2014-07-08

廉航Hong Kong Express(香港快運)行李重量限制方面之自身經驗新資訊分享

在此再次分享乘坐Hong Kong Express,這次是第2次乘坐,
當然加入自身經驗的新資訊,就是有關行李重量啦,


 首先有關航班是否準時及空中服務員的服務態度等等跟上次一樣,
都是正面,去程起飛時間Delay 15分鐘,但到步時間準時。
*原定時間 : 23:50 (香港國際機場) - 05:05 (羽田國際機場)*


*攝於輕井沢*


 以下是有關行李重量限制進一步分享 :


我們每人各買1件20Kgs寄倉行李(Blog),在機場借了磅秤,
眾人總行李如下 :

1. 寄倉行李A = 25.? Kgs
2. 寄倉行李B = 15.? Kgs
3. Hand Carry的行李箱類型行李C = 沒有量
4. 相機背包(屬Hand Carry) = 沒有量
5. 我的手袋

 雖然兩個寄倉行李加起來剛好40Kgs 多一點點,
但不知道計算時能否合併兩個20Kgs行李的重量,安全起見,
寄倉行李A較重的東西放進Hand Carry行李C,
放好後沒有再借磅秤量重量,結果正式Check In的時候...


地勤小姐Y把兩個行李分開量啊...
 寄倉行李A是21.? Kgs,寄倉行李B是15.x Kgs,
地勤小姐Y說行李A超重要罰錢...本來想博大霧... ( ̄▽ ̄)"
於是立即從寄倉行李A拿起可愛老公的一個新袋子即場用,
 因為手袋類型不會視為1件Hand Carry,
再拿走一小盒有點重量的東西(27cmx18cmx7cm),
 寄倉行李A最後變成20.4 Kgs,Over 0.4 Kgs,地勤小姐說OK,
但她看我手上拿著那盒剛剛從寄倉行李A拿出來的東西,
她說Hand Carry只能一件,那盒小東西當一件Handcarry... ( ̄▽ ̄)"
可能因為我本身已經有一個Hand Carry的行李C...
我們示意這盒東西會放在Hand Carry行李C,
結果連本來不用量重量的Hand Carry行李C也要量,
結果是11.1 Kgs,地勤小姐Y說超重,
最後我們只好把3個行李箱在旁邊整頓一下,
她們亦開放了一個磅秤給我們自己自量重量,
主要是從15.? Kgs的寄倉行李B把相機腳架拿出來與相機袋合拼,
釋出多一點空間放置較重的東西。


最終整頓後 :

1. 寄倉行李A = 20.4 Kgs
2. 寄倉行李B = 17.? Kgs
3. Hand Carry的行李箱類型行李C = 9.9 Kgs
4. 相機背包合拼腳架(屬Hand Carry) = 沒有量,不超過10 Kgs
5. 我的手袋
6. 可愛老公從行李箱拿出來的新袋子

整頓完畢後,地勤小姐Y正在為其他乘客辦理登機,
所以由地勤小姐Z為我們安排寄倉,
 地勤小姐Z只量了行李A及B,沒有量Handcarry。


總結,依這次經驗看,只要一開始寄倉行李超重的話,
除非本身沒有任何Hand Carry,否則Hand Carry行李有機會要量。
  如果寄倉行李沒超重,地勤小姐似乎不會理會Hand Carry行李。


另外我們Hand Carry的行李數量雖然已滿,
但進入禁區後, 依然也買了一大袋東西,完全沒有問題。


簡單來說只要完成登機手續後,可以繼續拼個夠(笑)。


分享完畢!!








37 則留言:

  1. 回覆
    1. 可以想像我去旅行是好麻煩XD
      (其實這是住宿地方的朝食處)

      刪除
  2. 佢地只會量你1,2,3,因為係“行李箱”。
    通常手提“袋”,小背包都唔理。

    所以你上機前將相機腳架電腦電池等⋯⋯最重的都塞進背包hand carry(超重都唔覺)。

    回覆刪除
    回覆
    1. 重點係寄倉行李一開波唔好超重~一超種就會連hand carry都量埋
      我地未check in前果下整理~就係無再量囉 (因為機場是借其他航空公司的量器去量)
      所以整理完就算~點知超左重XD

      刪除
    2. 我去程三人只買一個20kg,我就帶咗19kg 32寸喼,9.x kg 20寸喼, 9.x kg背包,另加手袋。

      寄咗32寸後,佢都“順便”量一量20寸喼,講話驚我過重,check一check先。

      刪除
    3. 可能唔同地勤小姐做法會不同~地勤小姐Z完全無視我地個hand carry行李箱(好似是19寸咁上下)

      刪除
    4. 班機full唔full?full嘅話可能睇緊啲hand carry。

      刪除
  3. 我地都曾經過吾到 check in 呀, 執餐懵, 自此買左 inflight 果個手提磅。。。。。

    回覆刪除
    回覆
    1. 你地唔係坐廉航都爆磅....XD?
      你地回程幾多kg呀.....

      刪除
    2. 試過 CX 每人 23 kg ,左執右執之後, 要著晒 d 厚褸上身 (在個開晒暖氣的機場喎 ) , 再加幾袋 hand carry

      又試過 JAL , 咪每人兩件, 每件 23 kg 嘅 , 佢係好 strict 要每件 23kg , 吾可以一件 < 23kg, 一件 > 23kg, 果次執左好耐呀, 大佬, 重量岩, 吾等於 size 岩嘛, 有 d 易爛又吾可以放紅白藍...... , 執到忟, 打定輸數, 過吾到俾錢算, 好彩又無事

      上年年尾去沖繩呢, 因為帶婚紗, 預左罰錢, 不過 HK airlines 好平, 每人free 23 kg, 但between 23-32 只係罰~hkd 200 , 俾佢啦, 吾好煩

      我好似幾年前去新加坡係吾洗擔心行李之外, 每次都執餐懵, 好配服d 無咩行李的人, 但代價係吾可以用大機嘛, 不過我地上次去北海道都無拎腳架啦, 吾單你重的問題, 而係 set 親腳架影合照都好花時間呀

      刪除
  4. 我坐既係國泰,但一樣俾人"訖"
    寄倉行李兩個人三件剛好41.5kg,但個姐姐話我地有64kg,係都要我將手提寄倉,老公個相機背囊同我自己個背囊唔寄得,hand carry個袋裝ipad同電腦又唔寄得,佢於是要我地將電飯煲或者生果寄咗佢,我地唔肯於是佢要我地答應入禁區唔再買野,吹脹!

    回覆刪除
    回覆
    1. 唔~~~但係你d hand carry真係好似好多wo XDDDD
      幾乎可以霸左頭項果格XD?

      刪除
    2. 我個背囊同電腦袋同生果都係擺腳底,頭頂只係電飯煲同相機背囊,其實如果平日都會仲多一個細喼仔今次都冇攞。

      刪除
    3. 捉得好緊喎,21.x已經要罰錢,上次搭peach過22kg都係簽紙照寄,團友個超大背囊都唔使磅。

      刪除
    4. Nerissa : 可能驚你地擺唔到腳底XD 其實見到d 空姐要不斷幫d較遲上機的乘客搵頭頂位"攝"行李+執黎執去都幾浪費時間(另+慘)~可能想減少呢d情況吧

      刪除
    5. Maggie, Kaykie : 我反而認識有blog友坐peach~ over 1 kg都即刻話要罰錢~結果又係要即場執
      所以我估唔同地勤嚴寬有別

      刪除
    6. 所以樓上toiletpaper就對,買定個手提磅。

      郭太不如去taobao團購十個八個返來大家分?XD

      刪除
    7. 老公工作的公司有做手提磅PRODUCT(FREE)....不過旅行沒帶走... ( ̄▽ ̄)"

      刪除
    8. 講起遲上機, 上次 jal 我明明好早去排, 點知佢話我坐得前, 吾俾我上機住, 叫我坐埋一邊等
      點知佢又無再叫坐前排的人去排隊, 我老公又死都吾肯去隊尾排, 等等等, 原來 D 前排人都上晒, 攪到我地無位擺行李, 打散晒 (我地都係衰架啦, 超多 hand carry), 我嬲到話我老公吾肯去排隊, 佢又話返我, 做咩選咁前的位....... 怕怕

      刪除
    9. 選咁前的位不是因為方便走佬嘛XDDD
      well~~我地慣左坐咩機都一早去排隊...就係因為驚頭頂位無左...
      d人離自己太遠始終唔安心~雖然正路唔會偷XD

      刪除
    10. 選前座, 係吾想同 d 旅行團坐機尾, 旅行團好嘈嘛

      我都覺得行李吾跟自己吾係咁安心, 吾係驚人偷呀, 係驚其他人開開關關拎其他野時自己有野跌出黎喳, 或者撞爛跌爛無仇報架嘛, 又驚打散晒自己會拎漏野, 我地果次 d 行李擺到去 business 添呀

      刪除
    11. 其實我最驚就係在禁區入面買果D一袋二袋手信俾人放到老遠~果D盒裝野食包裝脆弱...
      以前老公連相機袋都唔敢放上面~不過最近都照放

      刪除
  5. 我試過腳架一定要寄倉,理由是打開腳架會阻住人,但我不會在機場內打開,但都唔得.(唔記得那個國家)
    去程已經好full,仲可以買咁多手信回來?^^
    張相好靚呀....快d出post啦
    地勤小姐Z沒量Handcarry c ,如果知道是9.9kg會否罰錢

    回覆刪除
    回覆
    1. 我地支腳架要拆左個頭先可以上機~有次無拆頭幾乎過唔到海關!!
      去程我得一件15kg嘛 XDD 回程2大1細XD
      Handcarry MAX是10 kgs~所以呢個無事 :)

      刪除
    2. 原來要拆頭,下次識點做
      原來佢Handcarry都可以10 kg,咁都幾好!!
      回程是20+20(比$),再+10kg Handcarry,再加手袋+背包
      定係20+30(比$),再+10kg Handcarry.................唔係點塞你d戰利品:)

      刪除
    3. 過親海關都俾人度腳架長度=_="
      HKEXPRESS本身每人 free 10 kgs hand carry
      所以 我 : 9.9kgs 行李箱hand carry(free) + 20kgs寄倉(俾錢) + 手袋
      他 : 相機背包[hand carry(free)] + 20kgs寄倉(俾錢) + 斜咩袋

      刪除
  6. 我4月果時坐jal 都超重..4個行李,,其中一個30kg..佢叫我比6000日元罰金我死都唔肯..之後重新再執過..點知未訓醒拎哂d液體出泥..d野又過哂,,最後罰比一萬日元,,多一袋行李寄倉.. 得不償失... = =

    回覆刪除
    回覆
    1. JAL 不是合併計?! or 合併計都爆磅?! JAL 好似每人可以兩件20KG (年半前坐過一次)
      好難想像會爆磅...XD

      刪除
    2. jal係2件寄倉,每件不多過20kg ,所以1件30kg就要罰。

      刪除
    3. JAL只坐過一次~其實有2件寄倉~2個人已經80 KG~邊拎到咁多野呀.............

      刪除
  7. 原來大家都有'超重'嘅經驗,好彩有你嘅分享,因為我都買咗hkexpress嘅機票3月飛,我只買咗20kg x 1件,如果上機時有一個相機袋+一個handcarry係咪都ok?
    我最憎喺機場要開gip執執執~~

    回覆刪除
    回覆
    1. 如果相機袋係細果D~當佢係手袋類吧! 我見有D人都是咁
      我地本身為安全起見~一早將可能因超重而要執的東西放在最易拎的地方

      刪除
  8. 咦,関西回程時,佢叫我同朋友將個喼一齊過磅,夾埋無超重就OK咗。咁飄忽嘅?

    回覆刪除
  9. 我之前問過係咁多件加埋吾好過20kg就可,可能係''每人20kg",吾俾share,所以過重要你執過。

    回覆刪除
    回覆
    1. 其實HKEXPRESS個網頁本身都有講過唔計件數而係睇重量~不過根據上面各人經驗會睇到好多不同版本XDD

      刪除