2016-12-02

物業2號 - 收樓篇

10月頭透露過正進行人生大Project之一...
第一時間感謝可愛老公給我一個做包租婆的機會,
久候多時,物業2號終於入手了。


以前只有兩公婆,兩房一廳(建5XX呎/實4XX呎)尚算夠住,
兩公婆+工人+小金魚就有點擠了,加上有意生第二個(未知幾時),
沒有三房不行了,雖然現在樓價讓人流汗,
但我們真的有需要,心口一個勇字在樓市熾熱下照去馬。


單位是同一屋苑對面座數,暫時不捨得離開這屋苑,
習慣了它的方便,30秒走到鐵路站,
打風落雨可以不帶傘去超市街市茶記麥記,
5分鐘走到海濱長廊,旺中帶靜,而且娘家都在這屋苑,方便照應。


另一個艱巨的Project即將展開,就是裝修...
單位原積是3房(建7XX呎/實5XX呎),基本上要全屋拆走重新裝修。


首先走廊的洗手間前業主做了浪費空間的趟門(就是那上下兩塊水松版位置),
 我們要拆走變成入牆大鞋櫃。
 photo 469A0881P01_zpsopww1q3h.jpg


這是客廳,前業主拆走一間房變成巨廳。
所以要重置一間房變回3房單位。
 photo 469A0878P01_zpsp1kvc6ov.jpg


另一面牆望向窗口。
客廳裝修風格基本上大家想法一致,
反正有小朋友而且即將進入破壞階段,簡單就好了,而且現在袋已清...
 photo 469A0883P03_zpsfgifjp7p.jpg


窗口那邊的角落望向對面客廳角落,通道是房間。
 photo 469A0880P02_zpsjv2yxta0.jpg


這是主人房,本來不想拆那個特大衣櫃只換衣櫃門,
但這衣櫃的間格及設計在收納上浪費不少空間,結果只好拆走重造。
 photo 469A0886P03_zpssvu1reql.jpg


 photo 469A0890P04_zpsbgfulivr.jpg


至於另一間房只會簡單油漆及換房門,一來想留給小金魚放肆地畫牆,
二來希望等生了第2個才決定房間風格,
如果是兩個女孩子就好辦事,一定做公主房!!!!!!
 photo 469A0884P02_zpsdredptsp.jpg


廚房以為可以省去裝修,但細心近看好像有點舊,所以又要重新造。
 photo 469A0893P04_zps8ph2atot.jpg


以為洗手間只要換廁所便可以,但要拆趟門做大鞋櫃,
趟門又連接洗手間部分磚牆及洗手盆,然後企缸那疑似生锈的按摩配件也要拆,
與其拆到不三不四,不如重新做啦。
 photo 469A0891P05_zpsixaiwk2t.jpg


11月去完旅行,12月也要旅行,同時要Plan行程忙裝修,新年肯定趕不上,
新年後才能搬屋,然後3月尾要旅行,這半年真的好多計劃好充實,
 我也不知道有沒有時間寫裝修Blog...


很慶幸老爸是裝修師父,為我解決幾次難辛大Project!!
以下是數年前的裝修Blog重溫: 
 我的田園公主屋雜誌訪問 :自主空間 - 9月號
經濟日報【置業家居】- 田園「夢想家」
 客廳 / 廚房及洗手間 / 房間


 ♥♫o‧°♥∴☆ ♥‧°☆∴°★‧° ♥♫o‧°♥∴☆ ♥‧°☆∴♥♫o‧
          
 
 物業2號家居裝修 - Index
 
 
 

23 則留言:

  1. 點解可以做到咁多嘢?湊囡、旅行、買樓、裝修!!

    回覆刪除
  2. 有熟人識裝修方面係會省却好多麻煩。

    回覆刪除
    回覆
    1. 不過我老爸都只係幫我跟到裝修~訂傢私果些唔係佢果範
      當然已經幫輕左一大半~廚房廁所我揀好料就佢搵人搞

      刪除
    2. 識到有人幫手搞好緊要,之前我奶奶屋企裝修,叔仔同太太都係做室內設計識好多判頭,結果都整咗四個幾月,因為話而家全行都唔夠工人,就算搬返番去都仲要人上門再執。

      刪除
    3. 我老豆話無後生仔入行~幾個跟緊佢做野的全都5張以上~我老豆宜家都裝修緊幾間別墅~佢都話都唔知去邊度搵人幫我搞=__=" 仲要臨過年係裝修旺季...

      刪除
  3. 恭喜恭喜呀!!!又做包租婆,又可以裝修~
    回想之前買樓裝修果半年, 真係人都顛, 雖然忙,但又好開心架, 你有爸爸幫你手, 更加煩少好多啦

    Btw, 小小 suggestion, 如果都中意煮下野食, 焗下蛋糕, 強烈建議 60 cm 大 sink 盆, 真係好好用呀, 仲有must have 洗碗機, even 你有工人, 因為, 好工人, 隨時走架嘛, 姐姐做少樣, 多 d 時間睇小朋友都好丫。

    我就後悔門口走廊位幅牆無舖磚, 成日出出入入, 好易花晒呀

    我都好想寫裝修 blog, 但我 d 旅行 blog, 都只你寫到 2013 喳~

    回覆刪除
    回覆
    1. 仲有呢, 如果你第日打算親子廚房的話 , 换電磁爐好 d 呀, 小朋友玩得安全 d, 平時姐姐煮飯都安全 d. 咩明火先夠鑊氣, 科技的進步, 已經有靚廚具可以解決到架啦

      刪除
    2. 預定有兩間房唔裝修住希望可以搞少D野啦...淨係深圳香港淘寶幾邊格價已經夠煩~鬼叫宜家乾塘~
      有銀真係搵設計公司搞掂算數~但我朋友間屋搵設計公司搞又係搞到一鑊泡~唉~所以裝修都係人生大Project~

      其實上次我地已經想轉無火煮食~我老豆話我地無聊 >> 老人家係比較抗拒
      結果無轉...呢次睇下轉唔轉~轉無火煮食係咪焗我買LC lol

      工人最多野洗係夜晚~夜晚我地自己湊女~佢洗完就沖涼訓覺架啦XD

      刪除
    3. 呢次客廳我地痴牆紙~唔知會唔會花得無咁快呢

      刪除
    4. 如果間屋吾係千尺大屋, 又或者 d 牆都吾可以點拆嘅, 我又覺得吾洗揾 designer 攪囉。 我同事前年裝修揾 designer, 都好多野要自己煩架, 除非你真係好無所謂, 又無 budget 上限喳。

      我果時要玩 built in oven , 又要洗碗機,淨係廚房廁所俾廚櫃公司攪。 吾怕得罪講句, 裝修師傅, 我吾信佢地攪得店果 d built in 對廚櫃的要求囉。 下下要我 check 你有無整錯 ( 事實自己又吾識 ) 盞攪。Turn out 廚廁 d 櫃比裝修師傅報的貴 50%, 但超級完美主意者的我, 都無野好挑剔, 我個裝修師傅亦承認, 佢做吾到呢個質素

      依家d 電磁爐已經好左好多, 就算用普通廚具, 都ok 架啦 ( 我靚煲, cheap 煲都有 ) , 係爆炒的話, 用靚廚具, 就可以好有鑊氣。 至於用 LC, 係幫你慳到能源,吾洗開咁大火, 長遠都有 so 嘅。 如果吾追色追款, 其實 LC 都可以好平架。 同埋 fissler , debuyer 都做到傳熱快同保温, 不過 fissler 仲貴過 LC 架

      刪除
    5. 我朋友間屋其實實用面積得4百幾~佢就廢事煩就全屋俾晒設計公司搞~結果好搞笑~個門口走廊特登突個櫃出黎~designer話係design wo (幾百尺屋玩d咁ge design??) 然後d廚櫃房門未用夠一星期已經甩皮~上黎執左兩次都係咁~結果我朋友無心機再搞就由佢了~只能說搵設計公司又係好講彩數~
      btw~~裝修師傅都係識一兩part野其他都要再外判搵其他人搞~~全行人數短缺佢手頭都未必真係有呢類專門~~~我老豆做開豪宅裝修~佢都只係識廚房廁所果part~水電鋪地板呢d都要另外搵人搞~廚櫃公司收貴50%真係唔奇~因為佢地要搵好多範的人去砌出黎~仲要有些係special野~一般裝修師傅唔識架~~裝修師傅d質素又係好參差

      btw~靚廚具 >> 以前直到現在都唔點煮野淨係會識LC lol
      然後即係俾左工人用lol

      刪除
  4. 恭喜您衷心恭喜您~
    裝修有爸爸支援比意見,免卻好多煩野,上手不是你的風格,整左住得舒舒服服:)

    回覆刪除
    回覆
    1. 多謝呀! 上手直情廳同房都爛容容~~HAHA

      刪除
  5. 裝修真係好煩,你爸應該很為你提供不少專業意見,過完一關又一關果種
    睇嚟....你真係有排忙呀,仲可以上嚟寫BLOG真係勁呀~~~
    恭喜恭喜,快要變富婆喇^^

    回覆刪除
    回覆
    1. 之前兩次都只係裝一半~呢次係全屋一次過~~真係一頭煙!
      宜家都唔知做得邊樣

      刪除
  6. 恭喜恭喜呀!
    新屋風格會都是田園家居嗎

    回覆刪除
    回覆
    1. 上次都已經半田園~呢次唔田園啦

      刪除
  7. 回覆
    1. 等我連工都唔洗番又有工人洗先再講...

      刪除
  8. 又做業主,恭喜晒 ~
    好想快啲睇到裝修後的完成品,簡直充滿期待呀 !

    回覆刪除
    回覆
    1. 我都好想skip晒中間果堆煩野見到完成品~~haha

      刪除