2012-02-07

新裝修之廁所及廚房

我家的新裝修線上參觀版本,首先是廁所,
這個十分公主的廁所牌是來自淘寶網,Rmb 29,
品牌是日本「Farm House」,
我家中有不少小家品裝飾都來自它。


打開廁所門的光景,面盆小組合櫃是田園風,
在寶安北路訂購,印象中大約Rmb 1500,造工極好。



馬桶是舊有那個,Rmb 500用了3年沖水力仍然很好真抵用。XD
所以再三強調馬桶一定要在深圳買,幾百元有千幾二千元質素。XD
做了3層置物架,可以放很很很多東西,非常實用。


浴缸終於拆掉! 改成企缸,所以廁所整體上比以前寬敞得多,
由於我沒有全身鏡,父親幫忙訂了特大鏡子。


舊有模樣,跟上面比較的話舊設計不太實用,不夠置物地方放東西,
很多不想看到的零碎東西都在視線範圍,所以看起來不太整齊。
  

~~~~~~~~~~~~~~~~~~~~~~~~~~~~~~~~~~~~~~~~~~~~~~ 

廚房方面,我們把廚房門拆走!
有廚房門真的很麻煩對我們來說完全零用途,拆掉了暢通無阻。


廚所及廚房的地板及牆身我們其實是用同一款同一顏色的瓷磚,
上海街一塊賣$40,田貝四路賣Rmb 13!!

相信現在已經很少人在上海街買瓷磚瓦仔吧?
價錢差距太恐怖。


父親幫我左右兩邊也做了地櫃和吊櫃,即是有4列櫃可以放東西!!!
超級實用!! 把家中所有不想看到的雜物都可以堆在廚櫃!!
連本來只能放在床下底的一堆鞋及鞋盒終於有容身之所了!!
現在廚房的櫃還沒有放滿一半。XDDD
客廳的組合櫃茶几等等抽屜裡的雜物通通都搬到廚房,
全都放滿衣服。XDDD


舊有的廚房,如果本身住居屋或參觀過居屋,相信會發現新廚房跟一般居屋極為不同。
我敢說新廚房以居屋單位來說一定是全香港最實用之一!
連上次「經濟日報」的記者都說跟
一般居屋很不一樣,
攝影師更加再三確認我的單位是居屋嗎?
你能想像上面其實只是一個屬於一個515呎小單位的廚房嗎?
連我自己都有點難以置信。
  

感謝父親的專業大翻身,他比外面那些什麼設計公司厲害得多,
我有朋友幫襯那些什麼設計公司,
最後一間6XX呎的屋子,經「專業」設計後比我家還要細,
被我和其他豬朋狗友笑足半年。XD


32 則留言:

  1. ♪ JasMine 綿綿小公主♫。♪2012年2月7日 晚上9:04

    翻新過果然實用好多!!!!你又可以要多d 位放你d 新衫了XDDD
    [版主回覆02/09/2012 23:33:18]翻新後無可否認多左好多位擺野~不過咁就洗左7皮=__=

    回覆刪除
  2. *♡Amami✿幸子♡*2012年2月7日 晚上10:20

    個廁所牌好令丫>~< 見到個牌想行入廁所xdd``
    [版主回覆02/09/2012 23:32:44]HAHA~我房門都有掛公主風Welcome牌XD

    回覆刪除
  3. ♡ Isabel ❤姬子 ♡2012年2月7日 晚上10:20

    裝修完之後,面積更大,更實用喔!Hitomi真係花左好多心思,在裝飾方面=]
    [版主回覆02/09/2012 23:32:09]我呢次本拋晒俾我老豆搞~只係散亂地買少少野而已

    回覆刪除
  4. 恭喜新裝修之喜丫~~~
    [版主回覆02/09/2012 23:31:35]洗左唔少$$添=_=

    回覆刪除
  5. 間屋好靚好實用~一定住得好開心:*)
    [版主回覆02/09/2012 23:31:18]不過整完後間屋真係比以前整齊左GE

    回覆刪除
  6. 真係好正~ 整潔很多. 可能用了白色, 好fresh~ 鍾意.
    [版主回覆02/09/2012 23:30:53]其實牆身有少少淺啡色~:D

    回覆刪除
  7. ♥♥♥akina♥♥♥2012年2月8日 上午10:39

    改成企缸真係地方大多XD全身鐘真係太好了,可任襯衫照鏡自拍XD另外個公主吊牌好夢幻
    [版主回覆02/09/2012 23:30:26]鏡不是全身~大半身而已~不過站在椅上差不多照到全身~

    回覆刪除
  8. 好靚, 有父親識搞裝修, 加埋你咁肯花心機怖置, 唔怪得你間屋咁正啦
    [版主回覆02/09/2012 23:29:54]裝修算係人生中比較大ge支出之一~自己搵師父又真係好煩的~問題又多~我基本拋晒俾我老豆搞

    回覆刪除
  9. 唔知第時我老公肯唔肯返深圳買料呢!
    廁所裝修後實用咗好多,good!!
    [版主回覆02/17/2012 21:55:10]可以省咁多錢應該肯啦! 講真宜家好少人會在香港買料了(大裝修計)

    回覆刪除
  10. 你DADDY真係好好, 而家間屋極之實用呢~ 又容易打掃~ GOOD~~
    [版主回覆02/17/2012 21:57:17]就算唔係我間屋~我老豆做野不嬲都好有交帶~佢做開豪宅裝修的

    回覆刪除
  11. 你爸爸好強呀......整得好靚!!!!!
    我新居個度搵出面公司整.....20/9/2011落訂.(淨做傢俬咋~兩房一廳)......到e+都未攪掂呀.....激死我喇....
    你爸爸會接街的生意嗎???????
    [版主回覆02/20/2012 23:10:59]9月到宜家未搞掂????? 唔係掛??真是太不可思議......我老豆佢宜家一星期開足6日工佢Schedule勁full呀

    回覆刪除
  12. 個廚房望落真係大左好多,而廁所變得好整齊,你爸爸裝修真係好掂喎!!
    [版主回覆02/20/2012 23:09:30]佢雖然無讀過咩設計~不過佢真係一望間屋就知道點整可以省位!

    回覆刪除
  13. 很美的家,請問妳的toliet門牌在淘品那一家店買的?有link 嗎?
    [版主回覆05/03/2012 00:23:48]太年代久遠了~不過你去SEARCH farm house可以找到

    回覆刪除
  14. HI, Hitomi, 我想問, 你DAD schedule 應該都好FULL, 但我娘家個toilet 漏水, 影響樓下天花, 應該係我地之前裝修C父做防水做得唔好, 唔知可唔可以搵你DAD幫我報下價AND 有無期呢? 我諗我地都幾急, 唔想再惡化落去.. 如果係, 我地想個toilet 重新裝修~ THX
    [版主回覆08/01/2012 23:13:00]其實之前都有路過的人問過~我都問過我老豆~佢沒問題的(佢接唔到自然佢講)
    你可以直接打俾佢~請看你的BLOG私人留言(留了電話)

    回覆刪除
  15. Hihih... 我想問下呢..你去田貝四路買磚有無d吾愉快既經驗呀??? 因為之前聽人講.有d買左吾送上樓, 一係就坐地起價. 一係就直頭送黎有問題既... 你果間好吾好呀? 如果好既. 可吾可以介紹比我呀? 因為我要全屋裝修. 會用好多磚呀... 所以都驚有問題.. 麻煩你喇. ^o^
    [版主回覆08/18/2012 14:46:35]話說買磚呢part係我老豆搞GE~又好順利wo@@
    我都有問佢呢個問題~話說以前係先落訂~黎到香港先俾尾數(有爛當然要扣佢錢)
    吾送上樓---> 有d好奸的~所以你地落單時一定要佢地0係單上白紙黑字寫清楚運費幾錢同埋包埋上樓梯~正所謂口講無憑啊!!! 佢口講包果d野一定要寫落單~

    我妹妹舊年裝修~我老豆是做裝修嘛~佢公司剛好訂磚所以跟車落埋黎~
    所以我都唔知宜家仲係咪可以先落訂~黎到香港俾尾數

    回覆刪除
  16. 你覺得廁所個洗手盆的櫃做唔做到地好呢?
    [版主回覆08/09/2013 20:28:17]視乎你夠唔夠空間放d 唔想在視線範圍出現的東東~XD
    例如清潔用品/衛生巾XD
    我會將呢D野放晒落洗手盆櫃(我唔到地~不過夠位擺野)

    回覆刪除
  17. 我屋企個間隔同你一樣, 想請你個厕所拆左原先抽氣機, 咁而家用咩方法點排氣?謝.謝

    回覆刪除
    回覆
    1. HELLO!!
      個廁所做了假天花板 :)
      抽氣扇裝去天花板~天花板有管道出去廚房窗的角落排出去 :)

      刪除
    2. 原來係咁, 謝謝分享 !!

      刪除
  18. 你好呀! 多謝你分享!!

    我屋企廚房除左個門既方向 其他間隔都同你完全一樣! 我煩左好耐 ,原先熱水爐前面個個牆冇端端出左來 。 宜家先知原來可以拆!請問拆時有冇咩注意?

    另外,本身個熱水爐位你改左去邊呀? 改位會好貴嗎?

    仲有,窗旁本身有d 明喉水管,你宜家係拎咩封左去咖? 石屎定係木板? 整得好靚呀!

    Super like your kitchen !! 超強設計! 希望你可以幫下我!millions thanks !!!

    回覆刪除
    回覆
    1. Hi, 果個年期果d單位應該都是果個格局XD

      我地個熱水爐一直在廚房(再上果手就應該在廁所),位置就在焗爐上面個櫃入面呢!(尾4果張相),注意事項應該沒吧,反正就是師父同你拆,總之是一定可以改到(裝修師父一定會識點改),

      果條核突明喉外面有用石屎外面鋪番牆磚,但石屎入面仲有無其他野就不知道XD
      (不過連接樓上果個位有落防水板之類封住同埋有個洞出街,咁上面萬一漏水都唔會影響到我)你可看尾3的照片,被封的明喉,天花位寧寧舍舍有塊白色板,

      以上鳴謝我老豆幫我設計XD

      刪除
  19. 作者已經移除這則留言。

    回覆刪除
  20. Many many thanks for ur reply !! 你老豆一定好開心咁多人欣賞!


    本身個熱水爐位好低咖,高個窗少少,點解包左個櫃之後 可以高左咁多,中間仲可以放個一個微波爐,一個焗爐?? 太強了! 諗唔明,影多几張相來睇下丫 :)))

    八卦下,你咁大搞用左几多銀兩呀? :P. 唔知你老豆仲有冇裝修d 圖質係到呢?有就好喇!! 方便聯絡,俾我email 你丫, lazynichole@gmail.com
    Millions thanks !! U are so kind !

    回覆刪除
    回覆
    1. 影左張相你睇 : http://i176.photobucket.com/albums/w197/hitomi_kong/2015/DSC_0317_zpsa4pkagtn.jpg
      個廚房做了假天花~另我地買了超薄型的熱水爐~貴~但省位~
      我整左7萬(我整果時係2011年年底啦~宜家肯定要6位數)~~
      圖側? 佢都係就咁口up俾我聽點整點整....呢d裝修佢做慣做熟唔洗圖側...

      刪除
  21. 嘩 你daddy 真係超勁!
    你就超好人!!!唔該晒你影相俾我,勁誇張!!可以收到咁多野!!

    仲有一難題係,你係咪左右邊枱都係600mm 深? 咁中間行路,兩枱之間係咪得400mm 呀? 會好迫嗎?

    回覆刪除
    回覆
    1. 果個位好深所以真係放好多野痳,

      你指廚房?我度過,爐頭果邊520,升盤果邊490,中間620,所以好夠位

      刪除
  22. 好多謝你呀!!對我來說簡直係新突破!!一直以為煮食爐離牆最少要4-6寸(煤氣公司建議) ,所以揀到最細既爐都要600深!! 哈哈,星盆我又留600。 中間行唔到,岩岩想放棄,諗住中被迫改做L 型廚房,好彩見到你回覆,原來可以唔洗咁深!!!太好喇!!!!!millions thanks !!!多謝晒!!

    回覆刪除
    回覆
    1. HAHA~原來煤氣公司有咁GE建議真係唔知XD
      因為煮食爐同埋煤氣爐都係老豆搵佢D同行工友裝~淨係叫我買個爐唔好超過幾大~
      認真~兩邊都做櫃真係可以放好好好多雜物~好洗好用

      刪除
  23. 唔好意思呀,想問多次,我師父話唔敢拆廚房個牆
    :(可唔可以幫我問下你爸爸廚房個牆係石屎牆定係磚牆呀? hope u can help!! Quite urgent !! Many thanks !!

    回覆刪除
  24. We can talk in email if u want ! Given to u previously. Millions thanks !!!!!

    回覆刪除