2018-04-10

旅行黑運去到最低點再強力反彈。荷蘭。親子旅遊。自由行回歸 (Amsterdam/阿姆斯特丹、Volendam/沃倫丹、Utrecht/烏特勒支、Giethoorn/羊角村、Leiden/萊頓、The Hague/海牙)

  ~*戰利品一覽*~
 photo 469A8131P03_zpselqbccol.jpg


去荷蘭,事前目標只打算買芝士、荷蘭木屐、Miffy和風車擺設,
要買的都買了,記念品店鋪入了4間,
賣的都是那些東西,去到機場禁區還是那些東西,哈哈。


說回這次旅行,出發時飛行不久我把整個早餐嘔出來(不是懷孕!),
而且嘔得太快有大半嘔到自己衣服上…
不計到步第一天,旅程第一至三天都做錯一些決定,小金魚又鬧情緒讓人氣餒,
估計是時差問題和水土不服,因為頭幾天小金魚沒有拉便便,
加上陰天天氣冷影響心情(香港濕凍那種寒冷),第三天又被雨雲狂追,
還差一點以為要訓街,當時苦笑說荷蘭這個國家是否不太歡迎我?


簡略說一下第三天發生什麼事情,詳細在遊記再說,
當晚入住Giethoorn/羊角村,這地方類似日本白川鄉,大部分以民宿經營,
房東寫錯入住日子…結果只餘下一間沒有浴室要走到公廁洗澡的小房間…
本來當天受大雨影響心情已欠佳,知悉一刻簡直有如跌落谷底...
幸好晚飯期間網上查到村上唯一的酒店還有最最最最後一間空房…
總之當日心情真的好像坐過山車,好驚嚇!!
 photo 469A6900P02_zpsovrnw7h9.jpg


幸好行程去到第4天,天氣終於回暖很舒適亦每天出太陽,讓人心情大好,
小金魚亦刻服水土不服及時差,之後還遇上兩件幸運事情,
第一是4月5日生日當天晚上去自助便利店買了Eur 8.x的東西,
該店只接受信用卡,但我的信用卡刷不到,店員幫忙還是刷不到,
然後店員握著可愛老公的手用英語笑說「恭喜你,這些東西就這樣拿走吧,
我的名字叫XXX,你叫什麼名字及來自哪裡?」
可愛老公回應後,店員笑說「請記著我的名字,
如果我有機會來香港遇到我的話就招呼一下我吧。」
於是莫名其妙免費得到Eur 8.x的東西,真的好意外!!
第二是我們有天去城堡要火車轉巴士,"不小心"早了兩個火車站下車,
不過巴士也經此站其實沒所謂,沒想到巴士只是一架8人座位的巴士,
一小時只有一班車,當巴士駛到"原本"要上車的車站時已滿座,
車站有十多人沒法上車,事後很慶幸"不小心"早兩個火車站下車去坐巴士!! 
這就根本是好運到不得了!! 所以為何我說「旅行黑運去到最低點再強力反彈」!!
 photo 469A7681P01_zpscnyt3vlq.jpg


如果各位有印象,我曾說過當旅行進行到第六七天,我便會開始發神經想回家,
在旅行第九天我們慢活閒遊散步的時候,可愛老公問我有沒有很掛念日本? 
這次又有沒有很想快點回家? 我的確很掛念日本的溫泉酒店,
但沒有很掛念日本,倒是希望可以去更多不同的地方,
這次亦沒有想快點回家,反而有點意猶未盡,可能對我來說太有新鮮感,
一個細小的荷蘭,以為全部都是一式一樣的西式建築一定很快看膩,
但原來不同城市已經是不同風格面貌,地方又太美(Amsterdam除外),
另外荷蘭人真的好熱情很Helpful,沿路、等車、
車上以至餐廳食飯都有人跟你打招乎和吹水,
所以綜合來說,除了Amsterdam人太多太雜地方不衛生很多垃圾外,
荷蘭給我的印象很好,亦慶幸只曾花時間在Amsterdam吃過一次早餐及下午茶,
餘下時間都花在其他城鎮。
 photo 469A6521P01_zps4gpcs6jz.jpg


不過帶著較細的小朋友不自駕實在不太方便,
這裡不是周街都有便利店超市藥房,想去補購物資都可能要坐車,
所以待我們可以自駕的時候才再考慮去歐洲吧!


*..*..*..*..*..*..*..*..*


     
 
 

20 則留言:

  1. 哈哈,今次我的旅程是藥之旅,身邊兩個人一個由落機開始買藥,另一個由去長野開始買,總之日日一見到個"藥"字就停車買藥 -_-!

    回覆刪除
    回覆
    1. 我地早已習慣香港帶藥,我個人覺得日本d藥廢廢地(我有食過先咁講),例如感冒發燒食特強必理痛唔眼訓又快見效醫生都唔洗睇,日本d藥食到番香港都仲要去睇醫生

      刪除
    2. 同你相反,有食必理痛但唔得,始終都要買佢自己日本食開隻藥。

      刪除
    3. 必理痛我地用閃/反光盒果款,唔反光/唔閃的效力麻麻,日本藥我同老公仲有我d妹都唔多Work,haha

      刪除
    4. 真的每人體質問題,EVE 生理庝頭疼,有quick 無quick 食完仲係疼,而其他藥物就得

      刪除
    5. eve俾人吹得最大(對我黎講)…開頭買過下之後無買了

      刪除
  2. 好期待荷蘭遊,遇到意料不到既事真係要好睇自己去調節心情
    睇相都知係開心多D

    回覆刪除
    回覆
    1. 遇到第3日果個衝擊真係太震撼,都唔知點調節,好彩餐dinner幾好食果下心情就好番d,然後發現有房就至鬆晒,計落都只係第3日黑仔,其他都係開心的

      刪除
  3. 未去過有新鮮感,
    都係既,自駕對一家人旅遊超方便,
    我有睇blog , 唔知點解成日登入唔到ヽ((◎д◎ ))ゝ

    回覆刪除
    回覆
    1. 呢次旅行我"哦"(其實直情係發老脾)足佢咁多日點解唔早多幾年就去考車牌

      刪除
    2. 你去考喇,兩個輪住揸⋯⋯日本SA 某些幾吸引xd
      例如租幾日,你揸兩日可以

      刪除
  4. 最緊要之後玩得開心呀!Belated Happy Birthday 🎁

    回覆刪除
    回覆
    1. 多謝! 呢次旅行可以話係先苦後甜美好結局 haha

      刪除
  5. 最緊要調節到心情,荷蘭風景好靚,等你出BLOG,戰利品中我見到有香腸?要冷藏?

    回覆刪除
    回覆
    1. 果條係芝士XD
      只要去唔去人流集中的地方歐洲度度都靚:)

      刪除
  6. 補祝生日快樂呀。我仲以為碌卡知你生日,所以免費添。

    完全明白你嗰種去到到歐洲,唔明啲嘢點解會咁發生嘅呢種感覺。有時就會覺得去日本真係可以唔帶腦同埋其實香港真係幾好。

    我估我當年都係去你講嗰個城堡。我好naive咁以為落咗火車就會有巴士,原來係好疏。又唔係日本咁一出站就有的士。結果係去同回都行成兩個鐘!

    另試過五一响米蘭遇到罷工,無火車返酒店。又要行兩個鐘。荷蘭Orange Day公交又全線提早停駛,又行返酒店...

    的確荷蘭人係幾好。德國人都係,英文都好好。

    等睇你靚相。

    回覆刪除
    回覆
    1. 多謝:)
      果日只係剛好我生日,所以簡直好似個天送生日禮物lol
      個巴士司機同上唔到車的人講話佢已經同公司反映過好多次,話明知有城堡都仲只係肯開架8人巴士(計埋司機wo),佢話佢都無辦法,叫d人自己行去話行25分鐘wo,但我坐緊果時都坐多幾個字先到…25分鐘肯定行唔到囉! 幸好回程我地好晏先走所以來回都順利上到巴士…

      你大人就話簡單少少行兩粒鐘,如果叫我帶住小朋友3個鐘都番唔到去,所以我向老公發晒老脾講明唔自駕咪洗旨意我再去歐洲

      我諗德國人overall應該唔錯除左我老公個老細…lol...

      刪除
  7. 去旅行最擔心都係仔女唔適應,又怕食物唔o岩食、又怕食錯嘢,仲要加上落雨的話,真係會令家長好大挫折,覺得帶佢地去旅行係咪一個錯嘅決定,令到佢地辛苦 …… 但適應過後大家玩得開心、放鬆,影到靚相時就覺得係一個好難忘的經歷同回憶了

    回覆刪除
    回覆
    1. 時差大人都要幾日時間適應,所以都預左小朋友會扭計,不過開頭兩三日真係比想像中氣餒,天氣肯定有影響心情,雖然只係落過日半雨,但頭3日連大人都覺得陰寒,好彩第4日暖番個個都精神爽!
      野食就真係連大人都唔多arm食,幸好我訂的住宿全部有廚房,所以間中自煮下d湯粉,出去食呀女就餐餐都係pancake 薯條,haha...

      刪除