2015-07-13

懷孕中

~*懷孕中*~

上次的暗(明?)視文章(Blog)很多人都猜對,
不過跟未夠3個月的迷信之說毫無關係,因為當時已經超過3個月...


從醫學上,頭3個月是小產高峰期,
之前看過文章,大約每六個孕婦中,會有一個因各種原因而小產,
例如空心胎、宮外孕、胎兒沒有心跳停止生長等等,
我有兩位表姐曾經齊齊中宮外孕,其中一位更加連中兩次,
驚心動魄過了3個月,還要通過「 唐氏綜合症」和「結構超聲波」兩關,
身邊有認識的人在後者有非常慘痛的經歷, 
根據香港法例,懷孕24週之前發現任何異常問題可以安排人工流產,
反之24週後這條路就一定要走下去,
既然如此,不如等通過「結構超聲波」才正式公佈囉,
以40週的懷孕期來說,我的懷孕之路暫時走了一半。


 ♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥,.*,.♥,.*,.♥,.*♥,.*,.♥


~*感到意外的心情*~

我們一直也是等可愛老公畢業(去年11月中)才開始生育計劃,
對於幾個月時間便懷孕真的感到有點吃驚...

 1. 我的生理期一直無定向,多年前因為醫暗瘡而吃荷爾蒙藥,
吃藥時很準時,停藥後又亂過,
原因不明,我們難以計排卵期去計劃...

2. 很多人說排卵紙很準確,
結果試了兩個月在沒有任何反應下生理期便來了?!
查看之下,原來有部分子宮有問題的女性,沒有排卵也會來生理期...
但因為懶,打算一年後如果沒有發生好結果才再看醫生...


所以,我們都是抱著隨緣的態度和心情,
被雙方家人追問的時候,我們都是敷衍說「努力緊啦」,
實際上是沒有,一切隨緣,
我們唯一的準備,就是兩公婆齊齊食葉酸,
有人懷疑男人都要吃? 
各位可自行看相關文章,有研究指出男人吃葉酸對生育很有幫助,
信不信由你,我就信了,而且葉酸吃了沒有壞處,維他命之類而已,
加上不是貴東西,齊齊吃又有什麼所謂?
 

可能大家都是抱著這種輕鬆的心情,反而幫了一把?
原來在我們3月尾4月頭到日本賞櫻之時,
早就已經是3個人(?)一起去玩了?
回想旅行前及旅行時各種高危行為,真是心有餘悸...
魚生刺生軟雪糕這類高危食物一直吃不停,
旅行坐凌晨機到步後立即衝景點,由早走到晚,
第2、3天還瘋狂浸溫泉!!
最後一晚訓機場等上機...旅行期間可愛老公察覺我有異樣,
例如突然食慾不振(雖說照食)、很快疲倦很想睡覺之類,
他曾問「老婆,其實你係咪有左?」
我「你都痴線,咁易有咩。」 


如果當時出現了流啡流紅之類,我肯定會當成生理期處理...
幸好,
這個小B頑強地忍耐我這個遲鈍得可怕的媽媽終於肯用驗孕棒發現其存在...
真的是險象環生...我的遲鈍險些溜走一條生命...Σ(  ̄□ ̄;)


慶幸在沒有任何中醫調理和吃安胎藥之類的情況下,
沒有出現過任何流啡流紅之類的作小產現象,
希望小B繼續好好成長。 \( ̄▽ ̄)/




89 則留言:

  1. 不得不相信緣份,係你既就係你架啦... 我有朋友又係係不知情既情況下,坐過山車,玩機動遊戲都冇事,有 d 就咩都冇做,好小心都會冇咗... 恭喜恭喜呀!!! :)

    回覆刪除
    回覆
    1. 雖然我地本身有計劃,但一直覺得自己唔多唔少有問題加上已經就快是高齡產婦邊緣(醫學上35歲已是),所以警覺性非常低,明明出現一連串身體反應都諗唔起可能有左,哈哈..

      刪除
  2. 超級恭喜你呀~上次先話造人,咁快就成功,好叻呀!真係鄧你高興~

    回覆刪除
    回覆
    1. 靚太~~~想問下你如果去福井住溫泉酒店,你覺得果度會唔會太遠呀?我出年1月又揀番去名古屋喇~

      刪除
    2. 我今次去十日咋,你有無溫泉酒店可以推介我呀?

      刪除
    3. 北陸我都只係去過和倉住多田屋咋(睇海唔錯)

      刪除
    4. 我見呀,勁貴一晚呀,其實我唔介意去遠d架,至緊要靚,我預3千零蚊晚咋~我最想就係係間房度,唔洗走出去同人一齊浸!

      刪除
    5. 宜家日元低水~3千零蚊晚可以訂到露天風呂附客室

      刪除
  3. 恭喜賀喜,這麼快有好消息!要小心身體啊,bb要聽話Y(^_^)Y

    回覆刪除
  4. 恭喜呀!男人也要吃葉酸嗎?

    回覆刪除
    回覆
    1. 有人話要有人話唔洗,網上文章的所謂美國研究說有助強壯精子改善精子質素XD 有助減少胎兒異常,同埋話男人葉酸太少會影響精子數量XD 所以反正食左唔會有負影響(好多綠色蔬菜都含葉酸)多左會自己排出體外,唔爭在食埋啦

      刪除
  5. 恭喜 恭喜, 好耐之前睇blog你重考慮緊生吾生好, 個次係第一次留言給你!
    我登你開心呢

    回覆刪除
  6. 恭喜晒 !! 人生又去到另一階段了 ^^

    回覆刪除
  7. 恭喜恭喜!!! 以後的旅行模式要改變啦

    回覆刪除
    回覆
    1. 不用去動物園啦,我見您們還是少去東京迪士尼樂園和東京迪士尼海洋呀! 有了小朋友,正好大人和小朋友一起感受這個全世界最歡樂的迪士尼樂園,一起玩Splash Mountain 或是 Indiana Jones,還購買一起歡樂時刻的相片! 多麼歡樂呀!! Mrs HO

      刪除
    2. Disneyland我十幾年前去過兩次,老公就真係一次都無去過,海洋就大家都沒去過,日本Disneyland我又真係唔介意再去,哈哈

      刪除
    3. 當了父母之後,他們總會十分樂意帶着自己的小朋友到這些樂園遊玩一整天,或是一年有幾天,目的都是看着小朋友玩得開心。現在一歲多、兩歲多的小朋友已常常出外旅遊,很快您們大人和小朋友便可一起到東京這兩大主題樂園遊玩,恭喜您們 :D Mrs Ho

      刪除
    4. 去旭山動物園咪囉

      Disneysea 有間 shop , 專賣 baby stuff 架

      刪除
    5. 唯有希望到時心態改變唔抗拒去動物園,哈哈
      去miki house 啦XD反正都係老鼠出品XD

      刪除
  8. 恭喜晒呀~~~~小B好勁~佢一定會健康繼續成長下去

    回覆刪除
    回覆
    1. 慶幸在節食情況下都無點影響佢,我食得仲少過以前

      刪除
  9. 恭喜哂! o黎緊呢幾年你都唔得閒去得旅行...
    呢度要轉型做湊bb Blog...^^;
    葉酸 - 即係食多D菜就得?

    回覆刪除
    回覆
    1. 聽到葉酸可以強壯精子所以有興趣嗎XD 簡單黎講綠色蔬菜通常葉酸含量較高(我地就買丸食,其實葉酸係維他命一種),
      呢度唔會轉營,只係加多範,哈哈

      刪除
  10. 恭喜恭喜~~
    小B喜歡日本都唔定呢,愛魚生&溫泉
    可以咁短時間就有,真係要來就來,擋不住^^

    回覆刪除
    回覆
    1. 每次諗番轉頭都仍然驚驚地,好似做左一連串虐兒行為,哈...

      刪除
  11. 超級恭喜你啊!!! 之後就一家三口一齊去旅行了~~~~~~~!! 要小心身體呀, 好好安胎!

    回覆刪除
  12. 原來很對胃口的不是小龍包,而是酸酸的醋。XD

    回覆刪除
  13. 恭喜你呀,祝你生個肥白白嘅BB^^

    回覆刪除
  14. 恭喜你呀﹗咁快就成功﹗咁肚子越來越大,有無重到呢?

    回覆刪除
    回覆
    1. 慶幸暫時只是重左幾公斤,哈哈,希望全期唔好重過20磅

      刪除
  15. 記得我嗎?
    恭喜你啊, B仔定B女?
    靜雞雞告訴你, ME2, HEHEHE...

    (車厘子)

    回覆刪除
    回覆
    1. 稀有的留名訪客當然記得:D
      恭喜,希望大家都順利!
      B仔定B女下篇再講,哈哈

      刪除
    2. 其實我都KEEP住有睇架,
      不過早排淨係留名唔得,
      要入埋GOOGLE個ACCOUNT,
      所以有一排淨睇冇留言,
      今次呢篇令我忍唔住要登入留個'恭喜'!
      遲D可以去阿卡將大買特買啦~~~

      刪除
    3. 咁就要繼續留意下一篇老公7月頭單拖東京遊戰利品

      刪除
  16. 恭喜哂你地呀!!
    BB咁細個已經適應哂你地旅行歩伐, 一出世就可以同爸媽一齊衝日本喇!!^^

    回覆刪除
    回覆
    1. 我自己都好驚奇旅行果十幾日咁多走動又凌晨機居然無事發生,我都好期待齊齊旅行的畫面:D

      刪除
  17. 恭喜恭喜^^ 睇左你BLOG好耐, 由LOLITA 年代到衣家.不過好少留言
    今次真係要弓喜弓喜你呀!

    回覆刪除
    回覆
    1. lolita年代唔計中間斷左果幾年~好似是2012年開始穿番~都真係耐耐地~謝謝啦

      刪除
    2. 係LOLITA ONLINE 年代.呵呵

      刪除
  18. 恭喜恭喜, 第日又可以三人行去日本......買bb用品....等等
    男人也要吃葉酸, 我都係第一次聽喎, 你應該係後生, 所以比較易有左....

    回覆刪除
    回覆
    1. 我其實係邊緣高齡產婦~醫學上35歲屬於高齡~我34~所以都危危地~哈哈
      男人吃葉酸>網上說有美國研究顯示可以強壯精子改善精子質素~男人葉酸太少會影響精子數量XDD
      反正葉酸食落肚對男人無害XD 唔爭在食埋啦XD

      刪除
  19. 恭喜晒呀 ~
    懷孕的過程真是一步一驚心的,幸好 BB 生生性性、適應力強,希望 BB 繼續努力吸收多o的再多o的 !
    好想知係仔仔定女女呀,期待下一篇揭盅,係時候諗定到時去邊度 shopping 買 BB 用品了 XD

    回覆刪除
    回覆
    1. 有左後上網睇得多,先知道原來好多人都試過懷孕過程不順利,成功生到出黎非必然,本來想生左先講,但我家人在我8週時已經向三姑六婆唱通街啦...既然都通晒天就唔爭在自己講一次啦...

      刪除
    2. 如果真係生左先講、寫寫下最近的遊記然後突然o係個 blog 度見你多o左個女、都真係幾突然同驚喜o下 ! 哈哈 ~
      咁搞笑 ?! 你家人o係8週時已經唱通街 ?? 不過佢地冇未夠3個月的迷信都係一件好事,唔洗下下都話「唔講得、唔做得 …」,我媽媽仲搞鬼,我阿 b 出o左世成個星期都仲話唔好話俾人知佢個名住,要過o左一個月先講,我都無理佢,因為一出世已經講晒啦 ! XD

      刪除
    3. 我老豆果邊百無禁忌~當然奶奶果邊就唔同~有提唔好mud唔好物~
      不過我講明我唔信果味野~逢親迷信無根據果d唔洗同我講~
      老人家雖然唔多高興~但我根本就唔信亦唔會跟果套~咁不如唔好講啦 :p

      不過唔好話俾人知bb個名要過一個月先講得我反而真係未聽過wo!

      刪除
  20. 恭喜你們~生個可愛健康小寶寶~

    回覆刪除
  21. 你好,追咗你個blog已經幾年,見到你咁順利有bb真係好替你高興,祝你之後都順順利利,小b身體健康。

    回覆刪除
  22. 恭喜你地呀~ 生個精靈健康既Baby
    你地既日本之旅唔可以去得咁密了 ^^

    回覆刪除
    回覆
    1. 好高興你都浮上水!我諗要發掘下香港好去處啦,哈哈

      刪除
  23. 遲來的恭喜~~~ 大家都是羊媽媽啦~~~

    回覆刪除
  24. Congrats! 羊媽媽揮手~~~
    雖然無妳咁利害,但我都係幾個月唔飛一次會身痕...你會唔會去返個babymoon?

    回覆刪除
    回覆
    1. 謝謝^o^
      應該唔會啦~開頭bb豆腐咁款大家乖乖留香港啦

      刪除
  25. 恭喜呀~~
    小B能在媽咪肚中健康長大是福氣來的~~

    回覆刪除