除
  8. 嘩, 好耐冇入嚟, 一入嚟突然間吓一跳, 好彩最新情況已經出院, 祝小金魚健健康康, 早日儲返D肉肉!

    回覆刪除
    回覆
    1. 呀女現在尿片都扣少一格呀陰公

      刪除
  9. 見到小金魚眼仔碌碌都安心,祝小金魚健健康康~

    回覆刪除
    回覆
    1. 今日見到佢在家好頑皮真係另有感受

      刪除
  10. 嘩...睇完嚇一跳,戥你肉赤。出咗院,抵抗力大增,以後都會健健康康㗎嘞!

    回覆刪除
    回覆
    1. 係呀~唯有同自己講呢鋪好番抵抗力會好左!不過呢樣又係真

      刪除
  11. 好番出院就好了,角度問題 ? 小金魚好似瘦咗好多,冇咗包包臉
    係呀,平時覺得啲仔女搞搞震又嘈,但當佢地謝晒唔出聲唔願郁時就知大件事了

    回覆刪除
    回覆
    1. 尿片都扣少一格~佢真係瘦左好多~~慢慢儲番D肉肉吧
      呀女訓醫院果幾日真係好靜無搞搞震~就知佢真係好無精神

      刪除
  12. 還好一見到就係張精神爽利既相,總之湊小朋友心血少啲都唔得。

    回覆刪除
    回覆
    1. 自己留院陪女期間~不斷諗起自己呀媽~佢一個湊3個無人幫~好厲害

      刪除